ວັນທີ 29 ກໍລະກົດ 2020 ທີ່ເຊິນເຈິນ ປະເທດຈີນ, ທ່ານ ນາງ Catherine Chen ຮອງປະທານອາວຸໂສ ແລະ ກໍາມະການ ບໍລິສັດ ຫົວເຫວີຍ ຂຶ້ນກ່າວໃນງານ Better World Summit 2020 ເຊິ່ງຈັດຂຶ້ນໃນຮູບແບບອອນລາຍ ໂດຍ ທ່ານນາງ Chen ກ່າວວ່າ: ໜ່ວຍງານຄວບຄຸມດູແລດ້ານໂທລະຄົມມະນາຄົມໃນຫຼາຍປະເທດ ແລະ ອຸດສາຫະກໍາຕ້ອງໄດ້ຮ່ວມມືກັນ ເພື່ອຈັດການກັບຄວາມທ້າທາຍທີ່ປະເທດ ແລະ ອຸຸດສາຫະກໍາຕ່າງໆປະເຊີນຮ່ວມກັນອັນເປັນຜົນມາຈາກພະຍາດລະບາດຂອງໂຄວິດ – 19 ພ້ອມສ້າງອະນາຄົດທີ່ທຸກຝ່າຍມີສ່ວນຮ່ວມຫຼາຍຂຶ້ນ.
ວິຊາການທ່ານອື່ນໆປະກອບດ້ວຍຕົວແທນຈາກການສື່ສານວິທະຍຸ ສະຫະພາບໂທລະຄົມມະນາຄົມລະຫວ່າງປະເທດ ( ITU-R ), ສະມາຄົມຈີເອສເອັມ ( GSMA ), ສະມາຄົມການແຂ່ງຂັນໂທລະຄົມມະນາຄົມແຫ່ງເອີຣົບ ( ECTA ), ກະຊວງການສື່ສານ ແລະ ເຕັກໂນໂລຊີດິຈິຕອລຂອງອາຟຣິກກາໃຕ້, ສໍານັກງານຄະນະກໍາມະການດິຈິຕອລເພື່ອເສດຖະກິດ ແລະ ສັງຄົມແຫ່ງປະເທດໄທ, ສະຖາບັນເຕັກໂນໂລຊີຂໍ້ມູນ – ຂ່າວສານ ແລະ ການສື່ສານຂອງຈີນ ( CAICT ), ສະມາຄົມອຸດສາຫະກໍາອິນເຕີເນັດເຢຍລະມັນ ( ECO ) ແລະ ADL.
ຄວາມຮ່ວມມືເພື່ອອະນາຄົດທີ່ດີກວ່າສໍາລັບທຸກຄົນ
ຕະຫຼອດ 30 ປີທີ່ຜ່ານມາ ເຕັກໂນໂລຊີຂໍ້ມູນຂ່າວສານໄດ້ພັດທະນາກ້າວໜ້າຢ່າງວ່ອງໄວ, ສົ່ງຜົນໃຫ້ຜູ້ຄົນໃຊ້ຊີວິດ ແລະ ເຮັດວຽກງ່າຍຂຶ້ນຫຼາຍ. ແຕ່ຢ່າງໃດກໍຕາມ, ການລະບາດຂອງພະຍາດໂຄວິດ – 19 ໄດ້ເຜີຍໃຫ້ເຫັນວ່າໂຄງສ້າງພື້ນຖານຂອງລະບົບດິຈິຕອລຍັງກ້າວບໍ່ທັນການພັດທະນາທາງເຕັກໂນໂລຊີ, ຈາກການສຶກສາຂອງ ITU, ພົບວ່າປະຊາກອນກວ່າເຄິ່ງໜຶ່ງຂອງໂລກຍັງບໍ່ສາມາດເຂົ້າເຖິງອິນເຕີເນັດ ຫຼື ເຕັກໂນໂລຊີດິຈິຕອລຕ່າງໆ ໂດຍຂະນະທີ່ເສດຖະກິດປະເທດຕ່າງໆຂະຫຍາຍຕົວຊ້າລົງ, ລັດຖະບານຕ່າງກໍເພີ່ມຄວາມກັງວົນຫຼາຍຂຶ້ນເລື້ອຍໆ ກ່ຽວກັບຍຸດທະສາດການຟື້ນຟູເສດຖະກິດ. “ ເຮົາຄາດຫວັງວ່າຈະໄດ້ເຫັນອະນາຄົດທີ່ເຊື່ອມຕໍ່ເຖິງກັນ, ສະຫຼາດ ແລະ ມີນະວັດຕະກໍາທີ່ທັນສະໄໝຍິ່ງຂຶ້ນ ”, ທ່ານນາງ Chen ກ່າວ “ ເໜືອສິ່ງອື່ນໃດ ເຮົາຕ້ອງໝັ້ນໃຈວ່າຈະເປັນອະນາຄົດທີ່ທຸກຄົນມີສ່ວນຮ່ວມຍືນຍົງ ແລະ ດີກວ່າ ໂດຍພວກເຮົາທຸກຄົນ, ເພື່ອພວກເຮົາທຸກຄົນ ”.
