ເມົາຣິຊິໂອ ໂປເຊັດຕິໂນ ຜູ້ຈັດການທີມຂອງ ປາຣີສ ແຊງແຊກແມງ ສະໂມສອນຍັກໃຫຍ່ໃນລີກເອິງ ຝຣັ່ງ ອອກມາຢືນຢັນວ່າ: ກຽມສົ່ງ ລິໂອເນລ ເມສຊີ ກອງໜ້າຄົນໃໝ່ຂອງທີມ ລົງສະໜາມນັດທໍາອິດໃນວັນທີ 29 ສິງຫາ 2021 ທີ່ຈະພົບກັບ ແຣງສ໌ ເວລາ 1:45 ໂມງ.
ເມສຊີ ໝົດສັນຍາກັບ ບາເຊໂລນາ ກ່ອນຍ້າຍໄປຢູ່ກັບ ປາຣີສ ໃນກາງເດືອນສິງຫາ ທີ່ຜ່ານມາ ເຊັນສັນຍາ 2 ປີ ພ້ອມກັບເງື່ອນໄຂຂະຫຍາຍສັນຍາອີກ 1 ປີ ແຕ່ມາຮອດປັດຈຸບັນ ເມສຊີ ຍັງບໍ່ທັນໄດ້ລົງສະໜາມໃຫ້ກັບ ປາຣີສ ເລີຍ.
ຫຼ້າສຸດ ໂປເຊັດຕິໂນ ໃຫ້ສໍາພາດວ່າ: “ ຖ້າບໍ່ມີຫຍັງຜິດພາດ, ພວກເຮົາຫວັງວ່າ ເມສຊີ ຈະຢູ່ໃນທີມ ແລະ ເລີ່ມຕົ້ນລົງຫຼິ້ນໃຫ້ກັບທີມເປັນນັດທໍາອິດໃນນັດທີ່ຈະພົບກັບ ແຣງສ໌ ໃນວັນທີ 29 ສິງຫາ 2021 ແນ່ນອນຂ້ອຍໃຫ້ຄວາມສໍາຄັນກັບນັກເຕະທຸກຄົນ ເຊິ່ງນັກເຕະທຸກຄົນຈາກທຸກຊາດລ້ວນແລ້ວແຕ່ເປັນນັກເຕະຂອງພວກເຮົາທັງໝົດ ”.
ຮູບຈາກ: AP