ພັກກອມມູນິດຈີນໄດ້ມອບ “ຫຼຽນໄຊ 1 ກໍລະກົດ” ແລະ “ຫຼຽນລະນຶກການເປັນສະມາຊິກພັກ 50 ປີຢ່າງສົມກຽດ”

273
In this photo released by Xinhua News Agency, Chinese President Xi Jinping, center, also general secretary of the Communist Party of China (CPC) Central Committee and chairman of the Central Military Commission, walks with recipients of the July 1 Medal, the Party's highest honor given to outstanding Party members at the Great Hall of the People in Beijing, Tuesday, June 29, 2021. Amid celebrations over the centenary of the ruling Communist Party, Chinese President Xi Jinping has awarded loyal party members with medals and called for adherence to Marxism. (Liu Weibing/Xinhua via AP)

ຕອນເຊົ້າວັນທີ 29 ມິຖຸນາຜ່ານມານີ້, ພິທີປະດັບ “ຫຼຽນໄຊ 1 ກໍລະກົດ” ຢູ່ຫໍສະພາປະຊາຊົນຈີນໄດ້ຈັດຂຶ້ນຢ່າງຄຶກຄື້ນ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ໄດ້ໃຫ້ກຽດປະດັບ “ຫຼຽນໄຊ 1 ກໍລະກົດ” ທີ່ເປັນຫຼຽນກຽດຕິຍົດສູງສຸດພາຍໃນພັກໃຫ້ແກ່ 29 ທ່ານ.


ໃນຈຳນວນ 29 ທ່ານ, ມີທ່ານວາງຈ້ານຊານ ນັກຮົບເກົ່າທີ່ພິລະອາດຫານ, ມີທ່ານລູ້ຢວນຈິວ ນາຍຊ່າງຜູ້ດີເລີດ, ມີທ່ານນາງຈ່າງກຸ້ຍເໝີຍ ຄູສອນທີ່ໄດ້ອຸທິຕົນເປັນເວລາ 40 ກວ່າປີ ເພື່ອນັກຮຽນເພດຍິງທີ່ເຂດພູດອຍທີ່ຫ່າງໄກສອກຫຼີກ, ມີທ່ານເສິນຫົງຈຸ່ນ ນັກຮົບທີ່ໄດ້ປ້ອງກັນອະທິປະໄຕ ແລະ ຜືນແຜ່ນດິນ ດ້ວຍຊີວິດຂອງຕົນ, ຍັງມີທ່ານຮວງຕ້າຟາ ຜູ້ທີ່ນຳພາຊາວບ້ານທັງຫຼາຍຂຸດ “ຄອງນ້ຳຊີວິດ” ຢູ່ຕາມຜາຫີນທີ່ສູງຊັນ. “ຫຼຽນໄຊ 1 ກໍລະກົດ” 29 ຫຼຽນຄືການຈາລຶກຜົນງານດີເດັ່ນ ແລະ ກຽດຕິຍົດຂອງພວກເພິ່ນ, ທັງໄດ້ສ່ອງແສງໃຫ້ເຫັນເຖິງຄຸນສົມບັດ ແລະ ຈິດໃຈອັນສູງສົ່ງຂອງຊາວກອມມູນິດ. ເລື່ອງລາວການສູ້ຊົນຜ່ານຜ່າຂອງພວກເພິ່ນໄດ້ເປັນແບບຢ່າງໃຫ້ແກ່ສະມາຊິກພັກກອມມູນິດຈີນ 90 ກວ່າລ້ານຄົນ ແລະ ກໍໄດ້ສ່ອງແສງໃຫ້ເຫັນເຖິງຈິດໃຈບໍ່ລືມອຸດົມການແຕ່ຫົວທີຂອງຊາວກອມມູນິດຈີນ.

ກຽດຕິຍົດສູງສຸດພາຍໃນພັກເປັນຂອງສະມາຊິກພັກທຳມະດາສາມັນ ທີ່ໄດ້ເຮັດວຽກງານທີ່ບໍ່ທຳມະດາ ແລະ ກໍເປັນຂອງສະມາຊິກພັກທຸກຄົນທີ່ໄດ້ສູ້ຊົນຜ່ານຜ່າ ແລະ ອຸທິຕົນ ເພື່ອພັກເຊັ່ນດຽວກັນ.
ໃນຂະນະທີ່ມອບ “ຫຼຽນໄຊ 1 ກໍລະກົດ” ໃຫ້ຜູ້ໄດ້ຮັບຫຼຽນໄຊນັ້ນ, ສະມາຊິກພັກ ທີ່ມີອາຍຸພັກຫຼາຍກວ່າ 50 ປີ ແລະ ປະຕິບັດຕົນເປັນຢ່າງທີ່ດີ 7,1 ລ້ານກວ່າຄົນໃນທົ່ວປະເທດຈີນ ກໍໄດ້ຮັບ “ຫຼຽນລະນຶກການເປັນສະມາຊິກພັກ 50 ປີຢ່າງສົມກຽດ” ຈາກຄະນະກຳມະການສູນກາງພັກກອມມູນິດຈີນ. ນີ້ກໍເປັນຄັ້ງທຳອິດໃນປະຫວັດສາດຂອງພັກ ເຊິ່ງໄດ້ສ່ອງແສງໃຫ້ເຫັນວ່າ: ຄະນະກຳມະການສູນກາງພັກມີຄວາມໄວ້ເນື້ອເຊື່ອໃຈ ແລະ ເປັນການເຊີດຊູກຳລັງໃຈ ໃຫ້ສະມາຊິກພັກຜູ້ອາວຸໂສ, ເປັນກຽດຕິຍົດທີ່ບໍ່ທຳມະດາເຊັ່ນກັນ.

