ເຮົາທຸກຄົນຮູ້ນຳກັນແລ້ວວ່າ ອາຫານຂອງຫວານໃຜໆກໍມັກເພາະມັນແຊບ ແລ້ວຮູ້ບໍວ່າ ຮ່າງກາຍເຮົາມັນບໍ່ແຊບນຳ ຜົນຮ້າຍຂອງຄົນທີ່ມັກກິນຫວານ ຫຼື ໃຊ້ປະລິມານນໍ້າຕານເກີນຂອບເຂດ ຄົນມັກກິນຫວານຄວນຮູ້ ແລະ ປ່ຽນແປງ ດັ່ງນີ້:
1. ກິນຫວານກໍ່ໃຫ້ເກີດນໍ້າໜັກເພີ່ມ ” ຕຸ້ຍ ” ພົບເຫັນຫຼາຍໃນປັດຈຸບັນ
2. ສ່ຽງເປັນພະຍາດຫົວໃຈສູງເຊັ່ນ: ພະຍາດຄວາມດັນເລືອດສູງ, ຫຼອດເລືອດຕີບ,ເປັນລົມອຳມະພາດ
3 ເປັນປັດໄຈທີ່ກໍ່ໃຫ້ເກີດສິວໄຂ່ປາ
4. ສ່ຽງທີ່ຈະເປັນພະຍາດເບົາຫວານ typ2: ອີງໃສ່ການຄົ້ນຄວ້າໃຫ້ເຫັນວ່າ ຄົນທີ່ກິນນໍ້າອັດລົມ, ນໍ້າຫວານໃນໄລຍະ 4 ປີ ມີໂອກາດເປັນເບົາຫວານສູງກວ່າຄົນທີ່ບໍ່ກິນ
5. ໂອກາດສ່ຽງເປັນມະເຮັງສູງ
6. ເປັນພະຍາດຊຶມເສົ້າ:ການຮັບຮູ້ຊ້າ, ຈິດໃຈແປປ່ວນ,ກັງວົນ
7. ຂະບວນການແກ່ຕົວຂອງຜິວໜັງໄວຂຶ້ນ ເບິ່ງແກ່ ກວ່າໄວອັນຄວນ
8. ຮ່າງກາຍໃຊ້ພະລັງງານເພີ່ມຂຶ້ນ ເພາະນໍ້າຕານຈະເຮັດໃຫ້ການໃຊ້ພະລັງງານເພີ່ມຂຶ້ນໄວແລ້ວກໍ່ໃຫ້ເກີດຫຼຸດລົງໄວ ນັ້ນຈະເຮັດໃຫ້ຮູ້ສຶກເມື່ອຍ
9. ພະຍາດໄຂມັນໃນຕັບ ຕາມການຄົ້ນຄວ້າຂອງ USA ຫຼາຍກວ່າ 5.900 ຄົນ ຄົນທີ່ກິນນໍ້າອັດລົມ, ນໍ້າຫວານ ມີໂອກາດເປັນສູງກວ່າ56% ທຽບໃສ່ຄົນບໍ່ກິນ
10. ມີຄວາມສ່ຽງເປັນພະຍາດໝາກໄຂ່ຫລັງ
11. ມີຄວາມສ່ຽງເປັນພະຍາດແຂ້ວແມງ ສັງເກດໄດ້ໃນເດັກນ້ອຍ
12. ມີຄວາມສ່ຽງເປັນພະຍາດເກົ້າ (Gout)
13. ມີຄວາມສ່ຽງເປັນພະຍາດ Alzheimer ( ຄວາມຈຳຫຼຸດລົງ ).
ຂໍ້ມູນຈາກ: ດຣ ອານຸສອນ
