ແນໃສ່ຊຸກຍູ້ການຮ່ວມມືໄລຍະຍາວ ແລະ ຊຸກຍູ້ການພັດທະນາຊັບພະຍາກອນມະນຸດ, ວິທະຍາໄລເຕັກນິກປາກປ່າສັກ ແລະ ບໍລິສັດ ເອສວີແອວ ກຮູບໄດ້ເຂົ້າຮ່ວມບົດບັນທຶກຄວາມເຂົ້າໃຈ (MOU) ຮ່ວມກັນ ສອງຝ່າຍໃຫ້ຄຳໝັ້ນສັນຍາຈະຍົກສູງຄວາມສາມາດ ແລະ ທັກສະຂອງຊາວໜຸ່ມໃນຂະແໜງການບໍລິການ, ການໂຮງແຮມ ແລະ ການທ່ອງທ່ຽວ ໃຫ້ສອດຄ່ອງກັບນະໂຍບາຍຂອງພັກ ແລະ ລັດ.
ການຮ່ວມມືນີ້ມີຈຸດປະສົງເພື່ອບັນລຸເປົ້າຫມາຍດັ່ງຕໍ່ໄປນີ້:
1. ຈັດຕັ້ງປະຕິບັດໂຄງການພັດທະນາວິຊາຊີບໄວໜຸ່ມ (YPDP) ເພື່ອສ້າງໂຄງການຝຶກອົບຮົມວິຊາຊີບໃຫ້ແກ່ນັກຮຽນໃນຂະແໜງບໍລິການ, ການໂຮງແຮມ ແລະ ການທ່ອງທ່ຽວ ຕະຫຼອດຮອດຂະແໜງການອື່ນໆ. ຂໍ້ລິເລີ່ມນີ້ພະຍາຍາມປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງ ສປປ ລາວ.
2. ເສີມຂະຫຍາຍຄວາມສາມາດດ້ານວິຊາຊີບຂອງຊາວໜຸ່ມລາວ ດ້ວຍການສະໜອງໂອກາດຝຶກອົບຮົມ ແລະ ພັດທະນາສີມືແຮງງານ. ໂຄງການດັ່ງກ່າວຈະເນັ້ນໜັກເຖິງການຮຽນຮູ້ພາກປະຕິບັດຜ່ານປະສົບການປະຕິບັດຕົວຈີງ (Learning by Doing) ແລະ ຊຸກຍູ້ໃຫ້ນັກຮຽນລວບລວມປະສົບການຂອງເຂົາເຈົ້າເຂົ້າໃນບົດລາຍງານທິດສະດີເພື່ອຮຽນຈົບ.
3. ຊຸກຍູ້ການຮ່ວມມືລະຫວ່າງ ວິທະຍາໄລເຕັກນິກປາກປ່າສັກ ແລະ ບໍລິສັດ ເອສວີແອວ ກຮູບ ໂດຍຜ່ານການແລກປ່ຽນຂໍ້ມູນຂ່າວສານ ແລະ ຄວາມຮູ້-ຄວາມສາມາດຕ່າງໆ ທີ່ຈຳເປັນກ່ຽວກັບການເຄື່ອນໄຫວ
ຜ່ານບົດບັນທຶກຄວາມເຂົ້າໃຈສະບັບນີ້, ວິທະຍາໄລເຕັກນິກປາກປ່າສັກ ແລະບໍລິສັດ ເອສວີແອວ ກຮູບ ການຄ້າຂາເຂົ້າ-ຂາອອກ ຈຳກັດ ມຸ່ງໄປເຖິງການສ້າງການຮ່ວມມືອັນມີໝາກຜົນ ເພື່ອສ້າງຄວາມເຂັ້ມແຂງໃຫ້ແກ່ໄວໜຸ່ມໃນການປະກອບອາຊີບອີກດ້ວຍ.