ມື້ນີ້ມາເພີ່ມຄວາມສົດຊື່ນໃຫ້ກັບຮ່າງກາຍດ້ວຍເຄື່ອງດື່ມຈາກໝາກໄມ້ທີ່ມີວິຕາມິນ ຊີ ແລະ ຍັງຊ່ວຍຂັບລ້າງສານພິດໃນລໍາໄສ້ໄດ້ອີກດ້ວຍ.
ສ່ວນປະສົມ:
ແອັບເປິລຂຽວ 3 ໜ່ວຍ.
ນ້ຳໝາກນາວ 2 ບ່ວງແກງ.
ຂີງສັບ 1 ບ່ວງແກງ.
ໝາກແຕງ 1/2 ໜ່ວຍ.
ນ້ຳດື່ມ 1 ຈອກໃຫຍ່.
ນ້ຳເຊື່ອມ ຫຼື ນ້ຳເຜິ້ງ 3 ບ່ວງແກງ.
ນ້ຳກ້ອນຕາມໃຈ.
ໃບຜັກຫອມມິ້ນສຳລັບແຕ່ງໜ້າ.
ວິທີປຸງແຕ່ງ:
ລ້າງໝາກໄມ້ທຸກຊະນິດໃຫ້ສະອາດຈຶ່ງມາປຸງແຕ່ງ ໂດຍປາດແອັບເປິລເປັນປ່ຽງພໍປະມານໃສ່ໂຖປັ່ນ ( ໂດຍເອົາແກ່ນອອກໃຫ້ໝົດ ). ຈາກນັ້ນ, ເອົາສ່ວນປະສົມທຸກຢ່າງລົງ ( ຍົກເວັ້ນນ້ຳກ້ອນ ແລະ ໃບມິ້ນ ) ແລ້ວປັ່ນທຸກຢ່າງຈົນເປັນເນື້ອດຽວກັນ ແລະ ຖອກໃສ່ຈອກທີ່ມີນ້ຳກ້ອນແຕ່ງໜ້າດ້ວຍໃບມິ້ນ ( ຖ້າບໍ່ມັກນ້ຳກ້ອນກໍໃສ່ແຕ່ນໍ້າດື່ມເລີຍກໍໄດ້).
ຂໍ້ມູນຈາກ: greenblender.com; ຮຽບຮຽງ: ນຸ້ມນິ້ມ