ຂຶ້ນຊື່ເຂົ້າໝົມຫວານກໍຈະມີຫຼາກຫຼາຍເມນູ ແຕ່ເມນູທີ່ຈະມາແນະນຳໃນມື້ນີ້ກໍຄື ເຂົ້າໜົມແໜບ ເຊິ່ງໃນຊ່ວງຍາມບຸນຈະເປັນເຂົ້າໜົມຢ່າງໜຶ່ງທີ່ນິຍົມເອົາໄປໃສ່ບາດ ແລະ ມື້ນີ້ເຮົາກໍມີສູດເຮັດເຂົ້າໜົມແໜບມາໃຫ້ຜູ້ອ່ານໄດ້ລອງນຳໄປເຮັດເບິ່ງ.
ສ່ວນປະກອບທັງໝົດມີ:
ແປ້ງເຂົ້າໜຽວ 1 ຖົງ
ແປ້ງເຂົ້າຈ້າວ 1 ຈອກ
ນ້ຳຕານຊາຍ 1 ຈອກ
ກະທິໝາກພ້າວ 1 ກະປອງ
ເນຍ ຫຼື ນ້ຳມັນພືດ 1 ບ່ວງ
ໝາກພ້າວຂູດປະມານ 1 ຖ້ວຍໃຫຍ່
ນ້ຳອ້ອຍ 4 ກ້ອນ
ເກືອ 1 ບ່ວງກາເຟ
ໃບຕອງສຳຫຼັບໄວ້ຫໍ່
ວິທີປະສົມແປ້ງ
1 ເອົາກະທິໝາກພ້າວກັບນ້ຳຕານ ເນຍ ຫຼື ນ້ຳມັນພືດປະສົມໃຫ້ເຂົ້າກັນ ແລ້ວໄປອຸ່ນເພື່ອໃຫ້ນ້ຳຕານລະລາຍແລ້ວນຳມາປົນກັບແປ້ງ.
2 ນວດໃຫ້ລະອຽດ 2-3 ນາທີແລ້ວພັກແປ້ງໄວ້ 15 ນາທີ.
3 ຫຼັງຈາກນັ້ນນຳໝາກພ້າວຂູດໄປຂົ້ວໃຊ້ໄຟອ່ອນຂົ້ວໃຫ້ຫອມຈົນເປັນສີເຫຼືອງແຫ້ມພັກປ່ະໄວ້.
4 ເອົາໃສ້ທີ່ຂົ້ວແລ້ວມາຫໍ່ໃສ່ແປ້ງທີ່ນວດໄວ້ກ່ອນໜ້ານີ້ແລ້ວເອົາໄປນຶ້ງ ໃຊ້ໄຟປານກາງນຶ້ງປະມານ 45 ນາທີຖືວ່າສຸກພ້ອມເສີບ.