ການອອກແບບຈາກເທິງລົງລຸ່ມ ຕະຫຼອດຈົນຄວາມສ້າງສັນ ແລະ ພາລະກໍາລັງຈາກລຸ່ມຂຶ້ນເທິງຈໍາເປັນຢ່າງຍິ່ງຕໍ່ການຟື້ນຟູເສດຖະກິດ
ຂະນະນີ້ເລີ່ມມີຫຼາຍປະເທດ ແລະ ພູມີພາກທີ່ປະສົບຄວາມສຳເລັດໃນການໃຊ້ມາດຕະການຄວບຄຸມ ເພື່ອຢຸດຢັ້ງການແຜ່ກະຈາຍຂອງເຊື້ອພະຍາດໂຄວິດ – 19, ເຮັດໃຫ້ເສດຖະກິດໃນບາງປະເທດເລີ່ມກັບມາສູ່ພາວະປົກກະຕິ, ລັດຖະບານຕ່າງໆໄດ້ເປີດຕົວແຜນກະຕຸ້ນເສດຖະກິດໃນຫຼາກຫຼາຍຮູບແບບ ເຊິ່ງເຕັກໂນໂລຊີຂໍ້ມູນຂ່າວສານ ແລະ ການສື່ສານ ຫຼື ໄອຊີທີ ນັ້ນຖືວ່າມີບົດບາດສໍາຄັນໃນແຜນການເຫຼົ່ານີ້. ສໍາລັບປະເທດຈີນ ມີການເປີດຕົວແຜນພັດທະນາໂຄງສ້າງພື້ນຖານໃໝ່ທີ່ໄດ້ວາງງົບປະມານໄວ້ຫຼາຍກວ່າ 140 ຕື້ໂດລາສະຫະລັດ ເພື່ອການລົງທຶນໃນເຕັກໂນໂລຊີ 5G ພຽງຢ່າງດຽວຕະຫຼອດ 5 ປີຂ້າງໜ້າ, ຄາດວ່າຈະເຮັດໃຫ້ເສດຖະກິດດິຈິຕອລຂອງຈີນເຕີບໃຫຍ່ກວ່າ 2 ພັນຕື້ໂດລາສະຫະລັດ ແລະ ເປັນການຂັບເຄື່ອນການຟື້ນຕົວຂອງເສດຖະກິດພາຍໃນປະເທດ. ໃນຂະນະທີ່ສະຫະພາບເອີຣົບປະກາດແຜນກະຕຸ້ນເສດຖະກິດຄືກັນໃນຈໍານວນເງິນ 1,1 ພັນຕື້ເອີໂຣ ເພື່ອຍົກລະດັບການຟື້ນຟູເສດຖະກິດ.
“ ເພື່ອຟື້ນຟູເສດຖະກິດ, ເຮົາຈໍາເປັນຕ້ອງອາໄສການອອກແບບຈາກເທິງລົງລຸ່ມ ລວມເຖິງ ຄວາມສ້າງສັນ ແລະ ພາລະກໍາລັງຈາກລຸ່ມຂຶ້ນເທິງ ”, ທ່ານ ນາງChen ກ່າວ “ ການສະໜັບສະໜູນນະໂຍບາຍລັດປະກອບກັບການປ່ຽນຜ່ານດິຈິຕອລຢ່າງຕໍ່ເນື່ອງໃນພາກອຸດສາຫະກໍາຈະເຮັດໃຫ້ທຸກອຸດສາຫະກໍາໄດ້ປະໂຫຍດຈາກເຕັກໂນໂລຊີດິຈິຕອລໄປຈົນເຖິງການເພີ່ມປະສິດທິພາບ ແລະ ຟື້ນຟູການເຕີບໂຕ ”.
