ຫຼາຍຄົນຖ້າຄິດຫາລາຍການອາຫານທີ່ປຸງແຕ່ງຈາກເຕົ້າຮູ້ ສ່ວນໃຫຍ່ແມ່ນຈະເປັນປະເພດແກງ ຫຼື ຂົ້ວ ແຕ່ມື້ນີ້ຈະນໍາມາຍໍາເພື່ອໃຫ້ໄດ້ລົດຊາດທີ່ແຕກຕ່າງຈາກອາຫານລົດຊາດເກົ່າໆ ແຕ່ປະໂຫຍດທີ່ໄດ້ຮັບກໍຍັງຄົບຖ້ວນຄືເກົ່າ.
ສ່ວນປະສົມ:
1 ເຕົ້າຮູ້ ( ຊອຍເປັນຕ່ອນຕາມໃຈມັກ ) 200 ກຣາມ.
2 ຂີງອ່ອນ ( ຊອຍເສັ້ນນ້ອຍບາງໆ ) 1 ບ່ວງແກງ.
3 ຫົວຜັກບົ່ວແດງ ( ຊອຍບາງໆ ) 2 ບ່ວງແກງ.
4 ໃບຂີ້ຫູດ ( ຊອຍເສັ້ນນ້ອຍບາງໆ ) 1 ບ່ວງແກງ.
5 ຫົວສີໄຄ ( ຊອຍບາງໆ ) 1/4 ຖ້ວຍນ້ອຍ.
6 ຫົວກະຣົດ ( ຂູດເປັນເສັ້ນ ) 1/2 ຖ້ວຍນ້ອຍ.
7 ຜັກຫອມເປຊອຍ 2 ຕົ້ນ.
8 ຜັກຫອມປ້ອມເດັດໃບ 1/4 ຖ້ວຍນ້ອຍ.
9 ໝາກເຜັດຊອຍ 1 ບ່ວງແກງ.
10 ແກ່ນໝາກມ່ວງຫິມະພານຈືນກອບ 2 ບ່ວງແກງ.
ສ່ວນປະສົມນ້ຳຍຳ:
1 ນ້ຳຕານ 2 ບ່ວງແກງ.
2 ນ້ຳໝາກຂາມປຽກຕົ້ມສຸກ 3 ບ່ວງແກງ.
3 ນ້ຳປາ 2 ບ່ວງແກງ.
4 ນ້ຳໝາກນາວ 2 ບ່ວງແກງ.
ວິທີປຸງແຕ່ງ:
ປະສົມນ້ຳຍຳກ່ອນໂດຍເອົານ້ຳຕານ, ນ້ຳປາ ແລະ ນ້ຳໝາກຂາມປະສົມໃຫ້ເຂົ້າກັນດີ ຈຶ່ງໃສ່ນ້ຳໝາກນາວຊີມລົດຕາມໃຈມັກ. ຈາກນັ້ນ, ກໍເອົາສ່ວນປະສົມທີ່ກຽມໄວ້ໃສ່ຊາມ ( ຍົກເວັ້ນຜັກຫອມປ້ອມ ) ເອົານ້ຳຍຳທີ່ປຸງສຳເລັດລົງຄ່ອຍໆຄົນໃຫ້ເຂົ້າກັນຊີມລົດຊາດຕາມໃຈມັກ ແລະ ໂຮຍໜ້າດ້ວຍຜັກຫອມປ້ອມຕັກໃສ່ຈານພ້ອມເສີບ.
ຂໍ້ແນະນຳ: ສຳລັບເຕົ້າຮູ້ຈະໃຊ້ເປັນຊະນິດໃດກໍໄດ້ແລ້ວແຕ່ມັກ ແລະ ຖ້າບໍ່ມັກແບບຈືນກໍນຳເຕົ້າຮູ້ມາລວກ ຫຼື ຕົ້ມແທນກໍໄດ້.
( ຂໍ້ມູນຈາກ: nlove-cooking.com )
[ ຮຽບຮຽງ: ນຸ້ມນິ້ມ ]
