ສຳນັກຂ່າວຣອຍເຕີ ລາຍງານວ່າ: ເຈົ້າໜ້າທີ່ດັບເພີງຂອງແອັດສະປາຍ ເລັ່ງສະກັດກັ້ນໄຟໄໝ້ປ່າຮຸນແຮງເປັນຄັ້ງທຳອິດຂອງປີ 2023 ຢູ່ທາງພາກຕາເວັນອອກຂອງປະເທດ ສົ່ງຜົນໃຫ້ປະຊາຊົນ ປະມານ 1.500 ຄົນ ຕ້ອງຍົກຍ້າຍໄປຢູ່ເຂດປອດໄພ ຫຼັງຈາກໄຟໄໝ້ປ່າສ້າງຄວາມເສຍຫາຍເປັນບໍລິເວນກວ້າງ ຫຼາຍກວ່າ 3.000 ເຮັກຕາ.
ປັດຈຸບັນເຈົ້າໜ້າທີ່ດັບເພີງຫຼາຍກວ່າ 500 ຄົນ ໄດ້ລົງພື້ນທີ່ ແລະ ນຳໃຊ້ແຮລິຄອບເຕີຄວບຄຸມໄຟປ່າ ແຕ່ຕ້ອງປະເຊີນກັບຄວາມຫຍຸ້ງຍາກຫຼາຍທີ່ສຸດ ເນື່ອງຈາກມີລົມພັດແຮງ ແລະ ອຸນຫະພູມສູງກວ່າປົກກະຕິ.
