ດ່ວນ ຫ້ອງວ່າການສູນກາງພັກ ໄດ້ອອກ ແຈ້ງການ ສະບັບເລກທີ 282/ຫສພ ລົງວັນທີ 15 ຕຸລາ 2020 ເລື່ອງ: ການຈັດງານບຸນນະມັດສະການ ພະທາດຫຼວງວຽງຈັນ ປະຈຳປີ 2020.
ໂດຍແຈ້ງໃຫ້ຊາບວ່າ: ຫ້ອງວ່າການສູນກາງພັກ ຖືເປັນກຽດ ແຈ້ງມາຍັງຫ້ອງວ່າການສຳນັກງານນາຍົກລັດຖະມົນຕີ ແລະ ຄະນະປະຈຳພັກນະຄອນຫຼວງວຽງຈັນ ຊາບວ່າ: ເຫັນດີໃຫ້ຈັດງານບຸນນະມາດສະການພະທາດຫຼວງວຽງຈັນ ປະຈຳປີ 2020 ໃຫ້ຖືເອົາປະເພນີເປັນຕົ້ນຕໍ.
ສ່ວນການຈັດຕະຫຼາດນັດ ແລະ ງານບັນເທີງຕ່າງໆແມ່ນໃຫ້ໂຈະໄວ້ກ່ອນ, ພ້ອມທັງເອົາໃຈໃສ່ ປະຕິບັດມາດຕະການປ້ອງກັນພະຍາດໂຄວິດ-19 ທີ່ຄະນະສະເພາະກິດໄດ້ກຳນົດ.
ໃຫ້ໂຄສະນາປະຊາສຳພັນໃຫ້ປະຊາຊົນ ແລະ ມວນຊົນທີ່ມາຮ່ວມງານເຂົ້າໃຈ ເພື່ອພ້ອມກັນຈັດຕັ້ງປະຕິບັດໃຫ້ມີບັນຍາກາດ ແລະ ຮັບປະກັນ.