ລາຄາຄໍາໄດ້ປັບສູງຂຶ້ນ ເນື່ອງຈາກໄດ້ຮັບຜົນກະທົບຈາກຕະຫຼາດສາກົນ, ສ່ວນຕະຫຼາດພາຍໃນປະເທດ ລາຄາຄໍາໄດ້ປັບຂຶ້ນຫຼາຍໃນຮອບ 10 ປີ ແລະ ພົບວ່າແຮງເທຂາຍຄໍາຮູບປະພັນເພີ່ມສູງຂຶ້ນ. ຂະນະທີ່ ຮ້ານຄໍາ ສີດາ ລາດຊະວົງ ຖືເປັນເຈົ້າທຳອິດ ແລະ ເຈົ້າດຽວທີ່ເປີດໃຈແຈ້ງລາຄາຂາຍ ແລະ ລາຄາຊື້ ແລະ ມີລາຄາກາງທີ່ຕົນເອງສາມາດຄຸມໄດ້ ເພື່ອສ້າງຄວາມສໍາພັນລະຫວ່າງຜູ້ຂາຍ ແລະ ຜູ້ຊື້.
ທ່ານ ນາງ ວຽງສອນ ທິບຸນມາ ເຈົ້າຂອງຮ້ານຄຳ ສີດາ ລາດຊະວົງ ໄດ້ກ່າວວ່າ: ໃນໄລຍະທີ່ຄໍາຢູ່ໃນໄລຍະຂາຂຶ້ນ ຈໍານວນປະຊາຊົນໄດ້ເທແຮງຂາຍເປັນຈໍານວນຫຼາຍ ເຊິ່ງຮ້ານຄໍາ ສີດາ ລາດຊະວົງ ໄດ້ເລັງເຫັນວ່າໂດຍສະເພາະລູກຄ້າທີ່ມີຄໍາສະສົມມາເປັນເວລາດົນນານ ສາມາດນໍາເອົາອອກມາຈໍາໜ່າຍໄດ້ເລີຍ, ຄືເຮົາຮູ້ແລ້ວວ່າສະພາບເສດຖະກິດພາຍໃນປະເທດເຮົາຈະເປັນໄລຍະຂາລົງ, ສວານທາງກັບລາຄາຄໍາທີ່ປັບຂຶ້ນ ດ້ວຍເຫດຜົນນີ້ ຮ້ານຄໍາ ສີດາ ລາດຊະວົງ ມີຄວາມຍິນດີຊື້ຄໍາຈາກປະຊາຊົນໃນທຸກຮູບແບບ ເພື່ອແກ້ໄຂໃນລະຍະທີ່ເສດຖະກິດຊະລໍຕົວ. ສະນັ້ນ, ຜູ້ທີ່ມີຄໍາກໍສາມາດນໍາເອົາຄໍາອອກມາຂາຍໃຫ້ຮ້ານເຮົາໄດ້.
ທ່ານກ່າວຕື່ມວ່າ: ລັກສະນະການຊື້ຄໍາຂອງປະຊາຊົນໃນປະເທດເຮົາ ໄດ້ມີການປັບຕົວຕາມຍຸກໂລກາພິວັດ ເພາະສະນັ້ນການຊື້ຄໍາບໍ່ໝາຍວ່າຈະຂາດທຶນແຕ່ຍັງມີກໍາໄລ. ສະນັ້ນ, ໃນໄລຍະທີ່ລາຄາຄໍາປັບຂຶ້ນປະຊາຊົນກໍນໍາຄໍາມາຂາຍເປັນຈໍານວນຫຼາຍ, ໃນສ່ວນທີ່ປະຊາຊົນນໍາຄໍາເຂົ້າມາຂາຍພວກເຮົາສາມາດຮັບຊື້ໃນລາຄາທີ່ສູງ ເຊິ່ງສ່ວນໃຫຍ່ແມ່ນໄດ້ຮັບຄວາມພໍໃຈຈາກຜູ້ມາຂາຍ ເພາະພວກເຮົາກໍໄດ້ອີງຕາມລາຄາຂາຍໃນທ້ອງຕະຫຼາດຕົວຈິງ, ມີຄວາມຈິງໃຈຕໍ່ລູກຄ້າ ແລະ ຮ້ານພວກເຮົາເປັນຮ້ານດຽວທີ່ສາມາດເປີດເຜີຍລາຄາຂາຍ ແລະ ຊື້ໃຫ້ລູກຄ້າຮັບຊາບ.
