ຕາມຂ່າວຈາກສຳນັກຂ່າວເອພີລາຍງານໃຫ້ຮູ້ວ່າ: ຍົນໂດຍສານຂອງສາຍການບິນ Ukraine international Airline ຂອງປະເທດອູແກຣນໄດ້ຕົກໃນຂະນະທີ່ບິນຂຶ້ນຈາກສະໜາມບິນສາກົນໃນນະຄອນຫຼວງເຕຮາຣານ ຂອງອີຣານ ບໍ່ເທົ່າໃດນາທີ ໃນຕອນເຊົ້າມືດຂອງວັນທີ8 ມັງກອນ2020.
ຖ້ຽວບິນ PS752 ຍົນໂບອິງ 737-800 ບິນຈາກສະໜາມບິນໃນນະຄອນຫຼວງເຕຮາຣານຂອງອີຣານ ເພື່ອມູ່ງໜ້າໄປນະຄອນຫຼວງຂອງຄຽບຂອງອູແກຣນ ໄດ້ຕົກໃກ້ກັບນະຄອນຫຼວງເຕຮາຣານ ເຮັດໃຫ້ຜູ້ໂດຍສານ167ຄົນ ແລະ ຈຸບິນອີກ9 ຄົນ ລວມເປັນ176 ຄົນເສຍຊີວິດທັງໝົດ.
ຢ່າງໃດກໍຕາມຍັງບໍ່ມີລາຍງານເຖິງສາເຫດໃນຄັ້ງນີ້. ຂະນະທີ່ເຈົ້າໜ້າທີ່ຂອງອີຣານກໍໄດ້ເຂົ້າໄປຄົ້ນຫາ ແລະ ກູ້ເສດຍົນແລະສົບ ທີ່ແຕກກະຈາຍໄປທົ່ວ
ເຫດການນີ້ເກີດຂຶ້ນໃນຂະນະທີ່ຄວາມເຄັ່ງຕຶງລະຫວ່າງອີຣານກັບສະຫະລັດອາເມລິກາທະວີຄວາມຮ້າຍແຮງຂຶ້ນ ໂດຍໃນຕອນເຊົ້າມືດຂອງວັນທີ8 ມັງກອນ ກອງທັບອີຣານກໍໄດ້ຍິງຂີປະນາວຸດຫຼາຍສິບລູກໂຈມຕີຖານທັບອາກາດຂອງອາເມລິກາໃນປະເທດອີຣັກ.
ຮູບ: ເອພີ