ເຫັນຂ່າວແບບນີ້ແລ້ວດີໃຈນຳຊາວກະສິກອນ ຜູ້ປູກມັນຕົ້ນ ຊຶ່ງເມືອງໄຊບູລີ ເປັນເມືອງໜຶ່ງ ທີ່ມີມູນເຊື້ອຄວາມດຸໝັ່ນໃນການ ປູກຝັງ-ລ້ຽງສັດ ເຊິ່ງມາຮອດ ປະຈຸບັນ, ພໍ່ແມ່ປະຊາຊົນພາຍໃນ ເມືອງ ໄດ້ຫັນສູ່ການຜະລິດກະ ສິກຳເປັນສິນຄ້ານັບມື້ນັບຫຼາຍຂຶ້ນ ແລະເປັນຂະບວນກວ້າງຂວາງ ສາມາດສ້າງລາຍຮັບແກ່ຄອບຄົວຫຼາຍພໍສົມຄວນ ເວົ້າສະເພາະມັນຕົ້ນເທົ່ານັ້ນປີ 2023 ປິດຍອດທີ່ 400 ກວ່າຕື້ກີບ.
ຕາມການລາຍງານຂອງທ່ານ ດວງຕາ ເສນໄຊປັນຍາ ຫົວໜ້າຫ້ອງການກະສິກໍາ ແລະປ່າ ໄມ້ເມືອງໄຊບູລີ ຕໍ່ກອງປະຊຸມເປີດ ກວ້າງຄົບຄະນະບໍລິຫານງານພັກ ເມືອງຄັ້ງທີ 13 ສະໄໝທີ VII ໃນກາງເດືອນມັງກອນຜ່ານມາ ນີ້ໄດ້ໃຫ້ຮູ້ວ່າ: ກ່ຽວກັບການຜະລິດກະ ສິກໍາເປັນສິນຄ້າ ເພື່ອສົ່ງອອກ ແລະທົດແທນການນໍາເຂົ້າວ່າ: ໃນປີ 2023 ການຜະລິດເຂົ້າເປືອກ ນາແຊງ+ນາປີ ບັນລຸໄດ້ 90.924 ໂຕນ ໃນນັ້ນ, ເກັບໄວ້ເປັນແນວ ພັນເຂົ້າປູກ 1.683 ໂຕນ, ມີເຂົ້າ ເປືອກໄວ້ກິນຜູ້ໜຶ່ງ 400 ກິໂລ/ຄົນ/ປີ, ເທົ່າກັບ 26.674 ໂຕນ, ເຂົ້າມີໄວ້ເພື່ອຂາຍເປັນສິນຄ້າ 49.838 ໂຕນ ພ້ອມດຽວກັນນີ້ໄດ້ຊຸກຍູ້ສົງເສີມ ການປູກອ້ອຍໃນທົ່ວເມືອງໃນ ເນື້ອທີ່ 13.580 ເຮັກຕາ ໃນນີ້ມີ: ເນື້ອທີ່ສໍາປະທານຂອງບໍລິສດ 6.216 ເຮັກຕາ ແລະຮູບແບບ 2+3 ຂອງປະຊາຊົນ 7.364 ເຮັກຕາ, ປະລິມານຜົນຜະລິດ 441.864 ໂຕນ.
ສຳລັບການປູກມັນຕົ້ນມີ 52 ບ້ານ, ມີ 3.650 ຄອບຄົບ, ໃນເນື້ອທີ່ 4.524 ເຮັກຕາ, ສະມັດຕະພາບການເກັບກ່ຽວໄດ້ 45 ໂຕນ/ເຮັກຕາ (ມັນດິບ 203.597 ໂຕນ/ປີຂາຍໃນລາຄາ 2 ລ້ານ ກີບ/ໂຕນ), ປະຊາຊົນມີລາຍຮັບເຖິງ 407,16 ຕ້ືກີບ.
ນອກຈາກນີ້ຈຳນວນໜຶ່ງກໍ່ປູກຢາງພາລາລວມໆມີ 1.505 ຄອບຄົວໃນ 44 ບ້ານ, ມີເນື້ອ ທີ່ 3.652 ເຮັກຕາ, ເນື້ອທີ່ທີ່ໃຫ້ຜົນຜະລິດແລ້ວມີ 2.093 ເຮັກຕາ, ເຊິ່ງໃນ 1 ເດືອນໃດສາມາດຂີດໄດ້ 565 ກິໂລ/ເຮັກຕາ, ຂາຍໃນລາຄາກິໂລລະ 12.500 ກີບ, ເທົ່າກັບ 8,2 ລ້ານ ກີບ/ເຮັກຕາ, ໃນເນື້ອທີ່ 2.093 ເຮັກຕາ ສາມາດຂາຍໄດ້ເປັນເງິນ 17,25 ຕື້ກວ່າ ກີບ/1 ເດືອນ.
ໄປພ້ອມໆກັບການປູກຝັງ ປະຊາຊົນໄຊບູລີຍັງ ລ້ຽງສັດໃຫຍ່ນ້ອຍຈຳນວນໜຶ່ງ ເພື່ອບໍລິໂພກເອງພາຍໃນຄອບຄົວ ແລະຂາຍເປັນສິນຄ້າຕື່ມອີກ.
