ສະຫະພັນບານເຕະເອີຣົບ ( ຢູຟາ ) ຈັດພິທີຈັບຈັບສະຫຼາກແບ່ງສາຍການແຂ່ງຂັນບານເຕະ ຢູຟາ ແຊັມປ້ຽນລີກ ຮອບແບ່ງກຸ່ມ ລະດູການໃໝ່ 2021-2022 ເມື່ອວັນທີ 26 ສິງຫາຜ່ານມາ, ຢູ່ນະຄອນອິສຕັນບູລ ປະເທດຕຸຣະກີ ຢ່າງເປັນທາງການປາກົດວ່າ:
ກຸ່ມ A: ແມນເຊັສເຕີ ຊິຕີ້, ປາຣີ ແຊັງແຊກແມັງ, ອາຣແບ ໄລຊິກ ແລະ ຄລັບ ບຣູສ
ກຸ່ມ B: ແອັດເລຕິໂກ້ ມາດຣິດ, ລິເວີພູລ, ປໍຣໂຕ້ ແລະ ເອຊີ ມິລານ
ກຸ່ມ C: ສະປອດຕິ້ງ ລິສບອນ, ໂບຣຸສເຊຍ ດ໊ອດມຸນ, ອາແຈັກ ອຳສະເຕີດຳ ແລະ ເບຊິກຕັສ
ກຸ່ມ D: ອິນເຕີ ມິລານ, ຣີລ ມາດຣິດ, ຊັກຕ້າ ໂດເນັດ ແລະ ເຊຣິຟ
ກຸ່ມ E: ບາເຢິນ ມິວນິກ, ບາເຊໂລນາ, ເບັນຟີກ້າ ແລະ ດີນາໂມ ຄຽບ
ກຸ່ມ F: ບີຢາຣຽວ, ແມນເຊັສເຕີ ຢູໄນເຕັດ, ອັນຕາລັນຕ້າ ແລະ ຢັງບອຍ
ກຸ່ມ G: ລິລ, ເຊບີຢາ, ເຣດບູລ ຊໍາບວກ ແລະ ໂວຟບວກ.
ກຸ່ມ H: ເຊລຊີ ແຊັມເກົ່າ, ຢູເວນຕຸສ, ເຊນິດ ເຊັນ ປີເຕີສະເບີກ ແລະ ມາລໂມ
ສໍາລັບ ການແຂ່ງຂັນນັດທໍາອິດຂອງກຸ່ມຈະແຂ່ງຂັນໃນວັນທີ 14 ແລະ 15 ກັນຍາ 2021, ສ່ວນ ຮອບຊິງຊະນະເລີດ ລະດູການ ຈະໄປແຂ່ງຢູ່ສະໜາມ ເຄຣສຕັອຟສະກີ້ ໃນເຊັນ ປີເຕີສະເບີກ ປະເທດຣັດເຊຍ ໃນວັນທີ 28 ພຶດສະພາ 2022.
ຮູບຈາກ: AP
