ໄຊຍະບູລີ ນໍາໃຊ້ TaxRis ແລະ EasyTax ເຂົ້າໃນການແຈ້ງ - ການມອບພັນທະອາກອນປະເພດຕ່າງໆ - Laoedaily

ໄຊຍະບູລີ ນໍາໃຊ້ TaxRis ແລະ EasyTax ເຂົ້າໃນການແຈ້ງ – ການມອບພັນທະອາກອນປະເພດຕ່າງໆ

ພະແນກການເງິນແຂວງໄຊຍະບູລີ ໄດ້ຈັດກອງປະຊຸມກ່ຽວກັບການແຈ້ງ – ການມອບພັນທະອາກອນປະເພດຕ່າງໆ ຜ່ານລະບົບທະນາຄານ TaxRis ແລະ EasyTax ຂຶ້ນໃນທ້າຍເດືອນຜ່ານມາເຂົ້າຮ່ວມມີ ທ່ານ ຄໍາບູ່ ທອງວັນນາ ຮອງຫົວໜ້າພະແນກການເງິນແຂວງ, ທ່ານ ບຸນເສັງ ວົງສະນິດ ຫົວໜ້າສ່ວຍສາອາກອນປະຈໍາແຂວງ, ມີນັກທຸລະກິດ, ພະນັກງານວິຊາການທີ່ກ່ຽວຂ້ອງເຂົ້າຮ່ວມ.

ທ່ານ ບຸນເສັງ ວົງສະນິດ ໄດ້ກ່າວວ່າ: ປີ 2019 ມີຫົວໜ່ວຍທຸລະກິດເຂົ້າລະບົບທະນາຄານ TaxRis ແລະ EasyTax ທັງໝົດ 479 ຫົວໜ່ວຍ, ສໍາລັບ 6 ເດືອນ ຕົ້ນປີ 2020 ນີ້ແມ່ນໄດ້ຊຸກຍູ້ສົ່ງເສີມໃຫ້ຫົວໜ່ວຍທຸລະກິດຢູ່ໃນຄວາມຮັບຜິດຊອບຂັ້ນແຂວງ ແລະ ຂັ້ນເມືອງຄຸ້ມຄອງມານໍາໃຊ້ເຂົ້າໃນລະບົບ TaxRis ແລະ EasyTax ໄດ້ທັງໝົດ 459 ຫົວໜ່ວຍ.

ໃນນັ້ນ, ຂັ້ນແຂວງຄຸ້ມຄອງ 440 ຫົວໜ່ວຍ, ເມືອງຄຸ້ມຄອງ 19 ຫົວໜ່ວຍ, ໃນຈໍານວນ 459 ຫົວໜ່ວຍນັ້ນ ມີ 417 ຫົວໜ່ວຍ ແມ່ນຫົວໜ່ວຍວິສາຫະກິດທີ່ໄດ້ອອກເລກປະຈໍາຕົວ ແລະ 42 ຫົວໜ່ວຍ ແມ່ນຫົວໜ່ວຍທີ່ຂຶ້ນກັບພະແນກການເງິນ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