ໃນວັນທີ 18 ສິງຫາ 2023 ທີ່ຜ່ານມາ ອົງການໄອຍະການ ປະຊາຊົນ ແຂວງຫຼວງພະບາງ ໄດ້ຈັດຕັ້ງພິທີ ປະກາດການຈັດຕັ້ງ ອົງການໄອຍະການ ປະຊາຊົນ ແລະ ເຂດ ຂຶ້ນ, ໂດຍການເປັນປະທານຂອງ ທ່ານ ຄໍາປະສົງ ດິດຍະວົງ ຫົວໜ້າອົງການໄອຍະການປະຊາຊົນແຂວງຫຼວງພະບາງ, ມີໄອຍະການເຂດ ຕະຫຼອດຮອດ ສະມາຊິກພັກ – ພະນັກງານ ພາຍໃນອົງການໄອຍະການເຂົ້າຮ່ວມ.
ໃນພິທີດັ່ງກ່າວ ທ່ານ ເພັດສີດາ ແສງພະຈັນ ຮອງຫົວໜ້າ ອົງການໄອຍະການ ປະຊາຊົນແຂວງ ໄດ້ຜ່ານຂໍ້ຕົກລົງຂອງຫົວໜ້າອົງການໄອຍະການສູງສຸດ ເລກທີ 532/ ອອບສ ວ່າດ້ວຍການຍົກຍ້າຍ ແລະ ແຕ່ງຕັ້ງຮອງຫົວໜ້າອົງການໄອຍະການປະຊາຊົນເຂດ 3 ແຂວງ ຫຼວງພະບາງດັ່ງນີ້:
- ແຕ່ງຕັ້ງ ທ່ານ ນາງ ສີລິພອນ ປະດີຈິດ ຫົວໜ້າໜ່ວຍງານຕິດຕາມກວດກາທົ່ວໄປ ແລະ ໜ່ວຍງານຕິດຕາມກວດກາ ຄ້າຍຄຸມຂັງ – ດັດສ້າງ ອົງການ ໄອຍະການ ປະຊາຊົນ ເຂດ 1 ເປັນຮອງຫົວໜ້າອົງການໄອຍະການປະຊາຊົນເຂດ 3 ແຂວງຫຼວງພະບາງ,
- ແຕ່ງຕັ້ງ ທ່ານ ອານຸຊາ ສິງປະເສີດ ຮອງຫົວໜ້າຫ້ອງການ ອົງການໄອຍະການປະຊາຊົນພາກເໜືອ ໄປເປັນຫົວໜ້າຂະແໜງຕິດຕາມກວດກາດໍາເນີນຄະດີແພ່ງ ອົງການໄອຍະການປະຊາຊົນ ແຂວງຫຼວງພະບາງ.
- ແຕ່ງຕັ້ງ ທ່ານ ບຸນມີ ພອນສະໄໝ ເປັນຮອງຫົວໜ້າ ຂະແໜງຕິດຕາມກວດກາການດໍາເນີນຄະດີອາຍາ ແລະ ຄະດີເດັກ.
- ແຕ່ງຕັ້ງ ທ່ານ ທູນໃຈ ຄຸນສາທິບ ເປັນຮອງຫົວໜ້າ ຂະແໜງຕິດຕາມກວດກາສະຖານທີ່ກັກຕົວ, ກັກຂັງ, ສູນດັດສ້າງ, ຄ້າຍດັດສ້າງ ແລະ ສູນຝຶກອົບຮົມ ສຳລັບເດັກກະທຳຜິດ.
- ແຕ່ງຕັ້ງ ທ່ານ ທອງຄຳ ປ້ອງກັນຍາ ເປັນຮອງຫົວໜ້າຂະແໜງ ຕິດຕາມກວດກາສະຖານ ທີ່ກັກຕົວ, ກັກຂັງ, ສູນດັດສ້າງ, ຄ້າຍດັດສ້າງ ແລະ ສູນຝຶກອົບຮົມ ສຳລັບເດັກກະທຳຜິດ.
- ແຕ່ງຕັ້ງ ທ່ານ ຊູຊາດ ສີລິພູມ ເປັນຮອງຫົວໜ້າຂະແໜງ ຕິດຕາມກວດກາການດຳເນີນຄະດີແພ່ງ.
- ແຕ່ງຕັ້ງ ທ່ານ ນາງ ພັດສະລິນ ຈັນທະມາລີ ເປັນຫົວໜ້າໜ່ວຍງານ ຕິດຕາມກວດກາ ທົ່ວໄປ ແລະ ໜ່ວຍງານຕິດຕາມກວດກາຄ້າຍຄຸມຂັງ-ດັດສ້າງ ອົງການໄອຍະການເຂດ 1.
- ແຕ່ງຕັ້ງ ທ່ານ ດວງຈັນ ຈັນທາອ້ອມ ເປັນຫົວໜ້າໜ່ວຍງານວິຊາການ ອົງການໄອຍະການປະຊາຊົນ ເຂດ 4.
- ແຕ່ງຕັ້ງ ທ່ານ ນາງ ຫຸມພັນ ພິມມະໄລ ເປັນຮອງຫົວໜ້າຫ້ອງການ ອົງການໄອຍະການປະຊາຊົນ ເຂດ 4.
- ໄດ້ຍົກຍ້າຍ ທ່ານ ອາລຸນກອນ ຈັນທະພອນ ຈາກ ອົງການໄອຍະການປະຊາຊົນເຂດ 4 ມາຮັບໜ້າທີ່ໃໝ່ຢູ່ອົງການໄອຍະການປະຊາຊົນ ແຂວງຫຼວງພະບາງ.
ໂດຍ: ວາລະສານປ້ອງກັນຄວາມສະຫງົບ