ນະຄອນຫຼວງພະບາງ ແຈ້ງຫ້າມບໍ່ໃຫ້ໄປອອກກໍາລັງກາຍຢູ່ເດີ່ນທາດຫຼວງເດັດຂາດ

461

ເນື່ອງຈາກການລະບາດຂອງພະຍາດໂຄວິດ19 ທີ່ແຜ່ລາມໄປຫຼາຍແຂວງແລ້ວໃນລາວ ໜຶ່ງໃນນັ້ນ ແຂວງຫຼວງພະບາງເມືອງ ມໍລະດົກໂລກ ກໍພົບຜູ້ຕິດເຊື້ອໂຄວິດ19 ເຊັ່ນກັນ ເຊິ່ງທາງຄະນະຮັບຜິດຊອບກໍບໍ່ໄດ້ຢູ່ເສີຍ ອອກແຈ້ງການມາດຕະການເພື່ອສະກັດກັ້ນ ແລະ ປ້ອງກັນການແຜ່ລະບາດ


ຫຼ້າສຸດ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດ ພະຍາດໂຄວິດ19 ໄດ້ອອກແຈ້ງການ ຫ້າມບໍ່ໃຫ້ໄປອອກກໍາລັງກາຍ ແລະ ຫຼິ້ນກິດຈະກໍາຕ່າງໆຢູ່ທີ່ ເດີ່ນທາດຫຼວງ ນະຄອນ ຫຼວງພະບາງ.
ອີງຕາມ ທິດຊີ້ນໍາຂອງຄະນະສະເພາະກິດຂັ້ນແຂວງຫຼວງພະບາງ ຄັ້ງວັນທີ 15/3/2021 ແລະ ອີງຕາມ ທາມລາຍຂອງຜູ້ຕິດເຊື້ອພະຍາດໂຄວິດ-19 ຢູ່ໃນຊຸມຊົນ ໄດ້ມີການເຄື່ອນໄຫວຢູ່ເດີ່ນທາດຫຼວງ.


ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະບາດ ໂຄວິດ-19 ຂັ້ນນະຄອນ ຫຼວງພະ ບາງ ຂໍແຈ້ງມາຍັງທ່ານຊາບດັ່ງນີ້: ຫ້າມປະຊາຊົນບັນດາເຜົ່າ, ໄວຫນຸ່ມ, ນັກຮຽນ-ນັກສຶກສາ ເຂົ້າໄປອອກກໍາລັງກາຍກາງ ແຈ້ງຢູ່ທີ່ເດີ່ນທາດຫຼວງ ເປັນເດັດຂາດ ເຊັ່ນ: ເຕະບານ, ເຕະກະຕໍ້, ຫຼິ້ນບານສົ່ງ, ຂີ່ສະເກັດບອດສ໌ ແລະ ກິລາອື່ນໆ.


ເນື່ອງ ຈາກວ່າທາມລາຍຂອງຜູ້ຕິດເຊື້ອພະຍາດໂຄວິດ-19 ໄດ້ມີການເຄື່ອນໄຫວອອກກໍາລັງກາຍຢູ່ສະຖານທີ່ດັ່ງກ່າວ.
ດັ່ງນັ້ນ, ເພື່ອເຮັດໃຫ້ພໍ່ແມ່ປະຊາຊົນ ມີຄວາມປອດໄພ ແລະ ບໍ່ໃຫ້ມີຜົນກະທົບຕໍ່ຊີວິດ, ສຸຂະພາບ ຂອງພວກທ່ານ ຈິ່ງຂໍແຈ້ງມາຍັງທຸກພາກສ່ວນຈົ່ງໃຫ້ການຮ່ວມມື ແລະ ພ້ອມກັນຈັດຕັ້ງປະຕິບັດຕາມແຈ້ງການຂອງຄະນະສະເພາະກິດຢ່າງ ເຂັ້ມງວດ.


ຫມາຍເຫດ: ຖ້າຫາກບຸກຄົນໃດຫາກຍັງຝ່າຝືນເຊິ່ງເປັນເຫດທີ່ພາໃຫ້ເກີດການແຜ່ເຊື້ອເປັນວົງກ້ວາງແມ່ນຈະຖືກ ປັບໃຫມ ແລະ ດໍາເນີນຄະດີຕາມລະບຽບກົດຫມາຍ.