ອີກໜຶ່ງສາວງາມໃນເວທີປະກວດ ນາງສາວລາວ 2019 ບຸມບິມ ລັດຕະນະພອນ ຈັນທິບ ໝາຍເລກ 18, ປັດຈຸບັນ ອາຍຸ 19 ປີ ຢູ່ບ້ານ ວັງຂາມ ເມືອງ ໄຊຍະບູລີ ແຂວງ ໄຊຍະບູລີ, ກໍາລັງສຶກສາຢູ່ ສະຖາບັນຍຸຕິທຳພາກເໜືອ ແຂວງຫລວງພະບາງ
ບຸມບິມ ບອກເຫດຜົນທີ່ເຂົ້າມາປະກວດວ່າ: ຍ້ອນຢາກຫາປະສົບການໃໝ່ໆ ໃຫ້ກັບຕົນເອງ ແລະ ຢາກສືບທອດຮີດຄອງປະເພນີຂອງລາວສູ່ສັງຄົມພາຍໃນ ແລະ ຕ່າງປະເທດ ເພື່ອເຮັດໃຫ້ຕົນເອງມີຊື່ສຽງ, ເປັນທີ່ຍອມຮັບໃນສັງຄົມ
ແລະ ເພື່ອຢາກເປັນສ່ວນໜຶ່ງໃນການປົກປັກຮັກສາຮີດຄອງປະເພນີຂອງລາວ ເພື່ອເຮັດໃຫ້ພໍ່ແມ່ ແລະ ຄອບຄົວພູມໃຈໃນຜົນສຳເລັດ ຂອງຕົນເອງ; “ຜ່ານມາເຄີຍປະກວດນາງເຮືອ ຢູ່ແຂວງໄຊຍະບູລີ “ເຄີຍຖ່າຍແບບຢູ່ ຮ້ານທິດາໂຟໂຕ ໄຊຍະບູລີ 1 ຄັ້ງ
ໃນເວທີນີ້ ບຸມບິມ ຄາດຫວັງຢາກເປັນ 1 ໃນ 5 ຄົນສຸດທ້າຍ ນ້ອງຈະໂຊຄວາມສາມາດ ຜ່ານບຸກຄະລິກຂະພາບ, ຕອບຄໍາຖາມ, ນໍາຄວາມຮູ້, ຄວາມສາມາດ ພິບໄຫວຕ່າງໆສະແດງອອກໃຫ້ເໜາະສົມກັບເວທີນີ້ ໂດຍສະເພາະການຟ້ອນລຳວົງລາວ ທີ່ເປັນເອກະລັກ ຮີດຄອງປະເພນີລາວ.
ເຄັດລັບການຮັກສາສຸຂະພາບກໍແມ່ນການກິນອາຫານໃຫ້ຄົບ 5 ໜູ່, ອອກກໍາລັງກາຍໃຫ້ສະໜ່ຳສະເໜີ, ບໍ່ນອນເດິກ, ສໍາລັບຜູ້ຊາຍໃນສະເປັກ ບຸມບິມ ມັນຄົນຂາວ, ສູງ, ນິໄສເປັນຜູ້ນໍາ, ສຸພາບ ເປັນຄົນຈິງໃຈ.
ມີອ້າຍເອື້ອຍນ້ອງນຳກັນ4ຄົນ ນ້ອງເປັນຄົນທີ 3, ໃນອານາຄົດຢາກເປັນນາງແບບ, ນັກສະແດງ
