ປະຕິບັດຕາມແຜນວຽກປົກກະຕິ 4 ປະເທດລາວ-ຈີນ-ມຽນມາ ແລະໄທ ແມ່ນຈະຈັດການລາດຕາເວັນຕາມລຳແມ່ນ້ຳຂອງ ເພື່ອຮັກສາຄວາມສະງົບຕາມແນວຊາຍແດນ ໂດຍສະເພາະປ້ອງກັນບັນຫາການຄ້າເຖື່ອນທີ່ເປັນພິດໄພຕໍ່ບ້ານເມືອງ.
ໂດຍການປະຕິບັດການຄັ້ງໃໝ່ໄດ້ເລີ່ມຂຶ້ນໃນຕອນເຊົ້າວັນທີ 22 ພະຈິກນີ້ ຖືເປັນຄັ້ງທີ 123 ໃນນັ້ນມີເຮືອປະຕິບັດກົດໝາຍຈີນ 2 ລຳທີ່ເຂົ້າຮ່ວມປະຕິບັດກົດໝາຍລາດຕະເວນຕາມລ່ອງແມ່ນ້ຳຂອງຮ່ວມກັນລະຫວ່າງຈີນ, ລາວ, ມຽນມາ ແລະໄທ.
ເຈົ້າໜ້າທີ່ໄດ້ເລີ່ມອອກຈາກທ່າເຮືອຈິງຫ່າເມືອງປົກຄອງຕົນເອງເຜົ່າໄຕລື້ສິບສອງພັ່ນນາແຂວງຢຸນນານຈີນ ເຊິ່ງໝາຍຄວາມວ່າການລາດຕະເວນເທື່ອນີ້ໄດ້ເລີ່ມຂຶ້ນຢ່າງເປັນທາງການແລ້ວ.
ໃນການລາດຕະເວນເທື່ອນີ້, ອົງການປະຕິບັດກົດໝາຍຈີນ, ລາວ, ມຽນມາ ແລະໄທໄດ້ສົ່ງເຮືອເຂົ້າຮ່ວມທັງໝົດ 4 ລຳ, ຄາດວ່າຈະໃຊ້ເວລາ 4 ມື້ 3 ຄືນ.