ເມືອງລາວໜ້າທ່ຽວ ໃຜກໍຢາກມາສໍາຜັດ ຢ່າງພະເອກໜຸ່ມຫຼໍ່ຄົນນີ້ ໄມ໊ ພັດທະລະເດດ ດາລາ – ນັກສະແດງ ຊາຍແບບດັງຈາກ ຊ່ອງ 7 ຂອງປະເທດໄທ ກໍມາທ່ຽວລາວ ຢ້ຽມຢາມລາວເປັນທີ່ຮຽບຮ້ອຍ ໂດຍໄດ້ເຊັກອິນທີ່ ວັງວຽງດິນແດນສວຍງາມ ບອກເລີຍວ່າ ວິວງາມ ວິວດີຂຶ້ນໄປອີກ.
ແຟນຄລັບ, ລາວ ແລະ ໄທ ຕ່າງເຂົ້າມາສະແດງ ຄວາມຄິດເຫັນ ແລະ ກ່າວຕ້ອນຮັບ ທັກທາຍກັນຢ່າງໜ້າຮັກ ບໍ່ວ່າຈະເປັນ ສະບາຍດີ, ຍິນດີຕ້ອນຮັບສູ່ປະເທດລາວ, ຢາກໄປທ່ຽວນໍາ, ໂຕແທ້ຫຼໍ່ຫຼາຍ ແລະ ອື່ນໆ
ໂດຍພາບທີ່ໜຸ່ມ ໄມ໊ ໂພສ ກໍຈະເປັນນັ່ງແຄມນໍ້າຊອງ, ລ່ອງເຮືອຊົມວິວ, ລອງກິນອາຫານລາວ, ເບິ່ງບູດາກູນນໍ້າສີຟ້າ, ສັງສັນມ່ວນຊື່ນ ເປັນພາບທີ່ບົ່ງບອກເຖິງ ຄວາມມ່ວນຊື່ນ ແລະ ແຟນໆຫຼາຍໆຄົນຢາກເປັນໜຶ່ງຄົນທີ່ໄດ້ຮ່ວມທຣີບນີ້ນຳສຸດໆເລີຍແມ່ນບໍ່?.
ປະເທດລາວຍັງມີຫຼາຍແຂວງ ຫຼາຍບ່ອນທີ່ຢາກຊວນໃຫ້ໄປສຳຜັດ … ຍິນດີຕ້ອນຮັບສູ່ປະເທດລາວ ມາທ່ຽວລາວອີກເດີໜຸ່ມ ໄມ໊.
ພາບ: Mike Pattaradet FC. ຂ່າວ: ເມລີ
