ແພທຣິກ ຄານເລ ນັກກ໊ອຟຊາຍມື 4 ຂອງໂລກຊາວອາເມຣິກາ ປະສົບຜົນສໍາເລັດສູງໃນການແຂ່ງຂັນກ໊ອຟ ພີຈີເອ ທົວ ລະດູການ 2020-2021 ຫຼ້າສຸດຄວ້າແຊັມ ທົວ ແຊັມປ້ຽນຊິບ ພ້ອມກັບຮັບເງິນລາງວັນກັບບ້ານອີກ 15 ລ້ານໂດລາ ເຊິ່ງການແຂ່ງຂັນກ໊ອຟພີຈີເອ ທົວ ລາຍການສຸດທ້າຍຂອງປີລາຍການ ທົວ ແຊັມປ້ຽນຊິບ ທີ່ສະໜາມ ອີສ ເລກ ກ໊ອຟ ຄັບ ທີ່ລັດຈໍເຈຍ ສະຫະລັດອາເມຣິກາ ເຊິ່ງເມື່ອວັນທີ 5 ກັນຍາ ທີ່ຜ່ານມາ ເປັນການແຂ່ງຂັນຮອບສຸດທ້າຍ.
ໂດຍວັນສຸດທ້າຍ ແພທຣິກ ຄານເລ ຜູ້ນໍາຕະຫຼອດ 3 ວັນທີ່ຜ່ານມາ ແລະ ວັນທີ 4 ວັນສຸດທ້າຍເກັບໄດ້ 4 ເບີດີ ແລະ ເສຍ 1 ໂບກີ ເຮັດໃຫ້ຄະແນນລວມເພິີ່ມເປັນ 21 ອັນເດີພາ ຄວ້າແຊັມໄປຄອງ ໂດຍເອົາຊະນະ ຈອນ ຣາມ ມື 1 ຂອງໂລກໄປຫວຸດຫວິດ 1 ສະໂຕຣກ.
ຈາກຜົນດັ່ງກ່າວ ເຮັດໃຫ້ ຄານເລ ອາຍຸ 29 ປີ ຄວ້າແຊັມອາຊີບໄດ້ 3 ລາຍການ ພ້ອມກັບເກັບຄະແນນສະສົມຂຶ້ນເປັນອັນດັບ 1 ໃນຕາຕະລາງ ເຟດເອັກຊ໌ ຄັບ 4.302 ຄະແນນ ເຊິ່ງເຮັດໃຫ້ ລາວໄດ້ເງິນລາງວັນໂບນັສໄປເຖິງ 15 ລ້ານໂດລາ ເປັນການສົ່ງທ້າຍລະດູການດ້ວຍຮອຍຍິ້ມ.
ຮູບຈາກ: AP
