ສຳນັກຂ່າວຊິນຫົວ ລາຍງານວ່າ: ກະຊວງນະວັດຕະກຳວິທະຍາສາດ ແລະ ເຕັກໂນໂລຊີຂອງອິດສະຣາແອນ ເປີດເຜີຍວ່າ ອິດສະຣາແອນ ແລະ ຝຣັ່ງ ຈະຮ່ວມມືກັນສະໜັບສະໜູນໂຄງການວິໄຈສິ່ງແວດລ້ອມທາງທະເລແບບຍືນຍົງ ແລະ ຟີຊິກປະຍຸກ ໂດຍຜ່ານການຄັດເລືອກແລ້ວ.
ການສະໜັບສະໜູນທາງການເງິນ ຈະຈັດສັນໃຫ້ແກ່ໂຄງການວິໄຈຮ່ວມທາງວິທະຍາສາດ ລະຫວ່າງ ອິດສະຣາແອນ ແລະ ຝຣັ່ງ ສຳລັບການພັດທະນາເຕັກໂນໂລຊີຕ່າງໆ ເພື່ອນຳໄປໃຊ້ທາງທະເລ ແລະ ຄວາມຍືນຍົງ ລວມເຖິງການວິໄຈໂຟໂຕນິກປະຍຸກ ແລະ ເລເຊີ.
ການສະໜັບສະໜູນໃນຄັ້ງນີ້ ຄວບຄຸມໂຄງການໃນໄລຍະເວລາ 2 ປີ ໂດຍຜ່ານການຄັດເລືອກ ຈຳນວນ 8 ໂຄງການ ໂດຍແຕ່ລະໂຄງການຈະໄດ້ຮັບເງິນສະໜັບສະໜູນຈາກອິດສະຣາແອນ ແລະ ຝຣັ່ງ ປະເທດລະ 80.000 ເອີໂຣ ແລະ ລວມທັງໝົດຂອງໂຄງການ ກວມເອົາ ມູນຄ່າ 1,28 ລ້ານເອີໂຣ.