Seeds for the Future ການວ່ານເມັດພືດແຫ່ງອະນາຄົດ ໂດຍການໃຊ້ເຕັກໂນໂລຊີໄອຊີທີເພື່ອອະນາຄົດທີ່ຍືນຍົງ
ທ່ານ ນາງ Chen ໄດ້ອ້າງອີງເຖິງລາຍງານຂອງທະນາຄານໂລກເມື່ອບໍ່ດົນມານີ້ ກ່ຽວກັບຊ່ອງວ່າງທີ່ເພີ່ມຂຶ້ນລະຫວ່າງເສດຖະກິດດິຈິຕອລທົ່ວໄປທີ່ກໍາລັງເຕີບໃຫຍ່ຢ່າງວ່ອງໄວກັບການຂາດທັກສະດ້ານດິຈິຕອລ ໂດຍລະບຸວ່າ: “ ຫົວເຫວີຍຍັງຄົງເດີນໜ້າຂັບເຄື່ອນໂຄງການເຮືອທຸງ Seeds for the Future ເຊິ່ງເປີດຕົວເມື່ອປີ 2008 ແລະ ມີຈຸດປະສົງເພື່ອພັດທະນາຄົນເກັ່ງດ້ານໄອຊີທີໃນລະດັບທ້ອງຖິ່ນ, ຕະຫຼອດໄລຍະເວລາທີ່ຜ່ານມາໂຄງການນີ້ໄດ້ສ້າງປະໂຫຍດໃຫ້ແກ່ນັກຮຽນຫຼາຍກວ່າ 30.000 ຄົນ ຈາກມະຫາວິທະຍາໄລ 400 ແຫ່ງ ໃນ 108 ປະເທດທົ່ວໂລກ. ແຕ່ເນື່ອງຈາກສະຖານະການລະບາດເຮົາຈຶ່ງມີການປັບປ່ຽນໂຄງການເປັນລະບົບອອນລາຍ ແລະ ເປີດຮັບນັກຮຽນເພີ່ມຂຶ້ນທຽບກັບເມື່ອກ່ອນ. ນອກຈາກນັ້ນ, ຫຼາຍອຸດສາຫະກໍາກໍເປີດກວ້າງຮັບເຕັກໂນໂລຊີດິຈິຕອລຫຼາຍຂຶ້ນ ສົ່ງຜົນໃຫ້ແຜນເປົ້າໝາຍການພັດທະນາທີ່ຍືນຍົງພາຍໃນປີ 2030 ຂອງອົງການສະຫະປະຊາຊາດຍິ່ງເຂົ້າໃກ້ຄວາມເປັນຈິງ, ໂດຍສະເພາະເປົ້າໝາຍທີ່ກ່ຽວຂ້ອງກັບການປ່ຽນແປງສະພາບອາກາດ ”.
ທ່ານ ຈ່ຽງຈາຍຕົ່ງ ເອກອັກຄະລັດຖະທູດ ແຫ່ງ ສປ ຈີນ ປະຈໍາ ສປປ ລາວ ໄດ້ເຂົ້າຮ່ວມງານຫົວເຫວີຍ ” The Better World Summit 2020 ” ການປະຊຸມອອນລາຍທົ່ວໂລກພ້ອມດ້ວຍ ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ; ທ່ານ ບຸນເຫຼືອ ສິນໄຊວໍຣະວົງ ຮອງລັດຖະມົນຕີກະຊວງການເງິນ, ທີ່ປຶກສາທຸລະກິດຂອງສະຖານທູດຈີນປະຈໍາ ສປປ ລາວ ທ່ານ ຫວາງຊີຮຸຍ ແລະ ທ່ານອື່ນໆ ກໍໃຫ້ກຽດເຂົ້າຮ່ວມກອງປະຊຸມໃນຄັ້ງນີ້.
The Better World Summit ໄດ້ຖ່າຍທອດສົດເປັນພາສາຈີນ, ອັງກິດ, ສະເປນ, ຝຣັ່ງ, ຣັດເຊຍ, ເກົາຫຼີ, ຍີ່ປຸ່ນ ແລະ ອາລາບິກ. ສາມາດເຂົ້າເບິ່ງລາຍລະອຽດໄດ້ທີ່: https://carrier.huawei.com/en.events/bws2020