ສ່ວນການຊື້ຄໍາຄືນຈາກພໍ່ແມ່ປະຊາຊົນ ຮ້ານເຮົາໄດ້ມີເຄື່ອງກວດສອບທີ່ທັນສະໄໝ, ມີມາດຕະຖານສາກົນ, ສາມາດກວດຄຸນນະພາບຄໍາຂອງທ່ານ, ນໍ້າໜັກ ແລະ ຮູບປະພັນ ໂດຍພວກເຮົາຈະຕີໄປຕາມຄວາມເປັນຈິງ ເພາະສະນັ້ນລູກຄ້າທີ່ໄດ້ລາຄາໄປຈະເປັນລາຄາທີ່ເໝາະສົມ ແລະ ສູງ ເປັນທີ່ເພິ່ງພໍໃຈຂອງພໍ່ແມ່ປະຊາຊົນ.
ທ່ານ ນາງ ວຽງສອນ ຍັງເປີດເຜີຍວ່າ: ສ່ວນການຂະຫຍາຍສາຂາ ເຊິ່ງທາງ ຮ້ານຄໍາ ສີດາ ລາດຊະວົງ ໄດ້ວາງແຜນໃນການຂະຫຍາຍສາຂາ ໂດຍໄດ້ຊື້ຮ້ານໄວ້ແລ້ວໃນຈຸດທີ່ເປັນສູນກາງໃນການຊື້ – ຂາຍ, ແຕ່ດ້ວຍສະພາບເສດຖະກິດທີ່ຂະຫຍາຍຕົວຊ້າ. ສະນັ້ນ, ສໍາລັບໂຄງການຂະຫຍາຍສາຂາ ພວກເຮົາຕ້ອງໄດ້ຊະລໍຕົວໄວ້ກ່ອນ, ຕ້ອງໄດ້ເບິ່ງຈັງຫວະກ່ອນວ່າຈະເອົາເວລາໃດ ເຊິ່ງຕ້ອງກໍານົດເປັນແຜນໄລຍະທີສອງ.
ທ່ານກ່າວວ່າ: ສໍາລັບໄລຍະນີ້ເປັນໂອກາດດີສໍາລັບຜູ້ມີຄໍາທີ່ສະສົມໄວ້ແລ້ວ ເພາະສະນັ້ນການຊື້ – ຂາຍໃນປັດຈຸບັນຈະເປັນແຮງເທຂາຍຂອງປະຊາຊົນຫຼາຍກວ່າແຮງຊື້ ໂດຍປຽບທຽບແຮງຊື້ຈະຫຼຸດລົງ 3 ເທົ່າ, ສ່ວນແຮງຂາຍອອກຂອງປະຊາຊົນກໍເຫັນວ່າເປັນຈໍານວນຫຼາຍ ເຊິ່ງທາງ ຮ້ານຄໍາ ສີດາ ລາດຊະວົງ ຂອງພວກເຮົາມີຄວາມພ້ອມເຕັມທີ່ ໂດຍສະເພາະແມ່ນກໍາລັງຊັບ, ສ່ວນຫຼາຍລູກຄ້າທີ່ນໍາຄໍາເຂົ້າມາຂາຍຈະເປັນຄໍາມູນທີ່ສະສົມມາດົນແລ້ວເພື່ອແກ້ໄຂສະພາບເສດຖະກິດຄອບຄົວ, ຂາຍຄໍາເພື່ອນໍາໄປໝູນເຂົ້າໃນການຜະລິດ ແລະ ການເຮັດຄ້າຂາຍ.
ທ່ານ ນາງ ວຽງສອນ ທິບຸນມາ ຍັງໃຫ້ທັດສະນະວ່າ: ຈາກປະສົບການຂອງຄົນທີ່ຢູ່ກັບທຸລະກິດນີ້ມາຫຼາຍ 10 ປີ ພົບວ່າລາຄາຄໍາບໍ່ມີການເໜັງຕີງແຮງຄືລັກສະນະນີ້ມາຫຼາຍປີ, ອາດຈະເວົ້າໄດ້ວ່າໃນຮອບ 10 ປີກໍວ່າໄດ້ ເຊິ່ງມີຜົນກະທົບມາຈາກລາຄາໃນຕະຫຼາດໂລກ, ບັນຫາຂໍ້ຂັດແຍ່ງຂອງປະເທດມະຫາອໍານາດ ເຊິ່ງຄໍາເປັນສິນຊັບທີ່ປອດໄພເຮັດໃຫ້ຜູ້ຄົນຢາກຖືຄອງຄໍາໄວ້, ເຮັດໃຫ້ຄວາມຕ້ອງການສູງ ແລະ ສົ່ງຜົນໃຫ້ລາຄາມີທ່າອ່ຽງສູງຂຶ້ນ.
