*
ຂໍສະແດງຄວາມຍິນດີກັບ ສາວ ເຈນ ມະໄລລັກ ພະຈັນ ທີ່ໄດ້ເປັນ MISS GRAND LAOS 2019 ໃນຄໍ່າຄືນ ການປະກວດ Miss World Laos 2019 ວັນທິ 19 ກັນຍາ 2019 ທີ່ຜ່ານມາ
*
ເຈນ ມະໄລລັກ ເປັນສາວປາກເຊ ອາຍຸ 24ປີ ເກີດເມື່ອວັນທີ 22 ສິງຫາ 1995, ສ່ວນສູງ165 ຊັງຕີແມັດ ຮຽນຈົບສະຖານບັນຣັດຕະນະບໍລິຫານທຸລະກິດ ສາຂາ ບໍລິຫານທຸລະກິດ ຮຽນຈົບແລ້ວກໍເຮັດວຽກຢູ່ນະຄອນຫຼວງວຽງຈັນ.
*
*
ກ່ອນໄດ້ຮັບລາງວັນ ມະໄລລັກ ພະຈັນ ເຄີຍກ່າວວ່າ: ເຫດຜົນທີ່ເລືອກເຂົ້າປະກວດໃນເວທີ Miss World Laos 2019 ນີ້ຍ້ອນວ່າເປັນເວທີທີ່ເຮັດໃຫ້ນ້ອງສະແດງຄວາມສາມາດໄດ້ເຕັມທີ່ ມີທັງແຄັມເປນ ແລະ ກິດຈະກຳຫຼາກຫຼາຍ, ເປັນເວທີສາກົນ ແລະທ້າທາຍດີສຳລັບນ້ອງ.
*
*
ຫຼ້າສຸດທີ່ໄດ້ຮັບຕໍາແໜ່ງເປັນ MISS GRAND LAOS 2019 ກໍຮູ້ສຶກດີໃຈ ແລະ ພູມໃຈຫຼາຍກັບຕໍາແໜ່ງນີ້ ເຈນ ໂພສວ່າ:
ຜູ້ຍິງໂຕນ້ອຍຄົນໜຶ່ງທີ່ມີຈິດໃຈສູ້ຢາກເຮັດໄດ້ຕາມຄວາມຝັນ ສູ້ໂຕຄົນດຽວ ຍ້ອນຄວາມມັກໃນການປະກວດ ຢາກໃສ່ມົງ ຢາກໂບກມືຢູ່ເທິງເວທີ ມື້ນີ້ກໍ່ມາຮອດແລ້ວ ມັນຄືຝັນມັນຄືຄວາມຕັ້ງໃຈ.
*
ຂອບໃຈຄອບຄົວທີ່ບໍ່ເຄີຍຫ້າມແຕ່ໃຫ້ກຳລັງໃຈຕະຫຼອດ, ຂອບໃຈອ້າຍອາແລະເອື້ອຍຝົນSaykeo Make ທີ່ເຫັນຄວາມສາມາດຂອງນ້ອງ .
ຂອບໃຈອ້າຍເອື້ອຍລ້ຽງທຸກຄົນທີ່ດູແລຄືຄອບຄົວພິເສດNararit Aiemsiriທີ່ສິດສອນມາຕະຫຼອດ, ຂອບໃຈ Anchalee Wongariyakaweeທີ່ເຫັນໃນຄວາມສາມາດໃຫ້ນ້ອງໄດ້ລາງວັນOxymora ຂອບໃຈທຸກຄົນທີ່ເຊຍເຈນມາຕະຫຼອດ ແລະເຊື່ອໝັ້ນໃນຜູ້ຍິງຄົນນີ້ …
*
ເຈນ ມີຄວາມສາມາດໄດ້ການ ເປັນພິທິກອນ ແລະ ຮ້ອງເພງ ເຮັດໃຫ້ມີຜົນງານບັນເທີງຜ່ານມາ ທັງເປັນພິທິກອນ – ຮ້ອງໂຄເວີ້ເພງ – ສະແດງເອັມວີ
ເຄັດລັບໃນການຮັກສາສຸຂະພາບຄື ອອກກຳລັງກາຍ ທິດ 1 ປະມານ 3 ຄັ້ງ ແລະງົດຂອງທອດ, ນໍ້າອັດລົມ , ສຳລັບຄວາມງາມແມ່ນທາກັນແດດຕະຫຼອດ
*
ເວລາຫວ່າງ ມັກເບິ່ງYoutubeກ່ຽວກັບເຄັດລັບການເວົ້າ,ເດີນແບບ ແລະ ມັກຂາຍອອນລາຍໃນຍາມວ່າງ(ແຕ່ສ່ວນຫຼາຍບໍ່ຄ່ອຍວ່າງ ເພາະເຮັດວຽກຫຼາຍບ່ອນ)
*
ສ່ວນເປົ້າໝາຍໃນອະນາຄົດ ມະໄລລັກບອກວ່າ: ຢາກຊ່ວຍເຫຼືອໂຮງຮຽນເຂດຊົນນະບົດ ແລະ ຢາກດູແລຄອບຄົວ ມີທຸລະກິດເປັນຂອງຕົນເອງ ຕອນນີ້ຢາກເປັນຕົວແທນຂອງຜູ້ຍິງລາວ ເພື່ອໄປສະແດງ ເຜີຍແຜ່ວັດທະນະທຳລາວ ແລະ ເວົ້າໃຫ້ທຸກຄົນໄດ້ຮູ້ຈັກປະເທດລາວຫຼາຍຂຶ້ນ
*
