ມື້ນີ້ເຮົາຂໍແນະນຳເມນູ ທີ່ຫຼາຍບ້ານອາດຈະມັກເຮັດກິນ ເຊິ່ງເມນູແຈ່ວປາທູນີ້ ເປັນອີກເມນູທີ່ເຮັດງ່າຍກິນແຊບ ໂດຍສະເພາະແມ່ນກິນກັບເຂົ້າໜຽວຮ້ອນໆ ແຊບຈົນຢຸດບໍ່ເລີຍແນ່ນອນ ໃຜທີ່ບໍ່ເຄີຍເຮັດກິນລອງນຳເອົາໄປເຮັດກິນຢູ່ບ້ານໄດ້ເລີຍ ສ່ວນປະສົມສາມາດຫາຊື້ໄດ້ຕາມຕະຫຼາດທົ່ວໄປ.
ສ່ວນປະສົມ
ປາທູນຶ້ງ 2 ໂຕ
ນ້ຳມັນພືດ 1 ຖ້ວຍ
ໝາກເຜັດຂຽວໃຫຍ່ 5 ໜ່ວຍ
ໝາກເຜັດຂີ້ໜູ 13 ໜ່ວຍ
ຫອມບົວແດງ 5 ຫົວ
ກະທຽມ 2 ຫົວ
ໜາກນາວ 2 ບ່ວງແກງ
ນ້ຳປາ 2 ບ່ວງແກງ
ນ້ຳປາແດກຕົ້ມສຸກ
ຜັກສົດ ຫຼື ຜັກລວກ
ວິທີການເຮັດ
1 ຕັ້ງໝໍ້ກະທະນ້ຳມັນດ້ວຍໄຟກາງຈົນຮ້ອນ ໃສ່ປາທູລົງຈືນຈົນສຸກ ແລະ ໜັງປາເຫຼືອງກອບທັ້ງສອງຟາກ ຕັກຂຶ້ນພັກໄວ້ໃຫ່ເຢັນ ແກະເອົາແຕ່ຊີ້ນປາໃສ່ຖ້ວຍປ່ະໄວ້.
2 ຕັ້ງໝໍ້ກະທະດ້ວຍໄຟກາງໃຫ້ຮ້ອນ ຈາກນັ້ນໃສ່ໝາກເຜັດຂຽວໃຫຍ່ ແລະ ໝາກເຜັດຂີ້ໜູ, ກະທຽມ, ຫອມແດງລົງຂົ້ວ ໃຫ້ຜິວໄໝ້ເລັກນ້ອຍ ຕັກຂຶ້ນມາແລ້ວລອກເອົາເປືອກທີ່ໄໝ້ອອກ.
3 ຕຳໝາກເຜັດຂຽວໃຫຍ່, ໝາກເຜັດຂີ້ໜູ, ກະທຽມ, ຫອມແດງ ເຂົ້າກັນໃຫ້ລະອຽດ ຈາກນັ້ນໃສ່ຊີ້ນປາທູທີ່ແກະແລ້ວ ຕຳຕໍ່ພໍໃຫ້ລະອຽດ ແລະ ເຂົ້າກັນດີແລ້ວກໍ່ຕັກໃສ່ຖ້ວຍ.
4 ໃສ່ນ້ຳປາແດກຕົ້ມສຸກ, ນ້ຳປາ ແລະ ນ້ຳໝາກນາວລົງໃນຖ້ວຍແຈ່ວປາ ຄົນໃຫ້ເຂົ້າກັນ ຊິມລົດຊາດຕາມໃຈມັກ ກິນຄູ່ກັບຜັກລ້ວກ ຫຼື ຜັກສົດກໍ່ແຊບ.
