ກອງປະຊຸມລັດຖະມົນຕີກະຊວງການຕ່າງປະເທດຂອງກຸ່ມ 20 ປະເທດຫຼື G20 ໄດ້ຈັດຂຶ້ນຢູ່ນະຄອນຣີໂອເດີ ຈາເນໂຣຂອງບຣາຊິນ ໃນວັນທີ 21 ກຸມພາ.
ໃນກອງປະຊຸມທີ່ດຳເນີນເປັນເວລາ 2 ວັນຄັ້ງນີ້, ວິກິດການສາກົນທີ່ໄດ້ເກີດຂຶ້ນຍ້ອນການປະທະກັນເປັນຈຸດສຸມໃນປັດຈຸບັນນີ້ແລະການປະຕິຮູບດ້ານການຄຸ້ມຄອງໂລກແມ່ນຫົວຂໍ້ປຶກສາຫາລືທີ່ສຳຄັນທີ່ສຸດໃນການປຶກສາຫາລືລະ ຫວ່າງຝ່າຍຕ່າງໆທີ່ເຂົ້າຮ່ວມກອງປະຊຸມ.
ກອງປະຊຸມໄດ້ຜ່ານຂໍ້ຕົກລົງທີ່ຈະຈັດກອງປະຊຸມລັດຖະມົນຕີກະຊວງການຕ່າງປະເທດຂອງກຸ່ມ G20 ຄັ້ງທີ 2ໃນສົກປີນີ້ທີ່ນະຄອນນິວຢອກຂອງອາເມຣິກາໃນເວລາຈັດກອງປະຊຸມໃຫຍ່ຂອງອົງການສະຫະປະຊາຊາດໃນເດືອນກັນຍາປີ 2024. ບຣາຊິນຫວັງວ່າການຈັດຕັ້ງປະຕິບັດນີ້ຈະເພີ່ມທະວີການປຶກສາຫາລືແລະການຮ່ວມມືລະຫວ່າງອົງການສະຫະປະຊາຊາດແລະG20, ແລະຈະຊຸກຍູ້ການປະຕິຮູບດ້ານການຄຸ້ມຄອງທົ່ວໂລກຢ່າງແຂງແຮງ.
ຕາມວາລະປະຊຸມ, ໃນວັນທີ 21 ກຸມພາ, ຜູ້ຕາງໜ້າຂອງແຕ່ລະປະເທດໄດ້ແລກປ່ຽນຄວາມເຫັນກ່ຽວກັບບັນຫາການປະທະກັນເປັນຈຸດສຸມສາກົນໃນປັດຈຸບັນນີ້; ວັນທີ 22 ກຸມພາ, ກອງປະຊຸມ ໄດ້ສາຫາລືກ່ຽວກັບຫົວຂໍ້ການປະຕິຮູບດ້ານການຄຸ້ມຄອງທົ່ວໂລກເພື່ອຮັບມືກັບວິກິດການສາກົນປັດຈຸບັນນີ້ທີ່ສະເໜີໂດຍບຣາຊິນ.
ນອກນີ້, ກອງປະຊຸມຄັ້ງນີ້ຍັງຈະປຶກສາຫາລືກ່ຽວກັບການບຳບັດຄວາມທຸກຍາກ, ການຮັບມືກັບການປ່ຽນແປງຂອງດິນຟ້າອາກາດ, ການອະນຸລັກສິ່ງແວດລ້ອມແລະຫົວຂໍ້ອື່ນໆ.
