ຕາມຈ່າວຕ່າງປະເທດໃຫ້ຮູ້ວ່າ: ຕອນຄ່ຳວັນທີ 12 ກໍລະກົດນີ້ ຢູ່ກິສມາໂຢ ເມືອງທ່າກຳປັ່ນທາງພາກໃຕ້ໂຊມາລີໄດ້ເກີດເຫດການໂຈມຕີກໍ່ການຮ້າຍ ມາຮອດປັດຈຸບັນ ໄດ້ເຮັດໃຫ້ 26 ຄົນເສຍຊີວິດ 56 ຄົນບາດເຈັບ.
ມື້ດຽວກັນ, ທ່ານແຊກ ອາເດນ ມາໂດເບ ຜູ້ນຳອຳນາດການປົກຄອງທ້ອງຖິ່ນຈູບາລານຂອງໂຊມາລີໄດ້ເວົ້າຕໍ່ສື່ມວນຊົນວ່າ, ຜູ້ປະກອບອາວຸດຂອງ “ພັກອານ-ຊາບາອັບ”ເຊິ່ງເປັນກຸ່ມຫົວຮຸນແຮງໂຊມາລີໄດ້ກໍ່ການໂຈມຕີດ້ວຍລົດລະເບີດຢູ່ທາງເຂົ້າໂຮງແຮມມາດີມາທີ່ໃຈກາງເມືອງກິສມາໂຢໃນຕອນຄ່ຳວັນທີ 12 ກໍລະກົດນີ້ ແລະ ຜ່າເຂົ້າໄປໃນໂຮງແຮມ ທັງຍິງກັນກັບກອງປ້ອງກັນຄວາມສະຫງົບຂອງໂຊມາລີ.
ດ້ານທ່ານ ທ່ານ Antonio Guterres ເລຂາທິການໃຫຍ່ ສປຊ ໄດ້ກ່າວປະນາມເຫດບຸກໂຈມຕີກໍ່ການຮ້າຍທີ່ເກີດຂຶ້ນໃນວັນທີ 12 ກໍລະກົດ ຢູ່ ພາກໃຕ້ ໂຊມາລີ. ໃນແຈ້ງການຢ່າງເປັນທາງການຂອງ ສປຊ, ທ່ານ Antonio Guterres ໄດ້ສະແດງຄວາມເສົ້າສະຫລົດໃຈມາຍັງບັນດາຄອບຄົວທີ່ມີຜູ້ເສຍຊີວິດໃນເຫດບຸກໂຈມຕີກໍ່ການຮ້າຍ ເກີດຂຶ້ນຢູ່ ນະຄອນທ່າກຳປັ່ນ Kismayo ເມື່ອຜູ້ວາງລະເບີດສະຫລະຊີບຂັບລົດໂອໂຕຄັນຫນຶ່ງບັນທຸກດິນລະເບີດເຂົ້າໂຮງແຮມ Asasey ແລະ ຫລັງຈາກນັ້ນ ບັນດາມືປືນກໍ່ແລ່ນເຂົ້າໄປຕາມ.
ກຸ່ມກໍ່ການຮ້າຍ al – Shabab ໄດ້ຮັບຖືວ່າ ໄດ້ອອກຕົວຍອມຮັບເປັນຜູ້ກໍ່ໃຫ້ເກີດເຫດບຸກໂຈມຕີດັ່ງກ່າວ ຊື່ງເຮັດໃຫ້ ມີຜູ້ເສຍຊີວິດຢ່າງຫນ້ອຍສຸດ 26 ຄົນ. ນີ້ແມ່ນເຫດບຸກໂຈມຕີນອງເລືອດທີ່ສຸດຢູ່ ເຂດ Kismayo ນັບແຕ່ເມື່ອ al- Shabab ຖືກກວາດລ້າງອອກຈາກນະຄອນ ນັບແຕ່ປີ 2012.
