ປຶ້ມການສອນທີ່ເນັ້ນຜູ້ຮຽນເປັນໃຈກາງ ຂອງສະຖາບັນຄົ້ນຄວ້າວິທະຍາສາດການສຶກສາ 2019 ລະບຸໃນໜ້າທີ 6 ຫົວຂໍ້ທີ່ວ່າ: “ ຕົວຊີ້ວັດຂອງການຈັດຂະບວນການຮຽນທີ່ເນັ້ນຜູ້ຮຽນເປັນໃຈກາງ ” ເຊິ່ງສູນພັດທະນາຄຸນນະພາບການຮຽນ – ການສອນ ສໍານັກງານຄະນະກໍາມະການໆສຶກສາແຫ່ງຊາດ ( 2541: 3 – 4 ) ໄດ້ພັດທະນາຕົວຊີ້ວັດການຈັດຂະບວນການຮຽນທີ່ຜູ້ຮຽນເປັນໃຈກາງ ໂດຍກໍານົດຕົວຊີ້ວັດການຮຽນຂອງຜູ້ຮຽນ ຈໍານວນ 9 ຂໍ້ ແລະ ຕົວຊີ້ວັດການສອນຂອງຄູ ຈຳນວນ 10 ຂໍ້.
ໃນຕົວຊີ້ວັດການຮຽນຂອງຜູ້ຮຽນ ຈໍານວນ 9 ຂໍ້ ປະກອບມີ:
1 ປະສົບການກົງສໍາພັນກັບທໍາມະຊາດ ແລະ ສິ່ງແວດລ້ອມ.
2 ຝຶກປະຕິບັດຈົນຄົ້ນພົບ ຄວາມຖະໜັດ, ວິທີການຂອງຕົນເອງ.
3 ເຮັດກິດຈະກໍາແລກປ່ຽນການຮຽນຈາກກຸ່ມ.
4 ຝຶກຄິດຢ່າງຫຼາກຫຼາຍ ແລະ ສ້າງສັນ, ຈິນຕະນາການຕະຫຼອດຈົນໄດ້ສະແດງອອກຢ່າງຊັດເຈນ, ມີເຫດຜົນ.
5 ໄດ້ຮັບການເສີມແຮງໃຫ້ຄົ້ນຫາຄໍາຕອບແກ້ບັນຫາດ້ວຍຕົວເອງ ແລະ ຮ່ວມດ້ວຍຊ່ວຍກັນ.
6 ໄດ້ຝຶກຄົ້ນຄວ້າລວບລວມຂໍ້ມູນ, ສ້າງຄວາມຮູ້ດ້ວຍຕົນເອງ.
7 ເລືອກເຮັດກິດຈະກໍາຕາມຄວາມສາມາດ, ຄວາມຖະໜັດ, ຄວາມສົນໃຈຂອງຕົນເອງຢ່າງມີຄວາມສຸກ.
8 ຝຶກຕົນເອງໃຫ້ມີວິໄນ, ຮັບຜິດຊອບໃນການເຮັດວຽກ.
9 ຝຶກປະເມີນ, ປັບຕົນເອງ ແລະ ຍອມຮັບຜູ້ອື່ນ ຕະຫຼອດຈົນສົນໃຈໃຝ່ຫາຄວາມຮູ້ຢ່າງຕໍ່ເນື່ອງ.
ສ່ວນຕົວຊີ້ວັດການສອນຂອງຄູ ຈຳນວນ 10 ຂໍ້ ປະກອບ ມີ:
1 ກຽມການສອນທັງດ້ານເນື້ອໃນ ແລະ ວິທີການ.
2 ຈັດສິ່ງແວດລ້ອມ, ບັນຍາກາດທີ່ຈູງໃຈ ແລະ ເສີມສ້າງໃຫ້ຜູ້ຮຽນເກີດການຮຽນ.
3 ເອົາໃຈໃສ່ຜູ້ຮຽນເປັນລາຍບຸກຄົນ, ສະແດງຄວາມເມດຕາຕໍ່ຜູ້ຮຽນຢ່າງທົ່ວເຖິງ.
4 ຈັດກິດຈະກໍາ, ສະຖານະການໃຫ້ຜູ້ຮຽນໄດ້ສະແດງອອກ, ຄິດຢ່າງສ້າງສັນ.
5 ສົ່ງເສີມໃຫ້ຜູ້ຮຽນຝຶກຄິດ, ຝຶກເຮັດ ແລະ ຝຶກປັບປຸງຕົນເອງ.
6 ສົ່ງເສີມກິດຈະກໍາແລກປ່ຽນຮໍ່າຮຽນຈາກກຸ່ມ, ພ້ອມທັງສັງເກດສ່ວນດີ, ປັບປຸງສ່ວນດ້ອຍຂອງຜູ້ຮຽນ.
7 ໃຊ້ສື່ການສອນເພື່ອຝຶກການຄິດການແກ້ບັນຫາ ແລະ ການຄົ້ນພົບຄວາມຮູ້.
8 ໃຊ້ແຫຼ່ງການຮຽນທີ່ຫຼາກຫຼາຍ.
9 ເຊື່ອມໂຍງປະສານສົມທົບກັບຊີວິດຕົວຈິງ.
10 ຝຶກຝົນກິລິຍາມາລະຍາດ, ວິໄນຕາມວັດທະນະທໍາ ແລະ ສັງເກດ, ປະເມີນພັດທະນາການຂອງຜູ້ຮຽນຢ່າງຕໍ່ເນື່ອງ.