ວັນທີ 17 ມິຖຸນາ 2021 ນີ້ ວິທະຍາຄານກົມມະດໍາ(ວ.ກ)ເປີດກອງປະຊຸມອະນຸກຳມະການ ສອບເສັງລະດັບຊາດສົກຮຽນ 2020-2021 ຄັ້ງທີ 2 ຂຶ້ນ ພາຍໃຕ້ການເປັນປະທານຂອງ ທ່ານ ພົນຕີ ສາຍໃຈ ກົມມະສິດ ຮອງຫົວໜ້ກົມໃຫຍ່ເສນາທິການ ກອງທັບປະຊາຊົນລາວ; ມີບັນດາຄະນະກົມໃຫຍ່, ກົມນ້ອຍ, ກົມວິຊາສະເພາະ ອ້ອມຂ້າງຂອງກະຊວງ ປ້ອງກັນປະເທດ ພ້ອມດ້ວຍຄະນະພັກ-ຄະນະອຳນວຍການ ແລະ ຄະນະວິຊາຄູ ວິທະຍາຄານເຂົ້າຮ່ວມ.
ສະຫາຍ ພັນໂທ ພອນສະຫວັນ ສີບຸນເຮືອງ ຮອງຫົວໜ້າຫ້ອງ ອົບຮົມ-ກໍ່ສ້າງ ວິທະຍາຄານກົມມະດຳ ໄດ້ຂຶ້ນຜ່ານບົດລາຍງານ ການສອບເສັງຈົບຊັ້ນລະດັບຊາດ ນັກຮຽນກໍ່ສ້າງ ມະຫາວິທະຍາໄລ ການທະຫານ ປີທີ 4 ຊຸດທີ 16 ຈໍຳນວນ 10 ເຫຼົ່າຮົບ ຢູ່ ວ.ກ ຕໍ່ກອງປະຊຸມ ຄັ້ງທີ 2 ຕາມລະບຽບຫຼັກການ ຂອງໂຮງຮຽນ ກອງທັບປະຊາຊົນລາວ ທີ່ໄດ້ຮຽນຈົບຫຼັກສູດ ໃນການສອບເສັງ ເພື່ອຢັ້ງຢືນຄວາມຮູ້ – ຄວາມສາມາດ.
ຜ່ານການເຄື່ອນໄຫວສອບເສັງລະດັບຊາດ ແຕ່ວັນທີ 7-11 ມິຖຸນາ 2021 ເປັນຕົ້ນມາ ເຊິ່ງມີບັນດານັກຮຽນເຂົ້າສອບເສັງຕົວຈິງ 217 ສະຫາຍ ທີ່ກົມໃຫຍ່ເສນາທິການໄດ້ອະນຸມັດ ສະບັບເລກທີ 1039/ກສນ ນະຄອນຫຼວງວຽງຈັນ ວັນທີ 28 ພຶດສະພາ 2020 .
ສາມາດ ຢັ້ງຢືນຜົນການສອບເສັງ ຂອງນັກສຶກສາຄືດັ່ງນີ້ ເຫຼົ່າ ທະຫານຣາບ ຄະແນນ 8,8 ຄະແນນ, ເຫຼົ່າການເມືອງ ຄະແນນ 8,7 , ເຫຼົ່າຣົບ ລົດຕັງ-ຍານເກາະ ຄະແນນ 8,65 ຄະແນນ, ເຫຼົ່າຣົບປືນ ໃຫຍ່ໜ້າດິນ ຄະແນນ 8,25 ຄະແນນ, ເຫຼົ່າຣົບປ້ອງກັນອາກາດ 8,51 ຄະແນນ, ເຫຼົ່າລົບຊ່າງແສງ 8,61 ຄະແນນ, ເຫຼົ່າຣົບ ສື່ສານ 8,40 ຄະແນນ, ເຫຼົ່າຣົບ ສືບຂ່າວ 8,48 ຄະແນນ, ເຫຼົ່າຣົບຕີພິເສດ 8,63 ຄະແນນ, ເຫຼົາຣົບເຄມີ 8,62 ຄະແນນ.
ບັນດາຜູ້ເຂົ້າຮ່ວມກອງປະຊຸມ ໄດ້ພ້ອມ ກັນຄົ້ນຄວ້າ, ປຶກສາຫາລື ເຖິງບັນດາເນື້ອໃນ ຂອງທຸກພາກສ່ວນ ນັກສຶກສາ ຈົ່ງຍົກສູງ ຄວາມຮັບຜິດຊອບ ຕໍ່ໜ້າທີ່ການເມືອງໃຫ້ສູງຂຶ້ນ ຖືເອົາການຝຶກຝົນກໍ່ສ້າງຕົນເອງ ໃຫ້ມີຄວາມເຂັ້ມແຂງ , ມີຄຸນທາດ ການເມືອງໜັກແໜ້ນ, ມີຄຸນສົມບັດ-ສິນທຳປະຕິວັດ, ມີຄວາມດຸໝັ່ນ ຄົ້ນຄ້ວາ, ຊອກຮູ້ຮ່ຳຮຽນ, ປະຕິບັດໄດ້ຂໍ້ກຳນົດ ກົດລະບຽບ ຂອງກອງທັບ ກໍ່ຄື ຂໍ້ກຳນົດ ວ.ກ ວາງອອກຢ່າງເຂັ້ມງວດ ແລະ ພ້ອມກັນຍາດເອົາຄະແນນດີ ຄະແນນເກັ່ງ ເຂົ້າໃສ່ໃບປະກາດສະນີຍະບັດ ໃຫ້ມີຄຸນນະພາບສູງ.
ຂ່າວ : ວັນນະເລດ ລໍວັນໄຊ , ພາບ : ລຸນທອງ ສີບຸນເຮືອງ
