ປະທານປະເທດເດີນທາງຢ້ຽມຢາມແຫຼ່ງທ່ອງທ່ຽວໃໝ່ນ້ຳປຽນຢໍລະປາ - Laoedaily

ປະທານປະເທດເດີນທາງຢ້ຽມຢາມແຫຼ່ງທ່ອງທ່ຽວໃໝ່ນ້ຳປຽນຢໍລະປາ

ໃນວັນທີ 3 ກັນຍາ 2020 ທ່ານ ບຸນຍັງ ວໍລະຈິດ ປະທານປະເທດ ໄດ້ເດີນທາງໄປຢ້ຽມຊົມສະຖານທີ່ທ່ອງທ່ຽວໃໝ່ນໍ້າປຽນຢໍລະປາ ເຊິ່ງຕັ້ງຢູ່ບ້ານຊຽງແລທ່າ ເມືອງປາກງື່ມ ນະຄອນຫຼວງວຽງຈັນ ໂດຍເປັນກຽດຕ້ອນຮັບຂອງທ່ານ ສົມເພັດ ມ້າວປະເສີດ ປະທານສະຖານທີ່ທ່ອງທ່ຽວນໍ້າປຽນຢໍລະປາ.

ໃນໂອກາດນີ້ ທ່ານ ສົມເພັດ ມ້າວປະເສີດ ໄດ້ລາຍງານໃຫ້ຮູ້ວ່າ: ສະຖານທີ່ທ່ອງທ່ຽວແຫ່ງນີ້ໄດ້ເລີ່ມພັດທະນາມາແຕ່ຕົ້ນປີ 2019 ໂດຍເອົາຮູບແບບການພັດທະນາມາຈາກສະຖານທີ່ທ່ອງທ່ຽວນໍ້າກັດຢໍລະປາ ແຂວງອຸດົມໄຊ ໄດ້ແບ່ງການພັດທະນາເປັນ 3 ໄລຍະ ໃນນີ້ ໄລຍະທໍາອິດໄດ້ພັດທະນາການທ່ອງທ່ຽວໄດ້ສໍາເລັດໂດຍພື້ນຖານ ປະກອບມີ 8 ລາຍການ ຄື:

ສວນນໍ້າ ຂົວອູ່ ຈຸດຖ່າຍຮູບວິວຕ່າງໆ, ໄຕ່ຂົວອູ່ເທິງປາຍໄມ້ 25 ຂົວ, ຂີ່ໂລເລີ້, ຂີ່ສະລິງ ໂດຍຜ່ານການໄຕ່ຕາໜ່າງຂົວອູ່ ຊົມນໍ້າຕົກ, ໄປຢືນຖ່າຍຮູບໂດຍຜ່ານຕາໜ່າງຂົວອູ່ ນໍ້າຕົກ, ຂີ່ຕາໜ່າງແມງມຸມ, ຂີ່ລຸກເຊິ່ງເປັນລົດນ້ອຍທ່ຽວຊົມທຳມະຊາດ ແລະ ຂີ່ລົດເອທີວີ.

ນອກຈາກນີ້ ຍັງມີກິດຈະກຳທ່ອງທ່ຽວອື່ນໆ ໄວ້ບໍລິການນັກທ່ອງທ່ຽວ ລາຄາເລີ່ມຕົ້ນແຕ່ 30 ພັນກີບຂຶ້ນໄປ ປັດຈຸໄດ້ເປີດໃຫ້ບໍລິການຢ່າງເປັນທາງການ ແລະ ໄດ້ຮັບຜົນຕອບຮັບເປັນຢ່າງດີຈາກປະຊາຊົນ ສ່ວນແຜນໃນຕໍ່ໜ້າ ຈະພັດທະນາໃຫ້ມີຣີສອດ ບ້ານຊົນເຜົ່າ ແລະ ສວນພຶກສາສາດຕື່ມອີກ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