ລາຄາຄຳຕະຫຼາດຟິວເຈີ ປັບຂຶ້ນອີກ 24,7 ໂດລາ ໂດຍໄດ້ແຮງໜູນຈາກຄຳສັ່ງຊື້ຈາກກອງທຶນຫຼາຍແຫ່ງ.
ສັນຍາລາຄາຄຳຕະຫຼາດໂຄແມັກ COMEX ( Commodity Exchange ) ສົ່ງມອບເດືອນມິຖຸນາ ປັບຂຶ້ນ 24,7 ໂດລາ ປິດທີ່2.281,7 ໂດລາສະຫະລັດຕໍ່ອອນ.
ນັກວິເຄາະລະບຸວ່າ: ແຮງຊື້ຈາກກອງທຶນໄດ້ຊ່ວຍບົດບັງປັດໄຈລົບຈາກການແຂງຄ່າຂອງເງິນໂດລາສະຫະລັດ ແລະ ການດີດຕົວຂອງອັດຕາຜົນຕອບແທນພັນທະບັດລັດຖະບານສະຫະລັດ ລວມທັງຄວາມບໍ່ໝັ້ນໃຈຕໍ່ທິດທາງອັດຕາດອກເບ້ຍສະຫະລັດ. ຫຼັງສະຫະລັດອາເມຣິກາ ເປີດເຜີຍດັດຊະນີພາກການຜະລິດທີ່ເຂັ້ມແຂງ ເຊິ່ງຈະເປັນປັດໄຈໜູນໃຫ້ທະນາຄານກາງສະຫະລັດ ຫຼື ເຟດ ຄົງອັດຕາດອກເບ້ຍໃນລະດັບສູງເປັນເວລາດົນກວ່າທີ່ຄິດໄວ້.
ນອກຈາກນີ້, ລາຄາຄຳ ຍັງໄດ້ປັດໄຈບວກຈາກຄວາມຕ້ອງການທີ່ເຂັ້ມແຂງຂອງທະນາຄານກາງທົ່ວໂລກ ແລະ ປັດໄຈດ້ານພູມສາດການເມືອງໂລກ.
