cri, ພິທີສວນສະໜາມວັນຊາດປະຈຳປີຂອງຝຣັ່ງໄດ້ຈັດຂຶ້ນຢູ່ນະຄອນຫຼວງປາຣີ ປະເທດຝຣັ່ງ ໃນວັນທີ 14 ກໍລະກົດນີ້, ທ່ານ ເອມມານູເອລ ມາຄຼົງ ປະທານາທິບໍດີຝຣັ່ງໄດ້ກວດກາກອງທະຫານຢູ່ຖະໜົນອາເວນຸຍເດຈຳລີເຊ ແລະໄດ້ເຊື້ອເຊີນຜູ້ນຳຂອງ 10 ກວ່າປະເທດເອີຣົບເຂົ້າຮ່ວມ.
ໃນພິທີສວນສະໜາມ, ຝຣັ່ງໄດ້ສະແດງອາວຸດຍຸດໂທປະກອນວິທະຍາສາດເຕັກນິກທັນສະໄໝຈຳນວນຫຼວງຫຼາຍ, ໃນນັ້ນການສະແດງຄົນທີ່ສາມາດບິນຂຶ້ນທີ່ຄ້າຍຄືກັບ Iron Man ໄດ້ເຮັດໃຫ້ຜູ້ຊົມປະທັບໃຈທີ່ສຸດ. ນັກສະແດງໄດ້ບິນຜ່ານເວທີຊົມພິທີສວນສະໜາມຫຼາຍສິບແມັດ, ອຸປະກອນເຄື່ອງບິນແບບນີ້ອາດຈະໃຊ້ໃນກອງທັບພິເສດຂອງຝຣັ່ງໃນອະນາຄົດ. ອາວຸດໃໝ່ອື່ນໆທີ່ຝຣັ່ງສະແດງນັ້ນ, ຍັງມີຫຸ່ນຍົນສີ່ລໍ້ທີ່ບໍ່ຕ້ອງການລະບົບນຳທາງ GPS ແລະເຮືອບິນທີ່ບໍ່ມີຄົນຂັບທີ່ປະກອບດ້ວຍກ້ອງຖ່າຍຮູບແຈ້ງດີ.
ທ່ານມາຄຣົງໄດ້ກ່າວຄຳປາໄສເພື່ອສະຫຼອງວັນຊາດ “14 ກໍລະກົດ” ຢູ່ກະຊວງປ້ອງກັນປະເທດຝຣັ່ງ ໃນວັນດັ່ງກ່າວໂດຍເດືອນກັນຍາປີນີ້, ຈະສ້າງຕັ້ງກອງບັນຊາການທະຫານທາງອະວະກາດໃນກອງທັບອາກາດຝຣັ່ງ, ກອງທັບອາກາດຈະຫັນປ່ຽນເປັນ “ກອງທັບທາງອາກາດ ແລະ ທາງອະວະກາດ” ໃນທີ່ສຸດ.
ທ່ານມາຄຣົງຍັງຕື່ມວ່າ: ຕົນໄດ້ສະເໜີໃນປີ 2018 ວ່າ ຝຣັ່ງຈະມີຍຸດທະສາດປ້ອງກັນທາງອະວະກາດ, ປັດຈຸບັນ ຝຣັ່ງໄດ້ກຽມພ້ອມແລ້ວໂດຍຈະເພີ່ມທະວີຄວາມຮັບຮູ້ຕໍ່ສະຖານະການຄວາມໝັ້ງຄົງທາງອະວະກາດ ເພື່ອປ້ອງກັນດາວທຽມຂອງປະເທດຕົນ ຂະນະດຽວກັນ ຝຣັ່ງຈະເພີ່ມການລົງທຶນໃນຂົງເຂດອະວະກາດ
