ເວບໄຊສຳນັກຂ່າວ granma.cu ຂອງກູບາ ລາຍງານວ່າ: ປັດຈຸບັນທົ່ວປະເທດ ມີລົດໃຫ້ເຊົ່າຫຼາຍກວ່າ 1.000 ຄັນ ຈາກວິສາຫະກິດຂະໜາດນ້ອຍ ແລະ ກາງ (SME) ຫຼາຍກວ່າ 350 ແຫ່ງ ທີ່ທຸ່ມເທໃຫ້ກັບການຂົ່ນສົ່ງຜູ້ໂດຍສານ, ຂົນສົ່ງສິນຄ້າ ແລະ ກະຈາຍວັດສະດຸ.
ລາຍງານລະບຸວ່າ: ເນື່ອງຈາກການເຊົ່າຍານພາຫະນະ ໃນຮູບແບບການຈັດການທາງເສດຖະກິດຂອງລັດ ໄປຈົນເຖິງຮູບແບບການຈັດການທີ່ບໍ່ແມ່ນຂອງລັດ ແລະ ຂອງບໍລິສັດລັດ ໄດ້ຮັບອະນຸມັດແລ້ວ ຈຶ່ງມີລົດບໍລິການຂົນສົ່ງຫຼາຍກວ່າ 1.000 ຄັນ ເຊິ່ງ SME ຫຼາຍກວ່າ 350 ແຫ່ງ ອຸທິດຕົນໃຫ້ກັບການຂົນສົ່ງຜູ້ໂດຍສານ, ການຂົນສົ່ງສິນຄ້າ, ການຈັດຈໍາໜ່າຍວັດສະດຸ.
ຂະນະທີ່, ກິດຈະກຳນີ້ທີ່ບໍ່ແມ່ນຂອງລັດ ບໍ່ແມ່ນເລື່ອງໃໝ່ ແຕ່ກໍຍັງມີຂໍ້ກັງວົນ, ທະນາຄານ ທີ່ຍັງມີຂໍ້ຈໍາກັດໃນການເຊົ່າຍານພາຫະນະ ແລະ ຄວາມເປັນໄປໄດ້ໃນການຊື້ກິດຈະການ ເຊິ່ງເກີດຂຶ້ນແລ້ວ ນັບແຕ່ເດືອນມີນາຜ່ານມາ, ເມື່ອຂໍ້ກຳນົດ ເລກທີ 83 ມີຜົນບັນຂັບໃຊ້ ເຊິ່ງແມ່ນຂໍ້ກໍານົດທີ່ເຮັດໃຫ້ນິຕິບຸກຄົນ ບຸກຄົນ ສາມາດຊື້ລົດໄດ້ໃນລາຄາຂາຍສົ່ງ ໄດ້ງ່າຍຂຶ້ນ.
ຕັ້ງແຕ່ນັ້ນມາ, ໄດ້ມີການເຮັດການຄ້າຫຼາຍກວ່າ 10.000 ລາຍການ ເຊິ່ງມີສ່ວນຊ່ວຍໃນການຟື້ນຟູຄວາມຄ່ອງຕົວຂອງບໍລິສັດລັດພາຍໃນ ແລະ ຕ່າງປະເທດ ລວມເຖິງສະຫະກອນ ແລະ ອົງການພັດທະນາເອກະຊົນ. ພ້ອມດຽວກັນ, ຂໍ້ກັງວົນທາງສັງຄົມອື່ນໆ ກໍບໍ່ພຽງແຕ່ຢູ່ໃນພາກສ່ວນທີ່ບໍ່ແມ່ນຂອງລັດເທົ່ານັ້ນ ຍັງກ່ຽວຂ້ອງກັບ ຄວາມເປັນໄປໄດ້ໃນການສ້ອມແປງຍານພາຫະນະ ຕະຫຼອດຮອດລາຄາ ແລະ ການຄວບຄຸມກິດຈະກໍາການຂົນສົ່ງ.
ລາຍງານຍັງລະບຸວ່າ: ກະຊວງຄົມມະນາຄົມຂອງກູບາ ກຳລັງເດີນໜ້າປະຕິບັດການຮ່ວມມືກັບອົງການສະຫະປະຊາຊາດ ເພື່ອປັບປຸງຄວາມສຳພັນ ລະຫວ່າງພາກລັດ ແລະ ເອກະຊົນ ໂດຍນໍາປະສົບການຂອງໂລກມາໃຊ້ ເຊິ່ງມີເປົ້າໝາຍຄື “ການໃຫ້ບໍລິການຕາມມາດຕະຖານທີ່ປະຊາຊົນຂອງເຮົາຄາດຫວັງ” ແຕ່ວິທີການເຂົ້າໃກ້ ບໍ່ຄືກັນ ຈໍາຕ້ອງໄດ້ຮຽນຮູ້ວິທີເຮັດໃຫ້ດີ ໂດຍອາໄສລະບົບເຈລະຈາຕໍ່ລອງ.
