ອີງຕາມຂ່າວVOVຂອງຫວຽດນາມໃຫ້ຮູ້ວ່າ: ນັບແຕ່ເວລາ 18 ໂມງ ຂອງວັນທີ 15 ສິງຫາ ຫາເວລາ 18 ໂມງຂອງວັນທີ 16 ສິງຫາ, ຫວຽດນາມ ຢັ້ງຢືນມີຜູ້ຕິດເຊື້ອພະຍາດໂຄວິດ – 19 ລາຍໃໝ່ຕື່ມອີກ 8.652 ກໍລະນີ, ໃນນັ້ນ ມີ 8 ກໍລະນີແມ່ນຊາວເຂົ້າເມືອງ ຫວຽດນາມ ແລະ 8.644 ກໍລະນີຢູ່ພາຍໃນປະເທດ.
ໃນວັນດຽວກັນ ມີ 4.473 ກໍລະນີຕິດເຊື້ອໄດ້ຮັບການປິ່ນປົວຫາຍດີ, ອັນໄດ້ຍົກຈຳນວນຜູ້ໄດ້ຮັບການປິ່ນປົວຫາຍດີຢູ່ຫວຽດນາມ ຂຶ້ນເປັນ 106.977 ຄົນ ໃນຈຳນວນຜູ້້ຕິດເຊື້ອລວມທັງໝົດ 283.696 ຄົນ.
ພ້ອມດຽວກັນນັ້ນ, ອະນຸຄະນະກຳມະການປິ່ນປົວພະຍາດຂອງຄະນະຊີ້ນຳແຫ່ງຊາດກ່ຽວກັບວຽກງານປ້ອງກັນ, ຕ້ານພະຍາດລະບາດໂຄວິດ – 19 ໄດ້ປະກາດວ່າມີຜູ້ເສຍຊີວິດຕື່ມອີກ 368 ກໍລະນີ, ໃນນັ້ນຫຼາຍສຸດແມ່ນຢູ່ນະຄອນ ໂຮ່ຈີມິນ 315 ກໍລະນີ.
ໄລ່ຮອດວັນທີ 16 ສິງຫາ, ຈຳນວນຜູ້ເສຍຊີວິດສະສົມ ຍ້ອນໂລກລະບາດໂຄວິດ – 19 ຢູ່ຫວຽດນາມ ແມ່ນ 6.141 ຄົນ, ເຊິ່ງກວມເອົາ 2,2% ເມື່ອທຽບໃສ່ຈໍານວນຜູ້ຕິດເຊື້ອ.
