ໃນວັນທີ 2 ພຶດສະພາ 2024 ນີ້ ຫ້ອງການກະສີກຳ ແລະ ປ່າໄມ້ເມືອງພູຄູນ ໄດ້ຈັດພິທີມອບ-ຮັບໃບຢັ້ງຢືນການນຳໃຊ້ທີ່ດິນກະສີກຳໃຫ້ແກ່ປະຊາຊົນຢູ່ບ້ານພູຢາງ ຢູ່ທີ່ສະໂມສອນຂອງບ້ານ ໂດຍການເຂົ້າຮ່ວມຂອງທ່ານ ສົມມາລີ ຄຳເກັ່ງ ເຈົ້າເມືອງພູຄູນ, ມີທ່ານ ສິມ ໄຊຍະແພງ ນາຍບ້ານພູຢາງ, ພາກສວນທີກ່ຽວຂ້ອງຂອງເມືອງ ຕະຫຼອດຮອດແຂກທີຖືກເຊີນຈາກບ້ານອອ້ມຂ້າງ ແລະ ພໍ່ແມ່ປະຊາຊົນພາຍໃນບ້ານເຂົ້າຮ່ວມ.
ໃນພິທີ ທ່ານ ອຸ່ນຄຳ ປັນຍາໄລ ຫົວໜ້າໜ່ວຍງານກວດກາປ່າໄມ້ ຫ້ອງການກະສີກຳ ແລະ ປ່າໄມ້ເມືອງ ໄດ້ຜ່ານບົດລາຍງານການລົງຈັດສັນທີ່ດິນກະສີກໍາ, ແບ່ງດິນ – ແບ່ງປ່າ ແລະ ສໍາຫຼວດວັດແທກ ອອກໃບຢັ້ງຢືນ ການນໍາໃຊ້ທີ່ດິນກະສິກໍາ ແລະ ປ່າໄມ້ບ້ານ ພູຢາງ ເຊິ່ງທີມງານໄດ້ລົງເຄືອນໄຫວຈັດສັນທີ່ດິນກະສີກໍາ, ແບ່ງດິນ – ແບ່ງປ່າ ແລະ ສໍາຫຼວດວັດແທກ ມາແຕ່ທ້າຍປີ 2023 ຜ່ານມາ ໃນການລົງຈັດສັນທີ່ດິນກະສີກໍາ, ແບ່ງດິນ – ແບ່ງປ່າ ແລະ ສໍາຫຼວດວັດແທກ ອອກໃບຢັ້ງຢືນການນໍາໃຊ້ທີ່ດິນກະສິກໍາ ແລະ ປ່າໄມ້ ໃນຄັ້ງນີ້ ແມ່ນໄດ້ນໍາໃຊ້ແຜນທີ່ ພາບຖ່າຍດາວທຽມ ແລະ ນໍາໃຊ້ເຄື່ອງມື GIS ເຂົ້າໃນການຈັດຕັ້ງປະຕິບັດ ພ້ອມດຽວກັນນັ້ນກໍ່ເກັບກໍາຂໍ້ມູນທາງດ້ານເສດຖະກິດສັງຄົມ ແລະ ລົງສໍາຫຼວດວັດແທກດິນກະສິກໍາ ແລະ ປ່າໄມ້ ຕົວຈີງຢູ່ພາກສະໜາມໂດຍນໍາໃຊ້ເຄື່ອງມື GPS ເພື່ອລົງຈັບຈຸດພິກັດຂອງ ດີນແຕ່ລະຕອນ, ແຕ່ລະປະເພດ, ເພື່ອກໍານົດ ແລະ ວັດແທກທີດິນແຕ່ລະປະເພດ ໃນນັ້ນປະກອບມີ: ຂອບເຂດການຄຸ້ມຄອງຂອງບ້ານ, ຂອບເນື້ອທີ່ດິນກະສິກໍາ, ເນື້ອທີ່ດິນປ່າໄມ້ ຕິດພັນກັບການຈັດສັນທີດິນ 5 ປະເພດ.
ທົ່ວບ້ານພູຢາງ ມີຈໍານວນຄອບຄົວທັງໝົດ 102 ຄອບຄົວ, ມີພົນລະເມືອງ 594 ຄົນ, ຍິງ 310 ຄົນ,ບ້ານພູຢາງ ມີເນື້ອທີ່ດິນລວມທັງໝົດ: 4.265,82 ເຮັກຕາ ໃນນັ້ນເນື້ອທີ່ດິນກະສິກໍາທັງໝົດ 1.712, 53 ເຮັກຕາ ໃນນີ້ ໄດ້ສຳເລັດການສໍາຫຼວດວັດແທກ ອອກໃບຢັ້ງຢືນການນໍາໃຊ້ທີ່ດິນກະສິກໍາ ທັງໝົດ300 ຕອນ, ມີ ເນື້ອທີ່ 624,27 ເຮັກຕາ, ພິທີໃນຄັ້ງນີ້ ໄດ້ມອບໃບຢັ້ງຢືນການນຳໃຊ້ທີດິນກະສີກຳ ແລະ ປ່າໄມ້ໃຫ້ການຈັດຕັ້ງ ພໍ່ແມ່ປະຊາຊົນ ເພື່ອນຳໃຊ້ ແລະ ປັກປັກຮັກສາປ່າໄມ້ ໃຫ້ຖືກຕ້ອງຕາມການຈັດສັນ ເພື່ອແນ່ໃສ່ເຮັດໃຫ້ການນຳໃຊ້ຊັບພະຍາກອນທຳມະຊາດໃຫ້ມີຄວາມຍືນຍົງ ແລະ ຍາວນານ.
ຂ່າວ: ຂ່າວສານເມືອງພູຄູນ