ງານນີ້ຂ່າວບັນເທີງບອກເລີຍສາວໆຕ້ອງຮີບຟ້າວສະໝັກ ເຊິ່ງສາວໆພ້ອມ ຫຼື ຍັງທີ່ຈະເປັນ MISS UNIVERSE LAOS ຄົນຕໍ່ໄປຂໍພຽງເຈົ້າມີ “ ຫົວໃຈທີ່ແຂງແກ່ນ BRAVEHEART ” ບໍ່ຕ້ອງຖ້າມື້ໃດອີກ ສະໝັກເລີຍມື້ນີ້ ໂອກາດຢູ່ທາງໜ້າແລ້ວ ໂດຍໄປກົດສະໝັກເບິ່ງລາຍລະອຽດໄດ້ທີ່ເພຈ MISS UNIVERSE LAOS ເປີດໂອກາດໃຫ້ສາວງາມຈາກທົ່ວປະເທດ ປິດຮັບສະໝັກໃນວັນທີ 22 ມີນາ2024 ນີ້ເດີ.
ງານນີ້ຫຼັງຈາກການຖະແຫຼງຂ່າວໄດ້ຈົບໄປ ຂ່າວບັນເທີງກໍໄດ້ນໍາເອົາບັນຍາກາດສຸດພິເສດມາຝາກມາຕ້ອນ ຖືວ່າເປັນຄັ້ງທໍາອິດທີ່ ປາເປົ້າ ໄພມະນີ ລາດສະບັນເທົາ ສວມຊຸດ ” ຜ້າໄໝລາວໄປຈັກກະວານ ” ຊຸດປະຈໍາຊາດລາວທີ່ໃສ່ຂຶ້ນໂຊທີ່ເວທີຈັກກະວານ ເອວສະວາດໍ ນຸ່ງມາໂຊຢູ່ລາວ ໃນງານຖະແຫຼງຂ່າວ Miss Universe Laos 2024 ທີ່ໂຮງແຮມ ຄຣາວພລາຊາ ນະຄອນຫຼວງວຽງຈັນ ອີກດ້ວຍ.
ປີນີ້ບອກເລີຍພິເສດກວ່າປີຜ່ານມາ ເຊິ່ງມື້ນີ້ຂ່າວບັນເທີງຈະພາມາຕິດຕາມເບິ່ງວາລະຄວາມພິເສດ ຮູບແບບເງິນລາງວັນຂອງເວທີ Miss Universe Laos 2024 ປີນີ້ບໍ່ທຳມະດາ.
ຄອນເຊັບຂອງງານປີນີ້ຄື ” Brave Heart – ຫົວໃຈທີ່ກ້າຫານ ” ເຊິ່ງດຳເນີນຈັດງານໂດຍ ບໍລິສັດ 78 Creation ແລະ SV Trading Sole Co.,Ltd ຮ່ວມກັບການຊີ້ນຳພາຍໃຕ້ກົມຂະບວນການສູນກາງຊາວໜຸ່ມປະຊາຊົນ ປະຕິວັດລາວ.
ວາລະດໍາເນີນການປະກວດ 23/03/2024 ຮອບຄັດເລືອກ Audition Face to Face; 31/03/2024 ຕ້ອນຮັບຜູ້ເຂົ້າຮອບ 18 ຄົນສຸດທ້າຍ TOP 18 Universe Night; 11/05/2024 ກິດຈະກໍາຮອບຄີເວີດ Keyword Challenge; 12/05/2024 ກິດຈະກໍາຮອບຍ່າງລັນເວ Runway Challenge; 22/05/2024 ເລີ່ມເຂົ້າເກັບຕົວໃນໂຮງແຮມ Hotel Registration; 26/05/2024 ຊຸດລອຍນໍ້າ Swimsuit Competition (ມີເຊີໄພ້ໃນງານ); 29/05/2024 ສໍາພາດຫ້ອງດໍາ Close Door Interview; 01/06/2024 ສະແດງຊຸດປະຈໍາແຂວງ Provincial Costume Show; 01/06/2024 ຮອບພຣີລິມ Preliminary Competition ແລະ 02/06/2024 ຮອບຕັດສິນ Final Competition.
ພິເສດ ປີນີ້ຍັງໄດ້ຕ້ອນຮັບການມາຢ້ຽມຢາມປະເທດລາວເປັນຄັ້ງທໍາອິດ ແລະ ຄັ້ງປະຫວັດສາດຈາກ ເຊນີສ ປາລາຊີໂອສ Miss Universe 2023 ສາວງາມຈາກປະເທດນິກາລາກວາ ເຊິ່ງຈະເດີນທາງມານະຄອນຫຼວງ ວຽງຈັນ ແລະ ຫຼວງພະບາງ ລະຫວ່າງວັນທີ 5 – 7 ເມສາ 2024 ນີ້ ໂດຍເປັນການຕ້ອນຮັບຈາກກອງປະກວດ Miss Universe Laos ມີສຢູນີເວີຣສລາວ.
ປີນີ້ບອກເລີຍເງິນລາງວັນMiss Universe Laos 2024 ແມ່ນຈະໄດ້ຮັບເງິນລາງວັນເຖິງ 180 ລ້ານກີບ, ຮອງອັນດັບໜຶ່ງ ຮັບເງິນລາງວັນ 50 ລ້ານກີບ, ຮອງອັນດັບສອງ ຮັບເງິນລາງວັນ 30 ລ້ານກີບ, ລາງວັນໂຫວດສູງສຸດ ຮັບເງິນລາງວັນ 20 ລ້ານກີບ ແລະ ລາງວັນພິເສດ ຮັບເງິນລາງວັນ ລາງວັນລະ 10 ລ້ານກີບກັນເລີຍ.
ຮີບຟ້າວສະໝັກເດີສາວໆ ເພື່ອຄອບຄອງມົງກຸດແຫ່ງຈັກກະວານລາວ ຄົນທີ 8 ນັ້ນເອງ.