ສະມາຊິກພັກອາວຸໂສທີ່ໄດ້ຮັບ “ຫຼຽນລະນຶກການເປັນສະມາຊິກພັກ 50 ປີຢ່າງສົມກຽດ” ກໍແມ່ນສະມາຊິກທຳມະດາ ແຕ່ພັດໄດ້ຮັບຄວາມເຄົາລົບນັບຖືຈາກຄົນທັງຫຼາຍ. ພວກເພິ່ນອາດຈະບໍ່ໄດ້ເຂົ້າຮ່ວມໃນເຫດການໃຫຍ່ທີ່ສຳຄັນສຳຄັນ, ບໍ່ໄດ້ເຂົ້າຮ່ວມການຕໍ່ສູ້ແບບອົງອາດກ້າຫານ ຫຼືເສຍສະຫຼະຊີວິດເພື່ອປະເທດຊາດ, ແຕ່ພວກເພິ່ນໄດ້ປະຕິບັດຕົນເປັນຢ່າງດີໃນຖານະຄົນທຳມະດາມາເປັນເວລາຫຼາຍສິບປີ ແລະ ເປັນແບບຢ່າງທາງຈິດໃຈໃຫ້ແກ່ຊາວກອມມູນິດ.

["]


ທ່ານເລຂາທິການໃຫຍ່ສີຈິ້ນຜິງເຄີຍກ່າວວ່າ: “ໜ້າທີ່ຂອງຊາວກອມມູນິດລຸ້ນພວກເຮົານີ້, ກໍແມ່ນສືບຕໍ່ຂຽນປະຫວັດສາດໜ້າໃໝ່ດ້ວຍການຍຶດໝັ້ນແລະພັດທະນາສັງຄົມນິຍົມທີ່ມີສີສັນພິເສດຂອງຈີນຕໍ່ໄປ!” ຖ້າຢາກຊຸກຍູ້ປະເທດຈີນໃຫ້ກ້າວໄປໜ້າເລື້ອຍໆ, ຕ້ອງການຫຼາຍເຊັ່ນຄົນແລ່ນຕໍ່ໄມ້ຫຼືສືບທອດ ແລະ ສູ້ຊົນຜ່ານຜ່າຢ່າງບໍ່ຢຸດຢັ້ງ. ໃນນີ້, ບໍ່ພຽງແຕ່ມີສະມາຊິກພັກຜູ້ດີເດັ່ນ ທີ່ໄດ້ຮັບ “ຫຼຽນໄຊ 1 ກໍລະກົດ” ເທົ່ານັ້ນ, ຍັງມີສະມາຊິກພັກອາວຸໂສທີ່ໄດ້ຮັບ “ຫຼຽນລະນຶກການເປັນສະມາຊິກພັກ 50 ປີຢ່າງສົມກຽດ”, ຍັງມີສະມາຊິກພັກ 95 ລ້ານກວ່າຄົນທີ່ສູ້ຊົນຜ່ານຜ່າໃນຂະແໜງການຕ່າງໆໃນທົ່ວປະເທດຈີນອີກດ້ວຍ.
ເມື່ອກ້າວເຂົ້າສູ່ຍຸກໃໝ່, ພາຍໃຕ້ການຊີ້ນຳນຳພາຂອງພັກກອມມູນິດຈີນ, ພາຍໃຕ້ຄວາມພະຍາຍາມຂອງສະມາຊິກພັກກອມມູນິດຈີນທີ່ໄດ້ເຂົ້າຮ່ວມພາລະກິດສ້າງສາສັງຄົມນິຍົມທີ່ມີສີສັນພິເສດຂອງຈີນ, ພວກເຮົາຍ່ອມຈະສາມາດບັນລຸເປົ້າໝາຍໃນການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງຊົນຊາດຈີນໄດ້.