ຖືວ່າເປັນຂ່າວດີຂອງສິລະປິນລາວເຮົາແທ້ໆ ແຟນຄລັບໃຈຟູໄປຕາມໆກັນ ເມື່ອ 2 ສິລະປິນລາວ Saluna Mano lom ແລະ Thinlamphone Mahavong ຈະໄດ້ເຂົ້າຮ່ວມງານ Asia Top Awards 2024 ຈັດຂຶ້ນທີ່ປະເທດໄທ
ແລະ ຍັງໄດ້ຮັບລາງວັນ Asia Top Awards 2024 ໃນສາຂາຕ່າງໆນໍາອີກ ຕ້ອງຂໍສະແດງຄວາມຍິນດີນໍາສຸດໆເລີຍ ໂດຍງານນີ້ມີນັກຮ້ອງ, ນັກສະແດງ ແລະ ດາລາ ທີ່ມີຊື່ສຽງອີກຫຼາກຫຼາຍປະເທດເຂົ້າຮ່ວມຮັບລາງວັນ ແລະ ຮ່ວມງານນໍາ ບອກເລີຍດີໃຈແທນທັງສອງສຸດໆ ແລະ ທີ່ສໍາຄັນເປັນໃບໜ້າໃບຕາອັນດີໃຫ້ກັບວົງການເພງລາວ ແລະ ປະເທດລາວຂອງເຮົານັ້ນເອງ.
ຫຼັງຈາກທີ່ໄດ້ຮັບລາງວັນໃນຄໍ່າຄືນທີ່ຜ່ານມາ ສາວຖິ່ນລໍາພອນ ກໍໄດ້ມີໂພສຂໍ້ຄວາມສະແດງຄວາມຮູ້ສຶກຜ່ານເຟສ ບຸ໊ກເປັນພາສາອັງກິດວ່າ: “ I am filled with pride to be able to share my love of Lao music and culture. With great respect, it was an incredible experience to be among a room filled with talented artists and industry leaders.
Congratulations to all. Thank you to ASIA TOP AWARDS for recognizing my music. SG Music and I are honoured to receive this award.
A special thanks to Saluna, Atip Keng Charoenchaisakulsuk and Highbros family for this opportunity and collaboration.
To my sponsors, thank you so much.
Most importantly, to my amazing FC who continues to support and give me encourage to make more music. So much love to each and every one of you ” ເຊິ່ງແປອອກມາປະມານວ່າ ຂ້ອຍເອງເຕັມໄປດ້ວຍຄວາມພາກພູມໃຈທີ່ໄດ້ແບ່ງປັນຄວາມຮັກແພງໃນດົນຕີ ແລະ ວັດທະນະທຳລາວ. ດ້ວຍຄວາມເຄົາລົບນັບຖື, ມັນເປັນປະສົບການທີ່ບໍ່ໜ້າເຊື່ອທີ່ຈະຢູ່ໃນຫ້ອງທີ່ເຕັມໄປດ້ວຍນັກສິລະປິນທີ່ມີພອນສະຫວັນ ແລະ ຜູ້ນໍາອຸດສາຫະກໍາດົນຕີ.
ຂໍສະແດງຄວາມຍິນດີກັບທຸກຄົນ ຂອບໃຈ ASIA TOP AWARDS ສຳລັບການຮັບຮູ້ເພງຂອງຂ້ອຍ. SG Music ແລະ ຂ້ອຍຮູ້ສຶກເປັນກຽດທີ່ໄດ້ຮັບລາງວັນນີ້. ຂໍຂອບໃຈເປັນພິເສດມາຍັງ ສາລູນາ, ອະທິບ ເກັ່ງຈະເລີນໄຊກຸນສຸກ ແລະ ຄອບຄົວ Highbros ສໍາລັບໂອກາດ ແລະ ການຮ່ວມມືໃນຄັ້ງນີ້. ເຖິງຜູ້ສະໜັບສະໜູນຂອງຂ້ອຍ, ຂອບໃຈຫຼາຍໆ ສໍາຄັນທີ່ສຸດກໍຄື FC ທີ່ໜ້າຮັກຂອງຂ້ອຍທີ່ສືບຕໍ່ສະໜັບສະໜູນ ແລະ ຊຸກຍູ້ໃຫ້ເຮັດດົນຕີຫຼາຍຂຶ້ນ ຮັກແພງຫຼາຍຕໍ່ທຸກໆຄົນ ”.
ພ້ອມນີ້ສາວສາລູນາ ຍັງບອກຕື່ມວ່າ: “ ຕົນເອງຮູ້ສຶກເປັນກຽດທີ່ສຸດໃນຊີວິດເລີຍ ຂອບໃຈທີ່ໃຫ້ໂອກາດສາວລາວສອງຄົນໄດ້ຮັບລາງວັນ asia top awards 2024 ຮ່ວມກັບນັກຮ້ອງ, ນັກສະແດງ ແລະ ດາລາ ທີ່ມີຊື່ສຽງອີກຫຼາຍໆປະເທດ ຝາກເປັນກຳລັງໃຈໃຫ້ພວກເຮົາແດ່ເດີ ”.
ງານນີ້ຂ່າວບັນເທີງເອງຕ້ອງຂໍສະແດງຄວາມຍິນດີ ແລະ ຊົມເຊີຍກັບລາງວັນທີ່ທັງສອງສາວທັງງາມທັງເກັ່ງໄດ້ຮັບ ແລະ ຂໍໃຫ້ພັດທະນາຕົນເອງ ແລະ ມີຜົນງານອອກມາປະດັບວົງການເພງລາວຫຼາຍໆເດີ.
