ພິທີເຊັນບົດບັນທຶກຄວາມເຂົ້າໃຈ (MOU) ວ່າດ້ວຍການສຶກສາສໍາຫຼວດຄວາມເປັນໄປໄດ້ໃນການລົງທຶນພັດທະນາປູກສາລີ ແລະ ໝາກມ່ວງຫິມະພານ ໃນເນື້ອທີ່ 150 ເຮັກຕາ ຢູ່ເຂດບ້ານສົ້ມໂຮງ ເມືອງມຸນລະປາໂມກ ແຂວງຈໍາປາສັກ ລະຫວ່າງ ແຂວງຈໍາປາສັກ ຕາງໜ້າໂດຍພະແນກແຜນການ ແລະ ການລົງທຶນແຂວງ ກັບ ບໍລິສັດ ຊິຊິນ ການຄ້າສາກົນ ຂາອອກ-ຂາເຂົ້າ ຈໍາກັດຜູ້ດຽວ ຈັດຂຶ້ນໃນວັນທີ 13 ມິຖຸນາ 2024 ຢູ່ທີ່ພະແນກແຜນການ ແລະ ການລົງທຶນແຂວງ ໂດຍການໃຫ້ກຽດເຂົ້າຮ່ວມຂອງທ່ານ ອາລຸນໄຊ ສູນນະລາດ, ເຈົ້າແຂວງຈຳປາສັກ.
![อาจเป็นรูปภาพของ 4 คน และ ข้อความ](https://scontent.fvte2-1.fna.fbcdn.net/v/t39.30808-6/448380491_7599672820102152_5414354741230957516_n.jpg?_nc_cat=105&ccb=1-7&_nc_sid=5f2048&_nc_eui2=AeF9tIUhE8vB4yuSWCEc8nDRAHw9dvwY6uoAfD12_Bjq6rDOx5g7HWbe-TevJOf-bgKpDsebut8dxHSL3rsIGfJ-&_nc_ohc=C2Csj9SK2vcQ7kNvgGvlnwi&_nc_ht=scontent.fvte2-1.fna&oh=00_AYCKS-HfBCTNiQaT8ouf9CJ9gPwqPI9BkcSKUfd4Jq4A4Q&oe=6675B045)
ບົດບັນທຶກຄວາມເຂົ້າໃຈ (MOU) ສະບັບນີ້ ສ້າງຂຶ້ນນບົນພື້ນຖານ ຜົນກອງປະຊຸມ ເຈົ້າແຂວງ-ຮອງເຈົ້າແຂວງ ຄັ້ງວັນທີ 21 ມີນາ 2024 ແລະ ຂໍ້ ຕົກລົງທ່ານເຈົ້າແຂວງໆຈໍາປາສັກ ສະບັບເລກທີ 508/ຈຂ.ຈສ ລົງວັນທີ 07/05/2024 ເຊິ່ງເປັນຈຸດເຂດເນື້ອທີ່ດິນນອນໃນບັນຊີຮຽກການລົງທຶນຂອງແຂວງ ລົງທຶນບໍ່ມີປະສິດທິຜົນໃນການລົງທຶນ ທີ່ໄດ້ຈາກການຍົກເລີກໂຄງການ ແລະ ການເຊັນບົດບັນທຶກຄວາມເຂົ້າໃຈ (MOU) ດັ່ງກ່າວແມ່ນໄດ້ຜ່ານກອງປະຊຸມເຈລະຈາຂອງຂະແໜງການທີ່ກ່ຽວຂ້ອງຂອງແຂວງ ແລະ ບໍລິສັດ ໃນຄັ້ງວັນທີ 07 ກຸມພາ 2024, ປະກອບດ້ວຍ 18 ມາດຕາ, ເພື່ອສຶກສາສໍາຫຼວດຄວາມເປັນໄປໄດ້ໃນການລົງທຶນພັດທະນາໂຄງການ ປູກສາລີ ແລະ ໝາກມ່ວງຫິມະພານ ຢູ່ເຂດບ້ານສົ້ມໂຮງ ເມືອງມຸນລະປະໂມກ ຂອບເຂດເນື້ອທີ່ດິນ ຈໍານວນ 150 ເຮັກຕາ, ໄລຍະເວລາໃນການສຶກສາສໍາຫລວດ 12 ເດືອນ.
![อาจเป็นรูปภาพของ 14 คน, ผู้คนกำลังอ่านหนังสือ และ ข้อความ](https://scontent.fvte2-1.fna.fbcdn.net/v/t39.30808-6/448278330_7599673393435428_4056047774806527088_n.jpg?_nc_cat=111&ccb=1-7&_nc_sid=5f2048&_nc_eui2=AeFNQG5iF8kLfGaV91A3CAYkQEl1ynuFH5NASXXKe4Ufk7cdGte1ul9GJT7FDn_fRisw2TGW1S1CgUFQ3YCXNURC&_nc_ohc=82XhwE2MJ4AQ7kNvgH8Jvq7&_nc_ht=scontent.fvte2-1.fna&oh=00_AYCiiEzKn6yyZ3XoD1zK1Ml0BaUO6MNdhPdo6EssdjaEzQ&oe=6675C40A)
ຈະຕ້ອງໄດ້ສຶກສາຄວາມເປັນໄປໄດ້ທາງດ້ານເສດຖະກິດ- ເຕັກນິກ, ການສຶກສາຜົນກະທົບສິ່ງແວດລ້ອມເບື້ອງຕົ້ນທາງສັງຄົມ ແລະ ທຳມະຊາດ, ກວດກາຄືນ ຈຸດຂອບເຂດເນື້ອທີ່ດິນ ແລະ ແຜນວາດການຈັດສັນນໍາໃຊ້ເນື້ອທີ່ດິນໃນການລົງທຶນ.