ອາດສະພອນ ແຂວງ ສະຫວັນນະເຂດປະກາດ 66 ບ້ານ ເປັນບ້ານປ້ອງກັນຄວາມສະຫງົບດີ ແລະ 23 ບ້ານປອດຢາເສບຕິດຂື້ນໃນວັນທີ 10 ມັງກອນ 2020 ຜ່ານມາ ທີ່ສະໂມສອນຂອງເມືອງອາດສະພອນ ແຂວງສະຫວັນນະເຂດ ໂດຍການເຂົ້າຮ່ວມຂອງ ທ່ານ ສີສຸກເທບທານີ ຮອງເຈົ້າເມືອງອາດສະພອນ, ມີທ່ານ ພັທ ສັງທອງ ສີປະເສີດ ຮອງຫົວໜ້າກອງບັນຊາການ ປກສ ແຂວງສະຫວັນນນະເຂດ, ມີບັນດາທ່ານ ຫົວໜ້າຫ້ອງການ, ເລຂາ-ນາຍບ້ານ ພ້ອມດ້ວຍກຳລັງ ປກສ ເຂົ້າຮ່ວມ.
ໃນພິທີ ໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດ ວຽກງານການສ້າງບ້ານປ້ອງກັນຄວາມສະຫງບດີ ແລະບ້ານປອດຢາເສບຕິດ ໃນໄລຍະ 01 ປີຜ່ານມາ, ຈາກນັ້ນ ກໍ່ໄດ້ມີການຜ່ານຂໍ້ຕົກລົງຂອງທ່ານເຈົ້າແຂວງສະຫວັນນະເຂດ ສະບັບເລກທີ 2456/ຈຂ.ສຂ ແລະ 2468/ຈສ.ສຂ ລົງວັນທີ 24 ທັນວາ 2019 ວ່າດ້ວຍການຮັບຮອງເອົາບ້ານປ້ອງກັນຄວາມສະຫງົບດີ ເຊິ່ງປະກອບມີ 3 ສະໄໝຄື: ສະໄໝທີ I ມີ 18 ບ້ານ, ສະໄໝທີ II ມີ 21 ບ້ານ ແລະ ສະໄໝທີ III ມີ 27 ບ້ານ, ແລະ ຂໍ້ຕົກລົງຮັບຮອງເອົາບ້ານປອດຢາເສບຕິດ ຈຳນວນ 23 ບ້ານ.
ຈາກນັ້ນ, ກໍ່ໄດ້ມີການມອບຮັບໃບຢັ້ງຢືນບ້ານປ້ອງກັນຄວາມສະຫງົບດີ ໂດຍການກ່າວມອບຂອງ ທ່ານ ພັທ ສັງທອງ ສີປະເສີດ ແລະຕາງໜ້ານາຍບ້ານ 66 ບ້ານກ່າວຮັບ.
ທີ່ມາ: Atsaphone Report – ຂ່າວສານເມືອງອາດສະພອນ