ຮ້ານຄໍາ ສີດາ ລາດຊະວົງ ເປັນຮ້ານດຽວທີ່ສາມາດບອກລູກຄ້າໃນໜ້າເພຈ໌ ເຖິງລາຄາຂາຍອອກ ແລະ ລາຄາຊື້ເຂົ້າ ແລະ ຮ້ານເຮົາບໍ່ໄດ້ອີງໃສ່ຕະຫຼາດໂລກ 100% ເພາະເຮົາກໍຮູ້ແລ້ວວ່າຕະຫຼາດໂລກມີການຜັນຜວນ, ແຕ່ເຮົາກໍສາມາດກໍານົດໄດ້ວ່າລາຄາຮ້ານເຮົາກໍານົດສໍ່າໃດ ລູກຄ້າກໍສາມາດຊື້ໄດ້ ແລະ ຂາຍໄດ້ໃນລາຄາທີ່ເໝາະສົມ, ເວົ້າລວມແມ່ນຖືກໃຈລູກຄ້າ ເຊິ່ງຈຸດນີ້ເຮົາຄໍານຶງເຖິງຈິດໃຈຜູ້ມາຊື້ຄໍາກໍຢາກໄດ້ຄໍາງາມ, ຄຸນນະພາບສູງ, ລາຄາສົມເຫດສົມຜົນບໍ່ສູງເກີນໄປ, ແຕ່ເມື່ອເວລາມີ ຄວາມຕ້ອງການໃຊ້ເງິນກັບມາຂາຍໃນຮ້ານເຮົາເຫັນວ່າລາຄາຂາຍຄືນກໍເໝາະສົມ, ລູກຄ້າມີຄວາມຍິນດີ ໝາຍຄວາມວ່າຮ້ານເຮົາສາມາດດຶງລາຄາກາງທີ່ມັນຕອບໂຈດ ແລະ ຖືກໃຈຜູ້ຊື້, ໃນສ່ວນຂອງຄຸນນະພາບຄໍາຂອງຮ້ານເຮົາກໍໄດ້ມາດຖານທຽບເທົ່າຕະຫຼາດສາກົນ ເນື່ອງຈາກ ຮ້ານຄໍາ ສີດາ ລາດຊະວົງ ມີແຫຼ່ງຜະລິດຄໍາຂອງຕົນເອງໄດ້ຄຸນນະພາບສູງ ເພາະສະນັ້ນລາຄາສາມາດຄວບຄຸມເອງໄດ້ ບົນພື້ນຖານທີ່ຮ້ານ ແລະ ລູກຄ້າສາມາດສໍາຜັດກັນໄດ້.
ຢ່າງໃດກໍຕາມ, ໃນໄລຍະຜ່ານມາຜູ້ທີ່ຕິດຕາມທາງເພຈ໌ ຮ້ານຄໍາ ສີດາ ລາດຊະວົງ ໄດ້ມີຄໍາເຫັນແລກປ່ຽນຂອງອັດຕາຊື້ – ຂາຍຄໍາ ຮ້ານຄຳ ສີດາ ລາດຊະວົງ ກັບຮ້ານອື່ນລາຄາຄືບໍ່ຄືກັນ ເຊິ່ງໃນສ່ວນນີ້ຂ້າພະເຈົ້າສາມາດຮັບຮອງເລີຍວ່າຮ້ານພວກເຮົາເປັນຈຸດຢືນຂອງຕົນເອງ, ເຮົາມີຜະລິດຕະພັນ ແລະ ສິນຄ້າທີ່ເຮົາສາມາດຜະລິດເອງໄດ້ ກໍຈະເຮັດໃຫ້ອົງປະກອບລາຄາຄໍາໃນຮ້ານເຮົາສາມາດກໍານົດເອງໄດ້ຕາມກົນໄກຕະຫຼາດທີ່ບໍ່ສູງ ແລະ ບໍ່ຕໍ່າເກີນໄປ.
