ສຳນັກຂ່າວຊິນຫົວ ລາຍງານວ່າ ກຳປູເຈຍ ໄດ້ຈັດພິທີເປີດໂຄງການກໍ່ສ້າງຂົວຂ້າມນໍ້າຂອງໃນແຂວງກະແຈະ ທາງພາກຕາເວັນອອກສ່ຽງເໜືອຂອງປະເທດ ໂດຍມີ ທ່ານ ຮຸນເຊນ ນາຍົກລັດຖະມົນຕີກຳປູເຈຍ ແລະ ທ່ານ ຫວັງ ເຫວິນທຽນ ເອກອັກຄະລັດຖະທູດຈີນ ປະຈຳກຳປູເຈຍ ເຂົ້າຮ່ວມເປັນປະທານໃນພີທີດັ່ງກ່າວ.
ຂົວແຫ່ງນີ້ມີຄວາມຍາວ 1.761 ແມັດ ແລະ ກວ້າງ 13,5 ແມັດ ໂດຍແມ່ນ ບໍລິສັດ ຊຽງໄຮ້ ຄອນສະຕຣັກຊັນ ກຣຸບ ( Shanghai Construction Group ) ເປັນຜູ້ຮັບເໝົາກໍ່ສ້າງ ພາຍໃຕ້ບ້ວງເງິນກູ້ຢືມພິເສດຂອງຈີນ ແລະ ຄາດວ່າຈະສ້າງສຳເລັດພາຍໃນ 42 ເດືອນ.