ເຮືອດຳນ້ຳອິນໂດເນເຊຍ ສູນຫາຍ ພ້ອມທະຫານເຮືອ 53 ຄົນ

117

ສຳນັກຂ່າວເອພີລາຍງານເມື່ອວັນທີ 21 ເມສາຜ່ານມາວ່າ ທ່ານ ພົນເອກ ຮາດີ ຕາຍາຢັນໂຕ ຜູ້ບັນຊາການທະຫານສູງສຸດຂອງອິນໂດເນເຊຍເປີດເຜີຍວ່າ: ເຮືອດຳນ້ຳ KRI Nanggala 402 ທີ່ເຂົ້າຮ່ວມການຝຶກຊ້ອມຍຸດທະວິທີ ໄດ້ຂາດການຕິດຕໍ່ກັບສູນບັນຊາການ, ເບື້ອງຕົ້ນຄາດວ່າ ເຮືອຈະເສຍການຄວບຄຸມ ແລະ ດຳລົງໃນທະເລເລິກທີ່ບໍລິເວນເກາະບາຫຼີ.


ທ່ານ ກ່າວອີກວ່າ: ຫຼັງຂາດການຕິດຕໍ່ ກອງທັບເຮືອອິນໂດເນເຊຍໄດ້ໃຊ້ເຮືອຫຼາຍລຳ ພ້ອມທະຫານອອກຄົ້ນຫາໃນນ່ານນ້ຳບໍລິເວນເກາະບາຫຼີ, ພ້ອມທັງຂໍຄວາມຊ່ວຍເຫຼືອຈາກສິງກະໂປ ແລະ ອົດສະຕຣາລີທີ່ມີເຮືອກູ້ໄພເຮືອດຳນ້ຳ.

ສື່ມວນຊົນອິນໂດເນເຊຍລາຍງານວ່າ ກອງທັບເຮືອອິນໂດເນເຊຍ ເຊື່ອວ່າ ເຮືອນັງກາລາ 402 ຈົມລົງສູ່ຮ່ອງນ້ຳໃຕ້ທະເລໃນລະດັບຄວາມເລິກ 700 ແມັດ ຈາກລະດັບຜິວນ້ຳ ເບື້ອງຕົ້ນຍັງບໍ່ມີຂໍ້ມູນທີ່ເຮືອສູນຫາຍ.


ເຮືອດຳນ້ຳ ນັງກາລາ ຜະລິດທີ່ເຢຍລະມັນ ແລະ ນຳເຂົ້າມາປະຈຳການໃນກອງທັບເຮືອ ຂອງອິນໂດເນເຊຍໃນຊຸມປີ 1980 ເປັນຕົ້ນມາ, ເຮືອລຳດັ່ງກ່າວກຳລັງເຂົ້າຝຶກຊ້ອມຍິງຂີປານາວຸດໃນວັນທີ 22 ເມສາຜ່ານມາ ແຕ່ຂາດການຕິດຕໍ່ໄປສາກ່ອນ.

Slider

ປັດຈຸບັນ ກອງທັບເຮືອອິນໂດເນເຊຍມີເຮືອດຳນ້ຳທັງໝົດ 5 ລຳ ແລະ ກຳລັງຈະຊື້ມາເພີ່ມອີກ 3 ລຳໃນປີ 2024 ລວມເປັນ 8 ລຳ ເພື່ອເຮັດໃຫ້ກອງທັບເຮືອອິນໂດເນເຊຍເຂັ້ມແຂງຂຶ້ນກວ່າເກົ່າ.