ພະສົງນຳພາສ້າງເສັ້ນທາງເບຕົງເສີມເຫຼັກໃຫ້ຊາວນາເຊັງ

48

ໃນທ້າຍເດືອນທັນວາຜ່ານມາ ທີ່ວັດພົມສີລາ ບ້ານ ນາເຊັງ ນະຄອນໄກສອນ ພົມວິຫານ ແຂວງສະຫວັນນະເຂດ ໄດ້ຈັດພິທີເຮັດບຸນໃຫຍ່ການກໍ່ສ້າງບູລະນະປົວແປງເສັ້ນທາງຮ່ອມທາງເຂົ້າບ້ານນາເຊັງ. ໃຫ້ກຽດເປັນປະທານຝ່າຍສົງ ໂດຍພຣະອາຈານໃຫຍ່ ສົມບູນ ສີຣິປັນໂຍ ປະທານທີ່ປຶກສາ ອພສ ແຂວງສະຫວັນນະເຂດ ພ້ອມພຣະສົງສຳມະເນນ, ພາຍນອກມີທ່ານ ປະສົງສິນ ຈະເລີນສຸກ ເຈົ້ານະຄອນ ໄກສອນ ພົມວິຫານ,ມີຄະນະພັກ,ຄະນະການນຳນະຄອນ, ພ້ອມດ້ວຍອອກຕົນ ຍາດໂຍມ, ແຂກຖືກເຊີນ, ການຈັດຕັ້ງບ້ານ ແລະ ພໍ່ແມ່ປະຊາຊົນ ບ້ານນາເຊັງ ແລະບ້ານໃກ້ຄຽງເຂົ້າຮ່ວມ.

May be an image of 8 people, temple and text

ໂອກາດນີ້, ພຣະອາຈານ ອິນທິລາດ ຈັນທະນູສອນ ເຈົ້າອະທິການວັດພົມສີລາບ້ານນາເຊັງ ທັງເປັນຜູ້ຊີ້ນໍາ ໂຄງການບູລະນະປົວແປງເສັ້ນທາງຮ່ອມທີ 23 ທາງເຂົ້າບ້ານນາເຊັງກໍ່ໄດ້ກ່າວລາຍງານຕໍ່ພິທີ ວ່າ: ໃນເມື່ອກ່ອນ, ເສັ້ນທາງດັ່ງກ່າວເປັນເສັ້ນທາງປູຢາງ ຢ່າງດີ ແຕ່ຕົກມາຮອດປະມານປີ 2022 ເສັ້ນທາງໄດ້ເປ້ເພເສຍຫາຍເລື້ອຍມາຈົນມາຮອດປັດຈຸບັນ ໃນໄລຍະຜ່ານມາ ອົງການຈັດຕັ້ງບ້ານ ຕະຫຼອດຮອດພໍ່ແມ່ປະຊາຊົນໄດ້ພ້ອມພຽງກັນບູລະນະປົວແປງເສັ້ນທາງດັ່ງກ່າວໄປແລ້ວໄລຍະໜຶ່ງ ໂດຍໃຊ້ດິນແດງ ແລະ ຈ້າງກົນຈັກມາປັບເກດ ແຕ່ກໍ່ບໍ່ສາມາດເຮັດໃຫ້ເສັ້ນທາງດັ່ງກ່າວສຳເລັດໄດ້ ເພາະວ່າທຶນຮອນຂອງອົງການຈັດຕັ້ງບ້ານ ພໍ່ແມ່ປະຊາຊົນບໍ່ພຽງພໍ.

May be an image of 12 people

ດັ່ງນັ້ນ, ຫຼາຍພາກສ່ວນ ຈຶ່ງໄດ້ເຫັນດີເປັນເອກະພາບກັນໃນການບູລະນະປົວແປງເສັ້ນທາງ ດັ່ງກ່າວ ເຊິ່ງເປັນເສັ້ນທາງຮ່ອມ 23 (ເສັ້ນທາງກາງບ້ານ) ເຊິ່ງ ແມ່ນເສັ້ນທາງຫຼັກໃນການສັນ ຈອນໄປມາຂອງປະຊາຊົນພາຍໃນບ້ານ ເສັ້ນ ທາງມີຄວາມຍາວທັງໝົດ 1.200 ແມັດ, ກວ້າງ 06 ແມັດ, ການສ້ອມແປງໄດ້ແບ່ງອອກເປັນ 2 ໄລຍະ ໃນນີ້ ໄລຍະທໍາອິດ ຈະກໍ່ສ້າງ 500 ແມັດ,ແຕ່ຈະລົງມືເຮັດຕົວຈິງແມ່ນເຮັດກ່ອນ 100 ແມັດ ມູນຄ່າ 192 ລ້ານກວ່າກີບ, ສ່ວນທຶນຮອນແມ່ນໄດ້ຂໍແຜ່ລະດົມນຳພາກລັດ, ຄູບາອາຈານ,ພໍ່ແມ່ປະຊາຊົນ,ພະນັກງານ,ຜູ້ປະກອບການ,ນັກທຸລະກິດ,ພາຍໃນ ແລະ ຕ່າງປະເທດ .

May be an image of 4 people

ຊຶ່ງຈະກໍ່ສ້າງເປັນທາງເບຕົງ ໂດຍແມ່ນບໍລິສັດສະຫວັນຄຳກໍ່ສ້າງຈໍາກັດຜູ້ດຽວ ເປັນຜູ້ຮັບເໝົາການກໍ່ສ້າງ, ລວມມູນຄ່າທັງໝົດ 962 ລ້ານກວ່າກີບ. ຈາກນັ້ນ, ບັນດາຄະນະປະທານ ພ້ອມດ້ວຍແຂກທີ່ເຂົ້າຮ່ວມພິທີ ກໍ່ໄດ້ພ້ອມກັນລັ່ນຄ້ອງເກົ້້າບາດ ແລະ ຮ່ວມກັນເທເບຕົງ ເພື່ອເລີ່ມ ການກໍ່ສ້າງຢ່າງເປັນທາງການ.

May be an image of 3 people

ພາບ-ຂ່າວ: ນະຄອນ ໄກສອນ ພົມວິຫານ.