Intermittent Fasting ຫລື IF ເປັນວິທີຫຼຸດນຳ້ຫນັກທີ່ກຳລັງເປັນທີ່ນິຍົມ ໃນກຸ່ມຄົນລຸ້ນໃຫມ່ ເພາະເປັນການເລີ່ມຕົ້ນຄວບຄຸມອາຫານຢ່າງງ່າຍໆ ໂດຍການຄວບຄຸມແຄລໍລີ ແລະ ຈຳກັດເວລາ ໃນການຮັບປະທານອາຫານ ໂດຍມີຫລາກຫລາຍວິທີໃນການປະຕິບັດ ແຕ່ວິທີທີ່ໄດ້ຮັບຄວາມນິຍົມກໍຄື ຈຳກັດເວລາຮັບປະທານອາຫານ ແລະ ງົດອາຫານ 16 ຊົ່ວໂມງ ຍົກຕົວຢ່າງງ່າຍໆຄື: ເຮົາສາມາດຮັບປະທານອາຫານໄດ້ເວລາ 6:00-14:00 ໂມງ ໂດຍຫລັງຈາກ 14:00 ໂມງ ເປັນຊ່ວງງົດອາຫານ ດື່ມໄດ້ພຽງນຳ້ລ້າ ຫລື ກາເຟ, ຊາ ທີ່ບໍ່ໃສ່ນຳ້ຕານ
ຂໍ້ດີຂອງການ IF ຫລື ອົດອາຫານ ທີ່ໃຫ້ຂໍ້ດີຫລາຍກວ່າຫຼຸດນຳ້ຫນັກ ແຕ່ວິທີ IF ອາດເຮັດໃຫ້ຫລາຍຄົນເຈັບປ່ວຍ ຈົນຕ້ອງຮ້ອງຫາຫມໍໄດ້ ຫາກເຮັດບໍ່ຖືກວິທີ
- ບັນຫາທີ່ອາດເກີດຂຶ້ນໄດ້ຫາກ IF ບໍ່ຖືກວິທີ
⁃ ອົດອາຫານຫລາຍເກີນໄປ ຈົນສ່ຽງຂາດສານອາຫານ
⁃ ຮັບປະທານອາຫານຫລາຍເກີນໄປ ເພາະຕ້ອງຟ້າວກ່ອນເຖິງຊ່ວງເວລາງົດອາຫານ
⁃ ເລືອກເວລາໃນການກິນ ແລະ ງົດການກິນຜິດເວລາອາດສ່ຽງໂລກທີ່ກ່ຽວກັບລຳໄສ້
⁃ ການນອນເດິກ ໃນກຸ່ມຄົນທີ່ເຂົ້ານອນເດິກມີຄວາມສ່ຽງໃນຄວາມຕຸ້ຍງ່າຍຢູ່ແລ້ວເນື່ອງຈາກລະບົບຮໍໂມນທີ່ສ້ອມແຊມຮ່າງກາຍ ແລະ ລະບົບຄວາມອີ່ມໃນຮ່າງກາຍຈະແປປ່ວນ ເຮັດໃຫ້ຄົນນອນເດິກບໍ່ສາມາດງົດອາຫານໄດ້ ຕ້ອງກິນອາຫານຫວານ ແລະ ນຳໄປສູ່ຄວາມຕຸ້ຍ.