ສ່ວນກິດຈະກໍາສົ່ງເສີມການຂາຍໃນໄລຍະອອກພັນສາທາງ ຮ້ານຄໍາ ສີດາ ລາດຊະວົງ ກໍວາງແຜນໄດ້ໃນລະດັບໜຶ່ງ ເພາະຂ້າພະເຈົ້າເປັນຄົນທີ່ມັກຄົ້ນຄິດແນວຄວາມຄິດໃໝ່ໆໃຫ້ລູກຄ້າມີຄວາມຕື່ນເຕັ້ນຕໍ່ກິດຈະກໍາໃໝ່ໆ ເພື່ອໃຫ້ລົງຕົວກັບສະພາບເສດຖະກິດໃນປັດຈຸບັນ, ທາງຮ້ານສາມາດຄືນກໍາໄລໃຫ້ລູກຄ້າໄດ້, ສ່ວນລູກຄ້າກໍເພິ່ງພໍໃຈໃນສິ່ງທີ່ຮ້ານພວກເຮົາມອບໃຫ້, ແຕ່ທີ່ແນ່ນອນແມ່ນລວດລາຍໃໝ່ໆອອກມາ ເຊິ່ງຈະມີທັງແບບເປັນຊຸດຂະໜາດຕ່າງໆ ແລະ ແບບລາຍລາວປະສົມລາຍສາກົນທີ່ຮັບຮອງວ່າລູກຄ້າທີ່ຊື້ໄປແລ້ວບໍ່ຜິດຫວັງ, ລາຄາຈັບຕ້ອງໄດ້ ເພາະເຮົາເລັງເຫັນວ່າໃນສະພາບເສດຖະກິດຢູ່ໃນໄລຍະຊະລໍຕົວ ຮ້ານຄໍາ ສີດາ ລາດຊະວົງ ກໍຕ້ອງໄດ້ມີການພັດທະນາລວດລາຍໃໝ່ໆຂອງຕົນ, ຍົກລະດັບການບໍລິການໃຫ້ມີຄວາມຫຼາກຫຼາຍ ແລະ ສາມາດຕອບໂຈດຄວາມຕ້ອງການຂອງຕະຫຼາດໄດ້.
ສົມທຽບຄວາມແຕກຕ່າງ 6 ເດືອນຕົ້ນປີນີ້ ແລະ ໃນປີຜ່ານມາ ເຊິ່ງແຕ່ລະຄັ້ງຈະໄດ້ຮັບຜົນກະທົບຈາກສະພາບເສດຖະກິດ, ປີນີ້ການຊື້ຈະງຽບເຫງົາຖ້າສົມທຽບໃສ່ 6 ເດືອນຕົ້ນປີຜ່ານມາເຖິງ 2 ເທົ່າ, ແຕ່ຮ້ານຄໍາ ສີດາ ລາດຊະວົງ ທີ່ຍັງສາມາດໃຫ້ບໍລິການລູກຄ້າແບບສະເໝີຕົ້ນສະເໝີປາຍ ຍ້ອນມີຄວາມຊັດເຈນໃນຕົວເອງ, ເຮົາຢາກໃຫ້ຫຍັງລູກຄ້າ ແລະ ລູກຄ້າໄດ້ຫຍັງຈາກເຮົາ ເຊິ່ງມີຄວາມບໍລິສຸດໃຈຕໍ່ລູກຄ້າທຸກທ່ານທີ່ເຂົ້າມາໃຊ້ບໍລິການ.
ຮ້ານຄໍາ ສີດາ ລາດຊະວົງ ເປີດໃຫ້ບໍລິການລູກຄ້າທຸກວັນ, ລູກຄ້າມີ ຄວາມສົນໃຈສາມາດສອບຖາມໄດ້ທີ່ເພຈ໌ ຮ້ານຄໍາ ສີດາ ລາດຊະວົງ ຫຼື ເຂົ້າມາຢ້ຽມຊົມໄດ້ຢູ່ຕະຫຼາດເຊົ້າຊ໊ອບປິ້ງມໍ 1 ຊັ້ນ 2 ຂ້າງລິບເບື້ອງຂວາມື ຫຼື ສອບຖາມຂໍ້ມູນໄດ້ທີ່ເບີ 021 285044.
