ລາຍການອາຫານມື້ນີ້ຮັບຮອງວ່າໄດ້ປະໂຫຍດຈາກ ແຊລມອນແບບເຕັມໆ ເຊິ່ງມີທັງໂອເມກ້າ 3, ກິນແລ້ວຍ່ອຍງ່າຍ ແລະ ມີຄຸນຄ່າທາງອາຫານສູງອີກດ້ວຍ.
ສ່ວນປະສົມ:
1 ເນີຍສົດ 100 ກຣາມ.
2 ເກືອ 1/2 ບ່ວງກາເຟ.
3 ເປືອກໝາກນາວຂູດ 1 ໜ່ວຍ.
4 ຜັກຫອມປ້ອມສັບ 1 ບ່ວງແກງ.
5 ຜັກຊີສັບ 1 ບ່ວງກາເຟ.
6 ກະທຽມສັບ 1/2 ບ່ວງແກງ.
7 ພິກໄທ 1 ບ່ວງກາເຟ.
8 ປາແຊລມອນຊອຍເປັນຕ່ອນ 500 ກຣາມ.
ວິທີປຸງແຕ່ງ:
ນຳເນີຍສົດ, ເກືອ, ກະທຽມສັບ, ພິກໄທ, ຜັກຊີສັບ, ຜັກຫອມປ້ອມສັບ ແລະ ເປືອກໝາກນາວຂູດໃສ່ຖ້ວຍແລ້ວນຳໄປເວັບ ປະມານ 30 ວິນາທີ. ຈາກນັ້ນ, ນຳອອກມາຄົນໃຫ້ທຸກຢ່າງເຂົ້າກັນດີ ແລະ ນຳປາແຊລມອນໃສ່ຖາດອົບໄວ້.
ເມື່ອຈັດປາແຊລມອນໃສ່ຖາດແລ້ວທາເນີຍທີ່ປະສົມລົງໃນຊີ້ນປາໃຫ້ທົ່ວ ແລະ ນຳໄປອົບໃນອຸນຫະພູມ 400 ອົງສາ ປະມານ 10 – 12 ນາທີ ( ສໍາລັບຜູ້ທີ່ບໍ່ມັກໃຫ້ຊີ້ນປາແຊລມອນແຫ້ງເກີນໄປກໍອົບປະມານ 8 – 10 ນາທີ ຊີ້ນປາຈະຊຸ່ມໆນໍ້າເລັກໜ້ອຍ ) ເມື່ອສຸກແລ້ວກໍຈັດໃສ່ຈານພ້ອມເສີບ.
( ຂໍ້ມູນຈາກ: myna-turalfamily.com )
[ ຮຽບຮຽງ: ນຸ້ມນິ້ມ ]