⁃ ອອກກຳລັງກາຍ ເນື່ອງຈາກການຫລຸດຄວາມຕຸ້ຍ ບໍ່ແມ່ນພຽງແຕ່ການຄວບຄຸມແຄລໍລີ ແຕ່ຍັງລວມເຖິງການສ້າງລະບົບຄວາມເຜົາຜານທີ່ຖາວອນຂຶ້ນນຳ ໃນສ່ວນນີ້ຄືການສ້າງກ້າມເນື້ອ ເພື່ອບໍ່ໃຫ້ເກີດຜົນພວງຂຶ້ນພາຍຫລັງ
⁃ ຍັງຕິດຫວານ ຄືຖ້າຫາກເຮັດ IF ແລ້ວຍັງຕິດກິນອາຫານ ຫລື ຂະຫນົມຫວານໆຢູ່ ອາດສ່ຽງຕິດຫວານ ເຊິ່ງຖ້າງົດອາຫານຈະເຮັດໃຫ້ເກີດອາການຢາກນຳ້ຕານ ຫລື ອາດຈະກິນຂອງຫວານໆຫລາຍກວ່າເກົ່າ
- ປະໂຫຍຂອງ IF
ການເຮັດ IF ມີປະໂຫຍດ ໃຫ້ກັບຮ່າງກາຍຫລາຍໆດ້ານນອກຈາກ ຫຼຸດນຳ້ຫນັກ ດັ່ງນີ້:
⁃ ອະນຸມູນອິດສະຫລະໃນຮ່າງກາຍຫລຸດລົງ
⁃ ການອັກເສບເຊື່ອງຊ້ອນໃນຮ່າງກາຍຫລຸດລົງ
⁃ ອ່ອນກວ່າໄວ ເປັນຜົນມາຈາກອະນຸມູນອິດສະຫລະ ແລະ ການອັກເສບໃນຮ່າງກາຍຫລຸດລົງ
⁃ ຮ່າງກາຍຕອບສະຫນອງຕໍ່ອິນຊູລິນໄດ້ດີຫລາຍຂຶ້ນ ຖ້າຮ່າງກາຍຫາກຕໍ່ຕ້ານອິນຊູລິນ ອາດສ່ຽງເປັນໂລກເບົາຫວານ
⁃ ຊ່ວຍເຮັດໃຫ້ຢີນທີ່ດີ ບາງໂຕ ສະແດງອອກໄດ້ດີຂຶ້ນ ໂດຍສະເພາະສານທີ່ຊ່ວຍສົ່ງເສີມການເຮັດວຽກຂອງສະຫມອງ ເຮັດໃຫ້ເຮົາສະຫລາດຂຶ້ນ ແລະ ຄວາມຈື່ຈຳດີຂຶ້ນ
⁃ ຫລຸດຄວາມສ່ຽງໃນການເປັນໂລກຕຸ້ຍ, ໂລກເບົາຫວານ ແລະ ຫົວໃຈ
- ເຮັດ IF ແນວໃດໃຫ້ຖືກວິທີ?
- ຕັ້ງເວລາໃນການກິນ ແລະ ງົດອາຫານໃຫ້ເປັນໄປຕາມໂມງຂອງຊີວິດ ຄື ຖ້າເລືອກສູດກິນ 8 ຊົ່ວໂມງ ງົດອາຫານ 16 ຊົ່ວໂມງ ບໍ່ຄວນເລືອກຊ່ວງກິນອາຫານຕອນເດິກ ຄວນເລືອກກິນອາຫານ 8 ຊົ່ວໂມງ ໃນເວລາທີ່ໃຊ້ຊີວິດປົກກະຕິເຊັ່ນ: ຕອນເຊົ້າ, ສວຍ ແລະ ແລງ
- ໃນຊ່ວງທີ່ກິນອາຫານໄດ້ຄວນກິນອາຫານໃຫ້ພຽງພໍ ແຕ່ເນັ້ນອາຫານ ໂປຣຕິນສູງໄຂມັນຕໍ່າ ຜັກຫມາກໄມ້ຕ່າງໆ ໃຫ້ສານອາຫານຄົບຖ້ວນລວມເຖິງ ຄາໂບໄຮເດດ ທີ່ຍັງຕ້ອງກິນຢູ່ ແຕ່ເລືອກຄາໂບໄຮເດດ ຈາກ ເຂົ້າກ່ອງ, ຂະຫນົມປັງ
- ບໍ່ຫລຸດປະລິມານອາຫານລົງຫລາຍຈົນເກີນໄປ ຈົນກາຍເປັນການອົດອາຫານທັງຕອນທີ່ກິນອາຫານໄດ້
- ຊ່ວງງົດອາຫານຍັງສາມາດຮັບປະທານອາຫານທີ່ບໍ່ໃຫ້ພະລັງງານ ຫລື ໃຫ້ພະລັງງານຕຳ່ຫລາຍໆເຊັ່ນ: ນຳ້ລ້າ, ກາເຟດຳ ແຕ່ບໍ່ຄວນດື່ມເຄື່ອງດື່ມທີ່ມີສານໃຫ້ຄວາມຫວານແທນນຳ້ຕານ
- ອອກກຳລັງກາຍຢ່າງເຫມາະສົມ ມື້ລະ 30 ນາທີ-1 ຊົ່ວໂມງ ອາທິດລະ 3-5 ຄັ້ງ ພຽງແຕ່ທ່ານ ປະຕິບັດຕາມຄຳແນະນຳຂ້າງເທິງນັ້ນ ທ່ານກໍ່ສາມາດເຮັດ IF ໄດ້ຖືກວິທີ ແລະ ໄດ້ຜົນດີຕໍ່ສຸຂະພາບແລ້ວ ຂໍ້ມູນຈາກ:sanook.com
