ສະຖານະການການແຜ່ລະບາດຂອງພະຍາດໂຄວິດ-19 ຢູ່ປະເທດໄທ ນັບແຕ່ທ້າຍເດືອນເມສາ2021 ມາເຖິງປັດຈຸບັນ ຍັງບໍ່ສາມາດສະກັດວົງຈອນການແຜ່ລະບາດໄດ້ ເຮັດໃຫ້ສະຖານະການລຸກລາມ ຈາກຍອດຕິດເຊື້ອໃນເບື້ອງຕົ້ນວັນລະ1 ພັນຄົນ ກ້າວເຂົ້າສູ່ວັນລະ9 ພັນຄົນ ເປັນມື້ທີ 2ຕິດຕໍ່.
ຈາກສະພາບດັ່ງກ່າວໃນວັນທິ9 ກໍລະກົດ 2021 ລັດຖະບານໄທ ໄດ້ປະຊຸມ ແລະ ລົງມະຕິລ໊ອກດາວ10ຈັງຫວັດ ແລະ ປະລິມົນທົນຂອງນະຄອນຫຼວງບາງກອກ ເປັນເວລາ14 ວັນ ເລີ່ມຈັດຕັ້ງປະຕິບັດ ແຕ່ວັນທີ12 ກໍລະກົດ ເປັນຕົ້ນໄປ ເພື່ອຢຸດການແຜ່ກະບາດຂອງໂຄວິດ-19ລົງ.
ສ່ວນສະຖານະການ ມາຮອດວັນທີ10 ກໍລະກົດ ມີກໍລະນີຕິດເຊື້ອໃໝ່ ຫຼາຍເຖິງ9.326 ຄົນ ເຊິ່ງເປັນສະຖິຕິການຕິດເຊື້ອລາຍວັນສູງສຸດຮອບໃຫມ່ ເຮັດໃຫ້ຍອດຕິດເຊື້ອສະສົມຂອງປະເທດໄທສູງເຖິງ326.823 ຄົນ; ສ່ວນຍອດເສຍຊີວິດໃນມື້ດຽວກັນຫຼາຍເຖິງ91 ຄົນ ເປັນຕົວເລກສູງສຸດຮອບໃໝ່ ເຮັດໃຫ້ຜູ້ເສຍຊີວິດສະສົມ ເພີ່ມເປັນ2.625ຄົນ.
ປັດຈຸບັນ, ໂຮງໝໍຂາດແຄນຕຽງນອນຢ່າງໜັກໜ່ວງ, ຜູ້ຖືກບົ່ງມະຕິຕິດເຊື້ອພະຍາດຈຳນວນຫຼວງຫຼາຍບໍ່ສາມາດໄດ້ຮັບການປິ່ນປົວຢ່າງທັນເວລາ, ສະພາບການຢູ່ນະຄອນຫຼວງບາງກອກໜັກໜ່ວງກວ່າໝູ່.
