ງານນີ້ຂ່າວບັນເທີງຕ້ອງຂໍສະແດງຄວາມຍິນດີ ແລະ ດີໃຈນໍາສຸດໆເລີຍ ເມື່ອໜຸ່ມຫຼໍ່ຊາຍແບບ ຈາກປະເທດລາວ ອຸງ ທົດສະພອນ ສິດພະໄຊ ນັກສະແດງ ຊາຍແບບ ດາຣາລາວ ທີ່ມີຜົນງານໃນວົງການມາແລ້ວແບບນັບບໍ່ຖ້ວນ ມາມື້ນີ້ກໍຖືວ່າປະສົບຜົນສໍາເລັດໄປອີກຂັ້ນ ຂຶ້ນຮັບລາງວັນຢູ່ປະເທດສິງກະໂປອີກດ້ວຍ.
ການຮັບລາງວັນຂອງໜຸ່ມອຸງໃນຄັ້ງນີ້ແມ່ນ ໃນສາຂາ Shininng Artist ໃນງານປະກາດລາງວັນ HOFS AWARD 2024 ພ້ອມດຽວກັນໜຸ່ມອຸງຍັງໄດ້ກ່າວຄວາມຮູ້ສຶກວ່າ: ຄັ້ງໜຶ່ງໃນການໄດ້ຮັບລາງວັນ ຂອງການເຮັດວຽກໃນວົງການບັນເທີງ
ຂອບໃຈສຳລັບລາງວັນ Shininng Artist ຈາກງານ HOFS AWARD 2024 ທີ່ປະເທດສິງກະໂປ, ຮູ້ສຶກດີໃຈ ແລະ ພູມໃຈໃນທີ່ເປັນສິລະປິນລາວເຂົ້າຮ່ວມ.
ແນວໃດຂ່າວບັນເທີງເອງກໍຂໍສະແດງຄວາມຍິນດີດ້ວຍ ແລະ ຝາກແຟນຂາວທຸກຄົນຕິດຕາມ ແລະ ສະໜັບສະໜູນໜຸ່ມຫຼໍ່ຄົນນີ້ແດ່ເດີ.
