ກຸ່ມບໍລິສັດໂຄລາວ ໄດ້ຈັດພິທີເປີດໂຕລົດບັນທຸກລຸ້ນໃໝ່ຫຼ້າສຸດ Daehun TERACO 300 ຂຶ້ນໃນວັນທີ 25 ກຸມພາ 2022 ທີ່ຕະຫຼາດລາວ ບ້ານສະພັງເມິກ, ເມືອງໄຊທານີ, ນະຄອນຫຼວງວຽງຈັນ ເຂົ້າຮ່ວມຂອງ ທ່ານ ໜູໄຊ ແຫວນສະຫວັນ CEO ບໍລິສັດ ໂອໂຕເວີນດ໌(ໂຄລາວ ດິວິລົບພິງ) ຈໍາກັດ ພ້ອມຜູ້ບໍລິຫານຂອງກຸ່ມບໍລິສັດໂຄລາວ.
ທ່ານ ໜູໄຊ ແຫວນສະຫວັນ ໄດ້ກ່າວວ່າ: Daehun TERACO 300 ເຊິ່ງແມ່ນລົດບັນທຸກ ຂະໜາດ 3 ໂຕນ ທີ່ບັນທຸກໄດ້ຫຼາຍກວ່າ ພ້ອມກັນນັ້ນ ມີຄວາມແຂງແຮງ ທົນທານ ແລະ ໝັ້ນໃຈໃນການບັນທຸກໄປຍັງທຸກໆແຫ່ງທົ່ວປະເທດ.
ບໍລິສັດ ໂຄລາວ ມີຄວາມໝັ້ນໃຈຕໍ່ລົດບັນທຸກ ແລະ ເຊື່ອໝັ້ນວ່າຄວາມເປັນຜູ້ນໍາຕະຫຼາດໃນປະເພດລົດບັນທຸກຂອງພວກເຮົາ ຈະສາມາດສ້າງປະກົດການໃໝ່ໆ ແລະ ສ້າງການຮັບຮູ້ລົດລຸ້ນໃໝ່ໆຂອງພວກເຮົາໄດ້ຢ່າງກວ້າງຂວາງ.
ທ່ານຍັງກ່າວຕື່ມວ່າ: Daehun TERACO 300 ມີຮູບໂສມໃໝ່ທີ່ມີເອກະລັກ ແລະ ມີສະມັດຕະພາບສູງ ໃຫ້ຄວາມສະດວກສະບາຍ ພ້ອມຮັບໃຊ້ປະຊາຊົນລາວ ທີ່ມີຄວາມຕ້ອງການບັນທຸກເຄື່ອງຂອງທຳມາຄ້າຂາຍໄດ້ຢ່າງສະບາຍ ດັ່ງນັ້ນ, ໝັ້ນໃຈວ່າ ດ້ວຍຄວາມໄວ້ວາງໃຈ ຕະຫຼອດ ໄລຍະທີ່ຜ່ານຂອງລົດບັນທຸກ ທຸກປະເພດຂອງບໍລິສັດໂຄລາວ ແລະ TERACO 300 ຈະເປັນລົດຄູ່ໃຈ ໃນທຸກການຂັບຂີ່ ແລະ ການບັນທຸກທີ່ເໝືອກວ່າສຳລັບທຸກໆທ່ານ ລົດບັນທຸກໃໝ່ຄັນຕໍ່ໄປ ຂອງທ່ານຕ້ອງ TERACO 300 ເທົ່ານັ້ນ.
TERACO 300 ຈາກທາງໂຄລາວແມ່ນ ທາງດ້ານນອກສັ່ງເກດເຫັນເຖິງຄວາມແຂງແຮງ ແລະ ຂະໜາດທີ່ໃຫຍ່ຂຶ້ນເມື່ອທຽບກັບລົດບັນທຸກທີ່ມີຂະໜາດໃກ້ຄຽງກັນ ເຊິ່ງອີກ ໜຶ່ງຈຸດເດັ່ນຂອງລົດລຸ້ນນີ້ແມ່ນ ມີກະບະທີ່ມີຂະໜາດໃຫຍ່ ແລະ ຍາວຂຶ້ນ ອີກສ່ວນໜຶ່ງແມ່ນລະບົບຊ່ວງລ່າງທີ່ແຂງແກ່ນ ມີຄວາມແຂງແຮງທົນທານເປັນພິເສດ ໃນການຮັບນໍ້າໜັກ ຢ່າງມີປະສິດທິພາບ ເຊິ່ງເໝາະກັບການໃຊ້ງານທີ່ຫຼາກຫຼາຍ ຫຼື ສາມາດບັນທຸກໄດ້ຫຼາຍກວ່າ 2,5 ໂຕນ.
ນອກນັ້ນການອອກແບບໂດຍລວມແມ່ນສວຍງາມ ມີຮູບຊົງທັນສະໄໝ ຕາໄຟດ້ານໜ້າທີ່ ໂດດເດັ່ນ. ສ່ວນຂອບລໍ້ລົດແມ່ນຈະເປັນຂອບຂະໜາດ 6.5R16, ເຄື່ອງຈັກແມ່ນຈັກກາຊວນ ລຸ້ນ D4BH (TCI) ດ້ວຍຄວາມແຮງ 2,476cc ແຮງບິດ 22.4/1700 ຄວາມແຮງສູງສຸດ 100/300 ເຊິ່ງມີປະສິດທິພາບໃນການປະຢັດນໍ້າມັນ ແຕ່ຍັງໃຫ້ຄວາມແຮງໄດ້ຢ່າງມີປະສິດທິພາບ.
ທາງດ້ານໃນຫ້ອງຂັບແມ່ນຈະມີຄວາມກວ້າງເປັນພິເສດສວຍງາມລົງໂຕກັບທຸກຟັງຊັ່ນຂອງການໃຊ້ງານ. ໜ້າຈໍຂະໜາດ7ນິ້ວ ພ້ອມກ້ອງຖອຍ ເພື່ອຮັບປະກັນຄວາມປອດໄພຂອງຜູ້ຂັບຂີ່ ສໍາລັບເບາະຈະເປັນຜ້າສວຍງາມ ພ້ອມກັບປັບລະດັບໄດ້ອີກດວ້ຍ. ອອບຊັນຈັດເຕັມດ້ວຍລາຄາພຽງແຕ່ 20.900ໂດລາສະຫະລັດ ສຳລັບລູກຄ້າທີ່ ສົນໃຈສາມາເຂົ້າມາສອບຖາມໄດ້ທີ່ຫ້ອງຂາຍໂຄລາວ ແລະ ໂຄລາວແຄ໌ທົ່ວປະເທດ ຫຼື ຈະເຂົ້າໄປທີ່ເຟດສ໌ບຸກ ໂຄລາວແຄ໌ ຫຼື ຕິດຕໍ່ໄປທີ່ ຄໍເຊັນເຕີ1888.
ຂ່າວ:ຈັນນະພາ
