ສຳນັກງານສະຖິຕິແຫ່ງຊາດອິນໂດເນເຊຍ ເປີດເຜີຍວ່າ ຍອດເກີນດຸນການຄ້າຂອງອິນໂດເນເຊຍໃນເດືອນກັນຍາ 2021 ຫຼຸດລົງເລັກນ້ອຍເມື່ອທຽບໃສ່ເດືອນສິງຫາ ໂດຍຍອດເກີນດຸນໃນເດືອນກັນຍາ ຢູທີ່ 4,37 ຕື້ໂດລາ ເນື່ອງຈາກການນຳເຂົ້າ-ສົ່ງອອກຂະຫຍາຍຕົວຊ້າກວ່າທີ່ຄາດການໄວ້ ແຕ່ຍັງສູງກວ່າທີ່ນັກວິເຄາະຄາດການໄວ້.
ໃນດືອນສິງຫາ ອິນໂດເນເຊຍມີຍອດເກີນດຸນການຄ້າຢູ່ທີ່ 4,74 ຕື້ໂດລາ, ທັງນີ້ ນັກວິເຄາະຄາດການວ່າ ເດືອນກັນຍາ ອິນໂດເນເຊຍຈະມີຍອດເກີນດຸນການຄ້າຢູ່ທີ່ 3,84 ຕື້ໂດລາ.
ຍອດການສົ່ງອອກໃນເດືອນກັນຍາ 2021 ມີມູນຄ່າ 20,6 ຕື້ໂດລາ ເພີ່ມຂຶ້ນ 47,64% ເມື່ອທຽບໃສ່ໄລຍະດຽວກັນຂອງປີຜ່ານມາ ແຕ່ຕ່ຳກວ່າຕົວເລກທີ່ຄາດການໄວ້ ໂດຍຕົວເລກຄາດການໄວ້ຈະເພີ່ມຂຶ້ນປະມານ 51,57%, ໃນຂະນະທີ່ການສົ່ງອອກກໍເພີ່ມຂຶ້ນ 40,31% ມີມູນຄ່າ 16,23 ຕື້ໂດລາ ຕ່ຳກວ່າຕົວເລກທີ່ຄາດການໄວ້ ເຊິ່ງຕົວເລກທີ່ຄາດການໄວ້ວ່າ ຈະເພີ່ມຂຶ້ນ 50%.