ທາງການຈີນອອກມາຢືນຢັນການລະບາດຂອງພະຍາດປອດອັດເສບເລິກລັບໃນເມືອງ ອູຮັນ ມີຜູ້ຕິດພະຍາດເກືອບ60ຄົນຕັ້ງແຕ່ທ້າຍປີກ່ອນນັ້ນບໍ່ແມ່ນພະຍາດ ຊາຣ໌ສ.
ສະຖານະການການລະບາດຂອງພະຍາດປອດອັກເສບເລິກລັບໃນພື້ນທີ່ເຊິ່ງເຮັດໃຫ້ມີຄົນເຈັບປ່ວຍສະສົມຢ່າງໜ້ອຍ59ຄົນຕັ້ງແຕ່ເດືອນ ທັນວາປີກ່ອນແລ້ວນັ້ນບໍ່ແມ່ນທັງໄຂ້ຫວັດໃຫຍ່,ໄຂ້ຫວັດສັດປີກ,ພະຍາດອະດີໂນ ແລະ ພະຍາດອື່ນໆ.
ຜູ້ຕິດພະຍາດທັງໝົດໄດ້ຮັບການປິ່ນປົວຢ່າງຖືກຕ້ອງຕາມຫຼັກສາທາລະນະສຸກເຊິ່ງຫຼາຍຄົນເຊົາຈາກພະຍາດ ແລະ ກັບມາໃຊ້ຊີວິດໄດ້ຕາມປົກກະຕິແລ້ວໂດຍຍັງບໍ່ໃຜເສຍຊີວິດ.ຄົນເຈັບປ່ວນສ່ວນໃຫຍ່ມີອາການໄຂ້,ສ່ວນອາການຕິດພະຍາດໃນລະບົບທາງເດີນຫາຍໃຈເກີດຂຶ້ນກັບຄົນເຈັບພຽງບໍ່ເທົ່າໃດຄົນ ແລະ ຈົນເຖິງຂະນະນີ້ເຈົ້າໜ້າທີ່ຍັງບໍ່ພົບສາເຫດຂອງການລະບາດຈາກຄົນສູ່ຄົນ.
ຢ່າງໃດກໍຕາມຜົນການກວດກາ ແລະ ທີ່ມາຂອງພະຍາດໃນເບື້ອງຕົ້ນພົບວ່າອາດຈະມາຈາກຕະຫຼາດຈໍາໜ່າຍອາຫານທະເລແຫ່ງໜຶ່ງໃນເມືອງ ອູຮັນ,ແຕ່ໄດ້ມີການປິດກັ້ນພື້ນທີ່ເພື່ອເຮັດຄວາມສະອາດ ແລະ ຂ້າພະຍາດແລ້ວ.