ຍັງຕື່ນເຕັ້ນບໍ່ເຊົາ ຫຼັງຈາກທີ່ວົງ 4EVE ສ້າງຄວາມຮ້ອນແຮງໃນຄອນເສີດຫຼ້າສຸດດ້ວຍເພງ Hot 2 Hot ກໍມີແຟນຄລັບຮຽກຮ້ອງຢາກເຫັນເອັມວີເປັນຈໍານວນຫຼາຍ! ແລ້ວຫຼ້າສຸດ ພວກເຂົາກໍໄດ້ປ່ອຍເອັມວີເວີຊັນເຕັ້ນອອກມາໃຫ້ທຸກຄົນໄດ້ເບິ່ງກັນແລ້ວ! ທ່າເຕັ້ນ, ເສື້ອຜ້າໜ້າຜົມ ແລະ ສີສັນກໍຄືຈຶ້ງສຸດໆ, ໃຜທີ່ຍັງບໍ່ໄດ້ເບິ່ງຖືວ່າພາດແຮງເດີ!.
ແຕ່ທີ່ໂດດເດັ່ນສຸດໆນໍາພາບມາຝາກມາຕ້ອນແຟນໆຂ່າວບັນເທີງນັ້ນຄືສາວງາມຄົນເກັ່ງພຽງໜຶ່ງດຽວຈາກລາວ ໃນວົງ 4EVE ລຸກນີ້ເກີນຕ້ານງາມປົນເຊັກຊີ້ບອກເລີຍງານນີ້ໜຸ່ມໆມີໃຈລະລາຍໄປຕາມໆກັນເລີຍ. ໃນເອັມວີແຮນນ່າ ມາໃນຊຸດສີບົວຫວານ ຈົນໃຜເຫັນກໍລະສາຍຕາຈາກນ້ອງບໍ່ໄດ້ ເອັມວີດີ ທ່າເຕັ້ນເລີດ ສຽງຮ້ອງກໍເປັນເອກະລັກຂອງແຕ່ລະຄົນເຂົ້າໄປຟັງກັນໄດ້ແລ້ວມື້ນີ້ ໂດຍສາມາດຕິດຕາມການເຄື່ອນໄຫວ ແລະ ຟັງເພງໄດ້ທີ່ Facebook: Hannah Rosenbloom ນັ້ນເອງ.
ຍັງບໍ່ພໍແຟນໆມີຂ່າວດີມາບອກ ວົງ 4EVE ແມ່ນໄດ້ຮັບລາງວັນ Best Girl Group Of The Year ອີກດ້ວຍ ດີໃຈນໍານ້ອງໆແບບສຸດໆສົມແລ້ວກັບການທຸ່ມເທເຫື່ອແຮງ ຝຶກຊ້ອມຢ່າງໜັກກວ່າຈະໄດ້ມາ ຊົມເຊີຍນ້ອງໆ.
ສໍາລັບ 4EVE ສ້າງປາກົດການຫ້າງແຕກສຸດປະທັບໃຈ ທີ່ງານຄອນເສີດຜ່ານມາທີ່ຫ້າງພາກຊັນ ດ້ວຍບັນຍາກາດທີ່ອົບອຸ່ນ ແລະ ຄຶກຄື້ນສຸດໆ ເອີ້ນໄດ້ວ່າເປັນປາກົດການຫ້າງແຕກຂອງລາວເລີຍກໍວ່າໄດ້ ເນື່ອງຈາກແຟນຄລັບ 4EVE ຫຼາຍພັນຄົນພ້ອມໃຈກັນໄປຖ້າເຂົ້າງານຄອນເສີດ ຕັ້ງແຕ່ຫ້າງຍັງບໍ່ເປີດ! ຄືງານນີ້ນ້ອງໆທຸກຄົນເປັນຕາຮັກຕາແພງແຮງ ແຟນຄລັບຊາວລາວມີຄວາມສຸກ ແລະ ປະທັບໃຈສຸດໆ ແລະ ຫວັງວ່າຈະໄດ້ເຫັນສາວໆ 4EVE ມາເສີດສາຍທີ່ປະເທດລາວອີກຄັ້ງ
ເຊິ່ງຫຼາຍໆຄົນຕັ້ງໜ້າຕັ້ງຕາລໍຄອຍສາວໆມາຢ້ຽມຢາມ ແລະ ສ້າງຄວາມມ່ວນຊື່ນອີກຄັ້ງ ທຸກຄົນສາມາດຕິດຕາມການເຄື່ອນໄຫວໄດ້ທີ່ Page: 4EVE ໄດ້ເລີຍ ບໍ່ພາດທຸກການເຄື່ອນໄຫວແນ່ນອນ.