ການປະຕິບັດທາງການກະສິກຳທີ່ດີ ສຳລັບພືດເປັນມາດຖານການປະຕິບັດທີ່ລະບຸລາຍລະອຽດຂໍ້ກຳນົດດ້ານການຈັດການຂະບວນການຜະລິດທີ່ຈຳເປັນ ສຳລັບການປະຕິບັດທີ່ດີທາງການຜະລິດພືດທຸກຊະ ນິດ ໂດຍຄຳນຶງເຖິງສິ່ງແວດລ້ອມ, ສຸຂະພາບ, ຄວາມປອດໄພ ແລະ ຄວາມເຂັ້ມແຂງຂອງຜູ້ປະຕິບັດວຽກງານ ເພື່ອໃຫ້ໄດ້ຄຸນນະພາບ, ປອດໄພປາສະຈາກສັດຕູພືດເໝາະສົມສຳລັບການບໍລິໂພກ ແລະ ມີຄຸນນະພາບທີ່ດີສຳລັບຜູ້ບໍລິໂພກ ຄວນຄຳນຶງເຖິງເງື່ອນໄຂເຫຼົ່າ ນີ້:
1.ແຫຼ່ງນ້ຳ
- ຕ້ອງເປັນແຫຼ່ງນ້ຳທີ່ສະອາດ, ບໍ່ມີສານພິດໃນແຫຼ່ງນ້ຳ
2.ສະຖານທີ່ປູກ
- ຕ້ອງບໍ່ມີວັດຖຸ ຫຼື ສິ່ງທີ່ເປັນອັນຕະລາຍທີ່ຈະເຮັດໃຫ້ເກີດການຕົກຄ້າງ ແລະ ເປິເປື້ອນຂອງສານພິດ
3.ການໃຊ້ວັດຖຸທາງດ້ານການກະສິກຳ
- ໃຊ້ຄຳແນະນຳ ຫຼື ອ້າງອີງຈາກເອກະສານຂອງການເຮັດກະສິກຳ
-
ໃຊ້ສານເຄມີທີ່ອະນຸຍາດໃຫ້ໃຊ້
4.ການຈັດຂະບວນການການຜະລິດ ເພື່ອໃຫ້ໄດ້ຜົນຜະລິດທີ່ມີຄຸນນະພາບ
- ປະຕິບັດ ແລະ ຈັດການຜະລິດຕາມແຜນຄວບຄຸມການຜະລິດ.
5.ການຜະລິດໃຫ້ປອດໄພຈາກສັດຕູພືດ
- ສຳຫຼວດປ້ອງກັນ ແລະ ກຳຈັດສັດຕູພືດໄດ້ຢ່າງຖືກຕ້ອງ
-
ຜະລິດຜົນທີ່ເກັບກ່ຽວແລ້ວຕ້ອງບໍ່ມີແມງໄມ້ຕິດຢູ່, ຖ້າພົບເຫັນຄວນແຍກອອກຈາກກັນ.
6.ການເກັບກ່ຽວ ແລະ ການປະຕິບັດສຳລັບການເກັບກ່ຽວ
- ເກັບກ່ຽວຜົນຜະລິດໃນໄລຍະທີ່ເໝາະສົມຕາມແຜນຄວບຄຸມການຜະລິດ
-
ອຸປະກອນ, ພາຊະນະບັນຈຸທີ່ໃຊ້ຕ້ອງສະອາດ ແລະ ບໍ່ປົນເປື້ອນ
-
ຕັດແຍກຜົນຜະລິດທີ່ບໍ່ໄດ້ຮັບຄຸນນະພາບໄວ້ຕ່າງຫາກ
7.ການເກັບຮັກສາ ແລະ ການເຄື່ອນຍ້າຍຜົນຜະລິດ
- ສະຖານທີ່ເກັບຕ້ອງສະອາດ, ອາກາດຖ່າຍເທດີ ສາມາດປ້ອງກັນການປົນເປື້ອນຂອງວັດຖຸໄດ້.
-
ອຸປະກອນ ແລະ ພາຫະນະໃນການຂົນຍ້າຍຕ້ອງສະອາດ ແລະ ປາສະຈາກສິ່ງປົນເປື້ອນຂອງວັດຖຸ
-
ຕ້ອງມີຄວາມລະມັດລະວັງໃນການເຄື່ອນຍ້າຍ
8.ລັກສະນະສ່ວນບຸກຄົນ
- ຜູ້ປະຕິບັດງານຕ້ອງມີ ຄວາມຮູ້, ຄວາມສາມາດທີ່ເໝາະສົມ ແລະ ຜ່ານການຝຶກອົບຮົມການປະຕິບັດທີ່ຖືກຕ້ອງ.
-
ມີການຮັກສາລັກສະນະສ່ວນບຸກຄົນ ເພື່ອປ້ອງກັນບໍ່ໃຫ້ການຜະລິດເກີດການເຈືອປົນຜູ້ທີ່ສຳຜັດການຜະລິດໂດຍກົງ ໂດຍສະເພາະໃນຂັ້ນການເກັບກ່ຽວ ແລະ ຫຼັງການເກັບກ່ຽວສຳລັບພືດທີ່ໃຊ້ບໍລິໂພກສົດ.
9.ການບັນທຶກຂໍ້ມູນ
-
ບັນທຶກຂໍ້ມູນກ່ຽວກັບປັດໄຈໃນການຜະລິດ, ການໃຊ້ວັດຖຸອັນຕະລາຍທາງການກະເສດ, ຂໍ້ມູນການຂະຫຍາຍຜົນຜະລິດ ລວມເຖິງການປະຕິບັດໃນທຸກໆຂັ້ນຕອນ.
-
ຕ້ອງມີການບັນທຶກຂໍ້ມູນການສຳຫຼວດ ແລະ ການປ້ອງກັນການກຳຈັດສັດຕູພືດ.
-
ຕ້ອງມີການບັນທຶກຂໍ້ມູນຜູ້ຮັບຊື້ຜົນຜະລິດ ແລະ ແຫຼ່ງທີ່ນຳຜົນຜະລິດໃນແຕ່ລະລຸ້ນໄປຈຳໜ່າຍ.